ਆਨਲਾਈਨ ਡੈਸਕ, ਨਵੀਂ ਦਿੱਲੀ : ICC ODI ਵਿਸ਼ਵ ਕੱਪ 2023 ਦੀ ਮੇਜ਼ਬਾਨੀ ਭਾਰਤ ਕਰ ਰਿਹਾ ਹੈ। ਇਸ ਵਾਰ ਵਿਸ਼ਵ ਕੱਪ ‘ਚ ਕੁੱਲ 10 ਟੀਮਾਂ ਖੇਡ ਰਹੀਆਂ ਹਨ ਜਿਨ੍ਹਾਂ ‘ਚ ਭਾਰਤ ਤੋਂ ਇਲਾਵਾ ਪਾਕਿਸਤਾਨ, ਇੰਗਲੈਂਡ, ਆਸਟ੍ਰੇਲੀਆ, ਨਿਊਜ਼ੀਲੈਂਡ, ਸ਼੍ਰੀਲੰਕਾ, ਦੱਖਣੀ ਅਫਰੀਕਾ, ਬੰਗਲਾਦੇਸ਼, ਅਫਗਾਨਿਸਤਾਨ ਤੇ ਨੀਦਰਲੈਂਡ ਟੀਮਾਂ ਸ਼ਾਮਲ ਹਨ।
ਤੁਹਾਨੂੰ ਦੱਸ ਦੇਈਏ ਕਿ ਵਨਡੇ ਵਿਸ਼ਵ ਕੱਪ 2023 ਦੇ ਜ਼ਿਆਦਾਤਰ ਮੈਚ ਹਾਈ ਸਕੋਰ ਵਾਲੇ ਦੇਖੇ ਗਏ ਸਨ। ਇਸ ਟੂਰਨਾਮੈਂਟ ‘ਚ ਜਿੱਥੇ ਇਕ ਪਾਸੇ ਬੱਲੇਬਾਜ਼ ਮੈਦਾਨ ‘ਤੇ ਦੌੜਾਂ ਬਣਾਉਂਦੇ ਨਜ਼ਰ ਆ ਰਹੇ ਹਨ ਉਥੇ ਹੀ ਦੂਜੇ ਪਾਸੇ ਗੇਂਦਬਾਜ਼ ਵੀ ਘਾਤਕ ਗੇਂਦਬਾਜ਼ੀ ’ਤੇ ਮਹਿਫਲ ਲੁੱਟ ਰਹੇ ਹਨ। ਅਜਿਹੀ ਸਥਿਤੀ ਵਿੱਚ, ਆਓ ਇਸ ਲੇਖ ਰਾਹੀਂ ਜਾਣਦੇ ਹਾਂ ਵਿਸ਼ਵ ਕੱਪ 2023 ਵਿੱਚ ਹੁਣ ਤੱਕ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਪੰਜ ਬੱਲੇਬਾਜ਼ ਕੌਣ ਹਨ।
ਵਿਸ਼ਵ ਕੱਪ 2023 ’ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਟਾਪ-5 ਬੱਲੇਬਾਜ਼
ਕਵਿੰਟਨ ਡਿਕਾਕ
ਅਫਗਾਨਿਸਤਾਨ ਦੇ ਖ਼ਿਲਾਫ਼ 41 ਦੌੜਾਂ ਦੀ ਆਪਣੀ ਪਾਰੀ ਦੇ ਨਾਲ ਕਵਿੰਟਨ ਡਿਕਾਕ ਇੱਕ ਵਾਰ ਫਿਰ ਵਿਸ਼ਵ ਕੱਪ 2023 ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ਵਿੱਚ ਸਿਖਰ ‘ਤੇ ਆ ਗਿਆ ਹੈ। ਡੀਕਾਕ ਨੇ 9 ਮੈਚਾਂ ‘ਚ 65 ਦੀ ਮਜ਼ਬੂਤਔਸਤ ਨਾਲ 591 ਦੌੜਾਂ ਬਣਾਈਆਂ ਹਨ।
ਰਚਿਨ ਰਵਿੰਦਰ
ਵਿਸ਼ਵ ਕੱਪ 2023 ‘ਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ਾਂ ਦੀ ਸੂਚੀ ‘ਚ ਰਚਿਨ ਰਵਿੰਦਰ ਦਾ ਨਾਂ ਦੂਜੇ ਸਥਾਨ ‘ਤੇ ਹੈ। ਕੀਵੀ ਟੀਮ ਦੇ ਇਸ ਨੌਜਵਾਨ ਬੱਲੇਬਾਜ਼ ਨੇ ਹੁਣ ਤੱਕ 9 ਮੈਚਾਂ ‘ਚ 565 ਦੌੜਾਂ ਬਣਾਈਆਂ ਹਨ। ਉਸ ਦੀ ਔਸਤ 70.62 ਰਹੀ ਹੈ ਜਦਕਿ ਉਸ ਦੀ ਸਟ੍ਰਾਈਕ 108 ਰਹੀ ਹੈ।
ਵਿਰਾਟ ਕੋਹਲੀ
ਦੂਜੇ ਸਥਾਨ ‘ਤੇ ਟੀਮ ਇੰਡੀਆ ਦੇ ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਦਾ ਨਾਂ ਹੈ ਜਿਸ ਨੇ ਹੁਣ ਤੱਕ 8 ਮੈਚ ਖੇਡਦੇ ਹੋਏ ਕੁੱਲ 543 ਦੌੜਾਂ ਬਣਾਈਆਂ ਹਨ। ਕੋਹਲੀ ਦਾ ਸਰਵੋਤਮ ਸਕੋਰ ਨਾਬਾਦ 103 ਰਿਹਾ। ਕਿੰਗ ਕੋਹਲੀ ਨੇ ਇਸ ਵਿਸ਼ਵ ਕੱਪ ਵਿੱਚ ਕੁੱਲ 2 ਸੈਂਕੜੇ ਅਤੇ 6 ਅਰਧ ਸੈਂਕੜੇ ਲਗਾਏ ਹਨ।
ਡੇਵਿਡ ਵਾਰਨਰ
ਚੌਥੇ ਨੰਬਰ ‘ਤੇ ਆਸਟ੍ਰੇਲੀਆਈ ਟੀਮ ਦੇ ਓਪਨਿੰਗ ਬੱਲੇਬਾਜ਼ ਡੇਵਿਡ ਵਾਰਨਰ ਹਨ ਜਿਨ੍ਹਾਂ ਨੇ 8 ਮੈਚ ਖੇਡਦੇ ਹੋਏ 446 ਦੌੜਾਂ ਬਣਾਈਆਂ ਹਨ।
ਰੋਹਿਤ ਸ਼ਰਮਾ
ਪੰਜਵੇਂ ਨੰਬਰ ‘ਤੇ ਟੀਮ ਇੰਡੀਆ ਦੇ ਕਪਤਾਨ ਰੋਹਿਤ ਸ਼ਰਮਾ ਦਾ ਨਾਂ ਹੈ ਜਿਸ ਨੇ 8 ਮੈਚ ਖੇਡਦੇ ਹੋਏ ਕੁੱਲ 442 ਦੌੜਾਂ ਬਣਾਈਆਂ ਹਨ। ਰੋਹਿਤ ਨੇ ਇਸ ਦੌਰਾਨ ਸਿਰਫ 1 ਸੈਂਕੜਾ ਅਤੇ 2 ਅਰਧ ਸੈਂਕੜੇ ਲਗਾਏ ਹਨ।
