ਭਾਈ ਰੂਪਾ 24 ਅਕਤੂਬਰ ( ਅਮਨਦੀਪ ਸਿੰਘ ਭਾਈ ਰੂਪਾ ) : ਸਿੱਖਾ ਨੂੰ ਗੁਮਰਾਹ ਕਰਨ ਲਈ ਰਾਸਟਰੀ ਸਿੱਖ ਸੰਗਤ ( ਆਰ ਐੱਸ ਐੱਸ ) ਵੱਲੋਂ ਦਿੱਲੀ ਵਿਖੇ ਕਰਵਾਏ ਜਾ ਰਹੇ ਸਮਾਗਮ ਤੋ ਸਿੱਖ ਕੌਮ ਸੁਚੇਤ ਰਹੇ ਇਹਨਾ ਸਬਦਾ ਦਾ ਪ੍ਰਗਟਾਵਾ ਕੌਮੀ ਪੰਜ ਪਿਆਰੇ ਸਿੰਘਾ ਭਾਈ ਸਤਨਾਮ ਸਿੰਘ ਖੰਡੇਵਾਲਾ, ਭਾਈ ਮੇਜਰ ਸਿੰਘ ਖਾਲਸਾ, ਭਾਈ ਮੰਗਲ ਸਿੰਘ, ਭਾਈ ਸਤਨਾਮ ਸਿੰਘ, ਭਾਈ ਤਰਲੋਕ ਸਿੰਘ ਨੇ ਸਾਂਝੇ ਰੂਪ ਵਿਚ ਕੀਤਾ ! ਪੰਜਾ ਸਿੰਘਾ ਨੇ ਕਿਹਾ ਕਿ ਆਰ ਐੱਸ ਐੱਸ ਦਾ ਮੁੱਖ ਮਕਸਦ ਭਾਰਤ ਨੂੰ ਹਿੰਦੂ ਰਾਸਟਰ ਬਣਾਉਣਾ ਹੈ ਅਤੇ ਇਸੇ ਕਾਰਣ ਉਹ ਸਾਰੇ ਧਰਮਾ ਦੇ ਲੋਕਾ ਨੂੰ ਚਾਲ ਤਹਿਤ ਆਪਣੇ ਅੰਦਰ ਜਜਬ ਕਰਨ ਦੀਆਂ ਕੋਸਿਸਾਂ ਕਰ ਰਹੇ ਹਨ !
ਉਹਨਾ ਕਿਹਾ ਕਿ ਇਸੇ ਕੜੀ ਤਹਿਤ ਹੀ ਹੁਣ ਆਰ ਐੱਸ ਐੱਸ ਵੱਲੋਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦਾ ਪ੍ਰਕਾਸ ਦਿਹਾੜਾ ਮਨਾਇਆ ਜਾ ਰਿਹਾ ਹੈ ਤਾਂ ਜੋ ਸਿੱਖ ਕੌਮ ਨੂੰ ਗੁਮਰਾਹ ਕਰਕੇ ਆਪਣੀ ਸੋਚ ਤੇ ਤੋਰਿਆ ਜਾ ਸਕੇ ! ਤਖਤ ਸਾਹਿਬ ਤੋ ਜਾਰੀ ਹੋਏ ਹੁਕਮਨਾਮੇ ਨੂੰ ਚੁਨੌਤੀ ਦੇ ਕੇ ਗਿਆਨੀ ਇਕਬਾਲ ਸਿੰਘ ਵੱਲੋਂ ਆਰ ਐੱਸ ਐੱਸ ਦੇ ਸਮਾਗਮ ਵਿਚ ਸਾਮਲ ਹੋਣ ਸਬੰਧੀ ਪੁਛੇ ਜਾਣ ਤੇ ਪੰਜਾ ਸਿੰਘਾਂ ਨੇ ਕਿਹਾ ਕਿ ਆਪਣੇ ਹੱਥੀ ਜਾਰੀ ਕੀਤੇ ਹੋਏ ਹੁਕਮਨਾਮਿਆ ਨੂੰ ਤਖਤਾਂ ਦੇ ਜੱਥੇਦਾਰਾਂ ਵੱਲੋਂ ਹੀ ਨਾ ਮੰਨਣਾ ਬਹੁਤ ਜਿਆਦਾ ਮੰਦਭਾਗੀ ਗੱਲ ਹੈ ! ਉਹਨਾ ਕਿਹਾ ਕਿ ਜਿਹੜੇ ਤਖਤ ਸਾਹਿਬਾਨਾ ਤੋ ਗੁਰੂ ਸਾਹਿਬ ਜੀ ਨੇ ਕੌਮ ਦੇ ਸਿਧਾਂਤਾ ਨੂੰ ਹੋਂਦ ਵਿਚ ਲਿਆ ਕੇ ਜਾਰੀ ਕਰਵਾਇਆ ਸੀ ਅੱਜ ਉਹਨਾ ਤਖਤਾਂ ਤੇ ਧੱਕੇ ਨਾਲ ਕਾਬਜ ਹੋਏ ਮਸੰਦ ਜੱਥੇਦਾਰਾਂ ਤੋ ਸਿੱਖ ਸੰਗਤਾਂ ਸੁਚੇਤ ਰਹਿਣ ਜੋ ਆਪਣੇ ਆਕਾਵਾਂ ਨੂੰ ਸਿਆਸੀ ਲਾਹਾ ਦਿਵਾਉਣ ਲਈ ਸਰੇਆਮ ਕੌਮ ਨਾਲ ਗਦਾਰੀਆਂ ਕਰ ਰਹੇ ਹਨ !