ਪੀਟੀਆਈ, ਨਵੀਂ ਦਿੱਲੀ। ਏਅਰਲਾਈਨ ਕੰਪਨੀ ਸਪਾਈਸਜੈੱਟ ਜਲਦੀ ਹੀ ਨੈਸ਼ਨਲ ਸਟਾਕ ਐਕਸਚੇਂਜ (NSE) ‘ਤੇ ਆਪਣੀਆਂ ਪ੍ਰਤੀਭੂਤੀਆਂ (Securities) ਜਿਵੇਂ ਸ਼ੇਅਰ, ਬਾਂਡ, ਡੈਰੀਵੇਟਿਵਜ਼ ਆਦਿ ਨੂੰ ਲਿਸਟ ਕਰੇਗੀ। ਏਅਰਲਾਈਨ ਨੇ ਇੱਕ ਰੈਗੂਲੇਟਰੀ ਫਾਈਲਿੰਗ ਵਿੱਚ ਕਿਹਾ ਕੰਪਨੀ ਜਲਦੀ ਹੀ ਹੋਰ ਨਿਵੇਸ਼ਕਾਂ ਤੱਕ ਪਹੁੰਚਣ ਲਈ ਨੈਸ਼ਨਲ ਸਟਾਕ ਐਕਸਚੇਂਜ ਆਫ ਇੰਡੀਆ ਲਿਮਟਿਡ ‘ਤੇ ਆਪਣੀਆਂ ਪ੍ਰਤੀਭੂਤੀਆਂ ਨੂੰ ਸੂਚੀਬੱਧ ਕਰੇਗੀ।
11 ਫੀਸਦੀ ਤੋਂ ਵੱਧ ਵਧੇ ਨੇ ਸ਼ੇਅਰ
ਏਅਰਲਾਈਨ ਤੋਂ ਜਿਵੇਂ ਹੀ ਇਹ ਖਬਰ ਮਿਲੀ, ਸਪਾਈਸ ਜੈੱਟ ਦੇ ਸ਼ੇਅਰ ਅਸਮਾਨ ਨੂੰ ਛੂਹ ਗਏ। ਖ਼ਬਰ ਲਿਖੇ ਜਾਣ ਤੱਕ ਬੀਐਸਈ ‘ਤੇ ਕੰਪਨੀ ਦਾ ਸਟਾਕ 6.23 ਰੁਪਏ ਜਾਂ 11.33 ਫੀਸਦੀ ਵਧ ਕੇ 61.20 ਰੁਪਏ ‘ਤੇ ਪਹੁੰਚ ਗਿਆ।
ਤੁਹਾਨੂੰ ਦੱਸ ਦੇਈਏ ਕਿ NSE ‘ਤੇ ਸੂਚੀਬੱਧ ਹੋਣ ਲਈ SpiceJet ਨੂੰ ਵਿੱਤੀ ਮਾਪਦੰਡਾਂ ਸਮੇਤ ਕਈ ਮਹੱਤਵਪੂਰਨ ਚੀਜ਼ਾਂ ਨੂੰ ਪੂਰਾ ਕਰਨਾ ਹੋਵੇਗਾ। ਕੰਪਨੀ ਵਰਤਮਾਨ ਵਿੱਚ ਏਅਰਕ੍ਰਾਫਟ ਕਿਰਾਏ ਦੇ ਮੁੱਦਿਆਂ ਸਮੇਤ ਕਈ ਸਮੱਸਿਆਵਾਂ ਨਾਲ ਜੂਝ ਰਹੀ ਹੈ ਤੇ ਫੰਡ ਇਕੱਠਾ ਕਰਨ ‘ਤੇ ਧਿਆਨ ਦੇ ਰਹੀ ਹੈ
