Skip to content
Sunday, November 22, 2026 5°C · Overcast · Surrey, BC
ਪੰਜਾਬ ਗਾਰਡੀਅਨ
The Punjab Guardian
Surrey, British Columbia · Est. 2016 · Weekly
Sections ਮੁੱਖ ਪੰਨਾHome ਤਾਜ਼ਾ ਖ਼ਬਰਾਂਪੰਜਾਬਕੈਨੇਡਾਅਮਰੀਕਾਭਾਰਤਦੁਨੀਆਖੇਡਾਂਮਨੋਰੰਜਨਕਾਰੋਬਾਰਧਰਮਸ਼ਰਧਾਂਜਲੀਸਿਹਤ
Canada

ਬੈਂਕ ਆਫ਼ ਕੈਨੇਡਾ ਵੱਲੋਂ ਵਿਆਜ ਦਰ ਵਿੱਚ 0.25 ਫ਼ੀਸਦੀ ਅੰਕਾਂ ਦਾ ਵਾਧਾ

By Admin Published 3 min read
ਬੈਂਕ ਆਫ਼ ਕੈਨੇਡਾ ਵੱਲੋਂ ਵਿਆਜ ਦਰ ਵਿੱਚ 0.25 ਫ਼ੀਸਦੀ ਅੰਕਾਂ ਦਾ ਵਾਧਾ
ਸੰਕੇਤਕ ਤਸਵੀਰ

ਮਹਿੰਗਾਈ 'ਤੇ ਕਾਬੂ ਪਾਉਣ ਲਈ ਨੀਤੀਗਤ ਦਰ 2.50 ਫ਼ੀਸਦੀ ਕੀਤੀ; ਮੌਰਗੇਜ ਅਤੇ ਹੋਰ ਕਰਜ਼ੇ ਹੋ ਸਕਦੇ ਹਨ ਮਹਿੰਗੇ

ਸਰੀ, (ਹਰਦਮ ਮਾਨ) – ਬੈਂਕ ਆਫ਼ ਕੈਨੇਡਾ ਨੇ ਮਹਿੰਗਾਈ ਦੇ ਵਧਦੇ ਦਬਾਅ ਨੂੰ ਕਾਬੂ ਕਰਨ ਲਈ ਆਪਣੀ ਮੁੱਖ ਨੀਤੀਗਤ

ਵਿਆਜ ਦਰ ਵਿੱਚ 0.25 ਫ਼ੀਸਦੀ ਅੰਕਾਂ ਦਾ ਵਾਧਾ ਕਰ ਦਿੱਤਾ ਹੈ। ਇਸ ਨਾਲ ਨੀਤੀਗਤ ਦਰ 2.25 ਫ਼ੀਸਦੀ ਤੋਂ ਵਧ ਕੇ 2.50

ਫ਼ੀਸਦੀ ਹੋ ਗਈ ਹੈ। ਬੈਂਕ ਦਾ ਇਹ ਫ਼ੈਸਲਾ ਤੇਲ ਅਤੇ ਗੈਸ ਦੀਆਂ ਵਧਦੀਆਂ ਕੀਮਤਾਂ ਅਤੇ ਮਹਿੰਗਾਈ ਮੁੜ ਤੇਜ਼ ਹੋਣ ਦੇ

ਖ਼ਦਸ਼ਿਆਂ ਦੇ ਮੱਦੇਨਜ਼ਰ ਆਇਆ ਹੈ।

ਬੈਂਕ ਨੂੰ ਚਿੰਤਾ ਹੈ ਕਿ ਤੇਲ ਅਤੇ ਗੈਸ ਦੀਆਂ ਉੱਚੀਆਂ ਕੀਮਤਾਂ ਕਾਰਨ ਆਵਾਜਾਈ, ਉਤਪਾਦਨ ਅਤੇ ਹੋਰ ਵਸਤਾਂ ਤੇ ਸੇਵਾਵਾਂ ਦੀ

ਲਾਗਤ ਵਧ ਸਕਦੀ ਹੈ। ਇਸ ਨਾਲ ਮਹਿੰਗਾਈ ਲੰਮੇ ਸਮੇਂ ਤੱਕ ਉੱਚੀ ਰਹਿਣ ਦਾ ਖ਼ਤਰਾ ਹੈ। ਬੈਂਕ ਦਾ ਉਦੇਸ਼ ਮਹਿੰਗਾਈ ਨੂੰ

ਆਪਣੇ 2 ਫ਼ੀਸਦੀ ਦੇ ਟੀਚੇ ਵੱਲ ਵਾਪਸ ਲਿਆਉਣਾ ਹੈ। ਕੈਨੇਡਾ ਵਿੱਚ ਮਹਿੰਗਾਈ ਦੀ ਦਰ ਪਿਛਲੇ ਕੁਝ ਮਹੀਨਿਆਂ ਦੌਰਾਨ ਮੁੜ

ਵਧੀ ਹੈ। ਸਤੰਬਰ 2026 ਵਿੱਚ ਸਾਲਾਨਾ ਮਹਿੰਗਾਈ ਦਰ ਲਗਭਗ 3.2 ਫ਼ੀਸਦੀ ਤੱਕ ਪਹੁੰਚ ਗਈ ਸੀ, ਜਿਸ ਵਿੱਚ ਊਰਜਾ ਅਤੇ

ਆਵਾਜਾਈ ਨਾਲ ਸਬੰਧਤ ਖ਼ਰਚਿਆਂ ਦਾ ਮਹੱਤਵਪੂਰਨ ਯੋਗਦਾਨ ਸੀ।

ਬੈਂਕ ਆਫ਼ ਕੈਨੇਡਾ ਦੇ ਨਵੇਂ ਅਨੁਮਾਨਾਂ ਮੁਤਾਬਕ, ਜੇਕਰ ਤੇਲ ਅਤੇ ਗੈਸ ਦੀਆਂ ਉੱਚੀਆਂ ਕੀਮਤਾਂ ਜਾਰੀ ਰਹਿੰਦੀਆਂ ਹਨ ਤਾਂ ਇਸ

ਸਾਲ ਦੇ ਅੰਤ ਤੱਕ ਮਹਿੰਗਾਈ ਲਗਭਗ 3.5 ਫ਼ੀਸਦੀ ਤੱਕ ਪਹੁੰਚ ਸਕਦੀ ਹੈ। ਸਾਲ 2027 ਦੇ ਵੱਡੇ ਹਿੱਸੇ ਦੌਰਾਨ ਵੀ ਮਹਿੰਗਾਈ

ਲਗਭਗ 3 ਫ਼ੀਸਦੀ ਦੇ ਨੇੜੇ ਰਹਿਣ ਦਾ ਅਨੁਮਾਨ ਹੈ। ਬੈਂਕ ਨੂੰ ਉਮੀਦ ਹੈ ਕਿ ਮਹਿੰਗਾਈ ਹੌਲੀ-ਹੌਲੀ ਘਟ ਕੇ 2028 ਦੇ ਮੱਧ

ਤੱਕ ਆਪਣੇ 2 ਫ਼ੀਸਦੀ ਦੇ ਟੀਚੇ ਦੇ ਨੇੜੇ ਆ ਸਕਦੀ ਹੈ।

ਵਿਆਜ ਦਰਾਂ ਵਿੱਚ ਵਾਧੇ ਨਾਲ ਵੇਰੀਏਬਲ-ਰੇਟ ਮੌਰਗੇਜ, ਹੋਮ ਇਕੁਇਟੀ ਲਾਈਨ ਆਫ਼ ਕ੍ਰੈਡਿਟ ਅਤੇ ਪ੍ਰਾਈਮ ਰੇਟ ਨਾਲ ਜੁੜੇ

ਹੋਰ ਕਰਜ਼ੇ ਮਹਿੰਗੇ ਹੋ ਸਕਦੇ ਹਨ। ਇਸ ਨਾਲ ਘਰਾਂ ਦੀਆਂ ਕਿਸ਼ਤਾਂ ਅਤੇ ਕਰਜ਼ੇ ਦਾ ਖ਼ਰਚਾ ਵਧਣ ਦੀ ਸੰਭਾਵਨਾ ਹੈ। ਨਿਸ਼ਚਿਤ

ਵਿਆਜ ਦਰ ਵਾਲੇ ਮੌਰਗੇਜਾਂ ਦੀ ਮੌਜੂਦਾ ਦਰ ਆਮ ਤੌਰ 'ਤੇ ਤੁਰੰਤ ਨਹੀਂ ਬਦਲਦੀ, ਪਰ ਮੌਰਗੇਜ ਨਵਿਆਉਣ ਸਮੇਂ ਨਵੀਆਂ ਦਰਾਂ

ਦਾ ਅਸਰ ਪੈ ਸਕਦਾ ਹੈ। ਉੱਚੀਆਂ ਵਿਆਜ ਦਰਾਂ ਕਾਰਨ ਘਰ ਖ਼ਰੀਦਣ ਵਾਲੇ ਲੋਕਾਂ ਦੀ ਉਧਾਰ ਲੈਣ ਦੀ ਸਮਰੱਥਾ ਵੀ ਪ੍ਰਭਾਵਿਤ

ਹੋ ਸਕਦੀ ਹੈ। ਛੋਟੇ ਕਾਰੋਬਾਰਾਂ ਲਈ ਕਰਜ਼ਾ ਮਹਿੰਗਾ ਹੋਣ ਨਾਲ ਨਿਵੇਸ਼ ਅਤੇ ਵਿਸਥਾਰ ਦੀਆਂ ਯੋਜਨਾਵਾਂ 'ਤੇ ਵੀ ਅਸਰ ਪੈ

ਸਕਦਾ ਹੈ।

ਬੈਂਕ ਆਫ਼ ਕੈਨੇਡਾ ਨੇ ਸੰਕੇਤ ਦਿੱਤਾ ਹੈ ਕਿ ਜੇਕਰ ਮਹਿੰਗਾਈ ਦਾ ਦਬਾਅ ਜਾਰੀ ਰਹਿੰਦਾ ਹੈ ਤਾਂ ਭਵਿੱਖ ਵਿੱਚ ਵਿਆਜ ਦਰਾਂ ਹੋਰ

ਵਧਾਉਣ ਦੀ ਲੋੜ ਪੈ ਸਕਦੀ ਹੈ। ਹਾਲਾਂਕਿ, ਅਗਲੇ ਫ਼ੈਸਲੇ ਮਹਿੰਗਾਈ, ਰੁਜ਼ਗਾਰ ਅਤੇ ਆਰਥਿਕ ਵਿਕਾਸ ਦੇ ਅੰਕਿੜਆਂ ਨੂੰ

ਧਿਆਨ ਵਿੱਚ ਰੱਖ ਕੇ ਕੀਤੇ ਜਾਣਗੇ। ਮਾਹਿਰਾਂ ਅਨੁਸਾਰ, ਮੌਰਗੇਜ ਵਾਲੇ ਪਰਿਵਾਰਾਂ ਨੂੰ ਆਪਣੇ ਘਰੇਲੂ ਬਜਟ ਦੀ ਸਮੀਖਿਆ

ਕਰਨੀ ਚਾਹੀਦੀ ਹੈ ਅਤੇ ਸੰਭਾਵੀ ਵਾਧੂ ਖ਼ਰਚਿਆਂ ਲਈ ਤਿਆਰੀ ਰੱਖਣੀ ਚਾਹੀਦੀ ਹੈ। ਬੈਂਕ ਦੇ ਇਸ ਫ਼ੈਸਲੇ ਨਾਲ ਸਪੱਸ਼ਟ ਹੈ

ਕਿ ਮਹਿੰਗਾਈ 'ਤੇ ਕਾਬੂ ਪਾਉਣਾ ਅਜੇ ਵੀ ਕੇਂਦਰੀ ਬੈਂਕ ਦੀ ਮੁੱਖ ਤਰਜੀਹ ਹੈ। ਆਉਣ ਵਾਲੇ ਮਹੀਨਿਆਂ ਵਿੱਚ ਵਿਆਜ ਦਰਾਂ ਦਾ

ਰੁਖ਼ ਤੇਲ ਦੀਆਂ ਕੀਮਤਾਂ ਅਤੇ ਮਹਿੰਗਾਈ ਦੀ ਸਥਿਤੀ 'ਤੇ ਨਿਰਭਰ ਕਰੇਗਾ।

Admin Punjab Guardian · Surrey
ਸੰਬੰਧਿਤ ਖ਼ਬਰਾਂ Related Canada →
Share on WhatsApp