ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ Kangana Ranaut Wedding Plans: ਬਾਲੀਵੁੱਡ ਦੀ ਕੁਈਨ ਕੰਗਨਾ ਰਣੌਤ ਆਪਣੀ ਆਉਣ ਵਾਲੀ ਫਿਲਮ ‘ਤੇਜਸ’ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਇਹ ਫਿਲਮ ਕੱਲ੍ਹ ਯਾਨੀ 27 ਅਕਤੂਬਰ ਨੂੰ ਪਰਦੇ ‘ਤੇ ਰਿਲੀਜ਼ ਹੋਣ ਜਾ ਰਹੀ ਹੈ। ਅਜਿਹੇ ‘ਚ ਅਭਿਨੇਤਰੀ ਤੇਜਸ ਨੂੰ ਜ਼ੋਰ-ਸ਼ੋਰ ਨਾਲ ਪ੍ਰਮੋਟ ਕਰ ਰਹੀ ਹੈ। ਇਸ ਦੌਰਾਨ ਅਦਾਕਾਰਾ ਨੇ ਆਪਣੇ ਵਿਆਹ ਦੀ ਯੋਜਨਾ ਬਾਰੇ ਖੁੱਲ੍ਹ ਕੇ ਗੱਲ ਕੀਤੀ ਹੈ।
ਕੰਗਨਾ ਰਣੌਤ ਦਾ ਵਿਆਹ ਕਦੋਂ ਹੋਵੇਗਾ?
ਕੰਗਨਾ ਰਣੌਤ ਨੇ ਹਾਲ ਹੀ ਵਿੱਚ ਟਾਈਮਜ਼ ਨਾਓ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਕਿਹਾ ਸੀ ਕਿ ਉਹ ਅਗਲੇ ਪੰਜ ਸਾਲਾਂ ਵਿੱਚ ਵਿਆਹ ਕਰਨ ਬਾਰੇ ਸੋਚ ਰਹੀ ਹੈ। ਅਭਿਨੇਤਰੀ ਨੇ ਕਿਹਾ ਹਰ ਕੁੜੀ ਦਾ ਸੁਪਨਾ ਹੁੰਦਾ ਹੈ ਕਿ ਉਹ ਵਿਆਹ ਕਰੇ ਅਤੇ ਆਪਣਾ ਪਰਿਵਾਰ ਬਣਾਏ। ਮੈਂ ਪੂਰੀ ਤਰ੍ਹਾਂ ਇੱਕ ਪਰਿਵਾਰਕ ਔਰਤ ਹਾਂ। ਮੈਂ ਵਿਆਹ ਕਰਨਾ ਚਾਹੁੰਦੀ ਹਾਂ ਅਤੇ ਇੱਕ ਪਰਿਵਾਰ ਰੱਖਣਾ ਚਾਹੁੰਦੀ ਹਾਂ। ਇਹ ਪੰਜ ਸਾਲ ਪਹਿਲਾਂ ਹੋਵੇ ਜਾਵੇਗਾ ਇਹ ਚੰਗਾ ਹੋਵੇਗਾ ਜੇ ਇਹ ਅਰੇਂਜਡ ਤੇ ਲਵ ਮੈਰਿਜ ਦਾ ਮਿਸ਼ਰਣ ਹੋਵੇ।
ਅਦਾਕਾਰਾ ਨੇ ਆਪਣੇ ਪੁਰਾਣੇ ਰਿਸ਼ਤਿਆਂ ‘ਤੇ ਕੀਤੀ ਗੱਲ
ਇੰਨਾ ਹੀ ਨਹੀਂ ਕੰਗਨਾ ਨੇ ਆਪਣੇ ਪੁਰਾਣੇ ਰਿਸ਼ਤਿਆਂ ਬਾਰੇ ਵੀ ਖੁੱਲ੍ਹ ਕੇ ਗੱਲ ਕੀਤੀ ਹੈ ਅਤੇ ਕਿਹਾ ਹੈ ਤੁਹਾਨੂੰ ਹਮੇਸ਼ਾ ਰਿਸ਼ਤਿਆਂ ‘ਚ ਸਫਲਤਾ ਨਹੀਂ ਮਿਲੇਗੀ। ਮੇਰੇ ਨਾਲ ਵੀ ਅਜਿਹਾ ਹੀ ਹੋਇਆ। ਮੈਂ ਉਸ ਕੰਮ ਨੂੰ ਕਰਨ ਲਈ ਇੰਨੀ ਸਰੀਅਸ ਸੀ ਕਿ ਜੇ ਅਜਿਹਾ ਹੁੰਦਾ ਤਾਂ ਮੈਂ ਆਪਣੇ ਸਾਰੇ ਸਾਲ ਇਸ ਨੂੰ ਦੇ ਦਿੰਦੀ। ਖੁਸ਼ਕਿਸਮਤੀ ਨਾਲ ਉਹ ਰਿਸ਼ਤਾ ਉਸ ਸਮੇਂ ਮੇਰੇ ਲਈ ਸਹੀਂ ਨਹੀਂ ਸੀ। ਮੈਨੂੰ ਲੱਗਦਾ ਹੈ ਕਿ ਰੱਬ ਨੇ ਮੇਰੀ ਰੱਖਿਆ ਕੀਤੀ ਹੈ।
ਕੰਗਨਾ ਨੇ ਸ਼੍ਰੀ ਰਾਮ ਦੇ ਕੀਤੇ ਦਰਸ਼ਨ
ਤੇਜਸ ਦੀ ਸਫਲਤਾ ਲਈ ਕੰਗਨਾ ਰਣੌਤ ਵੀਰਵਾਰ ਨੂੰ ਰਾਮ ਨਗਰ ਅਯੁੱਧਿਆ ਪਹੁੰਚੀ ਤੇ ਰਾਮਲਲਾ ਦੇ ਦਰਸ਼ਨ ਕੀਤੇ। ਅਦਾਕਾਰਾ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ ਤੇ ਕੈਪਸ਼ਨ ਲਿਖਿਆ, ਅੱਜ ਮੈਂ ਰਾਮਮਈ ਹਾਂ। ਮੈਂ ਆਪਣੇ ਜਨਮ ਸਥਾਨ ਦੇ ਦਰਸ਼ਨ ਕਰਨ ਜਾ ਰਹੀ ਹਾਂ। ਜੈ ਸ਼੍ਰੀ ਰਾਮ।
