ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਵਿੱਤ ਮੰਤਰਾਲਾ ਹਰ ਮਹੀਨੇ GST ਕਲੈਕਸ਼ਨ ਦੇ ਅੰਕੜੇ ਜਾਰੀ ਕਰਦਾ ਹੈ। ਇਹ ਅੰਕੜਾ ਦਰਸਾਉਂਦਾ ਹੈ ਕਿ ਹਰ ਮਹੀਨੇ ਕਿੰਨਾ ਜੀਐੱਸਟੀ ਇਕੱਠਾ ਕੀਤਾ ਜਾਂਦਾ ਹੈ। ਦਰਅਸਲ, ਸਰਕਾਰ ਨੇ ਟੈਕਸ ਚੋਰੀ ਰੋਕਣ ਲਈ GAT ਸ਼ੁਰੂ ਕੀਤਾ ਸੀ। ਹੁਣ ਸਰਕਾਰ ਲੋਕਾਂ ਨੂੰ ਜੀਐੱਸਟੀ ਦਾ ਭੁਗਤਾਨ ਕਰਨ ਲਈ ਕਈ ਮੁਹਿੰਮਾਂ ਵੀ ਚਲਾ ਰਹੀ ਹੈ।
ਵਿੱਤ ਮੰਤਰਾਲੇ ਵੱਲੋਂ ਜਾਰੀ ਅੰਕੜਿਆਂ ਅਨੁਾਰ ਅਕਤੂਬਰ ‘ਚ ਜੀਐੱਸਟੀ ਕੁਲੈਕਸ਼ਨ 1.72 ਲੱਖ ਕਰੋੜ ਰੁਪਏ ਰਿਹਾ। ਇਹ ਹੁਣ ਤੱਕ ਦਾ ਦੂਜਾ ਸਭ ਤੋਂ ਵੱਡਾ ਅੰਕੜਾ ਹੈ। ਇਹ ਸੰਗ੍ਰਹਿ ਪਿਛਲੇ ਸਾਲ ਅਕਤੂਬਰ 2022 ਵਿੱਚ ਇਕੱਠੇ ਕੀਤੇ ਗਏ 1.52 ਲੱਖ ਕਰੋੜ ਰੁਪਏ ਤੋਂ 13 ਫ਼ੀਸਦੀ ਜ਼ਿਆਦਾ ਹੈ।
ਅਕਤੂਬਰ ‘ਚ ਸਭ ਤੋਂ ਵੱਧ ਜੀਐੱਸਟੀ
ਵਿੱਤ ਮੰਤਰਾਲੇ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਅਕਤੂਬਰ 2023 ਲਈ ਜੀਐੱਸਟੀ ਮਾਲੀਆ ਸੰਗ੍ਰਹਿ 1.72 ਲੱਖ ਕਰੋੜ ਰੁਪਏ ਹੈ ਜੋ ਅਪ੍ਰੈਲ 2023 ਤੋਂ ਬਾਅਦ ਦੂਜਾ ਸਭ ਤੋਂ ਉੱਚਾ ਹੈ। ਇਹ ਸਾਲ ਦਰ ਸਾਲ 13 ਫ਼ੀਸਦੀ ਤੱਕ ਦਾ ਵਾਧਾ ਦਰਸਾਉਂਦਾ ਹੈ।
1.87 ਲੱਖ ਕਰੋੜ ਰੁਪਏ ਦੀ ਵਸਤੂ ਤੇ ਸੇਵਾ ਕਰ (ਜੀਐੱਸਟੀ) ਤੋਂ ਹੁਣ ਤੱਕ ਦਾ ਸਭ ਤੋਂ ਵੱਧ ਮਾਲੀਆ ਅਪ੍ਰੈਲ 2023 ਵਿੱਚ ਦਰਜ ਕੀਤਾ ਗਿਆ ਸੀ। ਵਿੱਤੀ ਸਾਲ 2023-24 ਵਿੱਚ ਔਸਤਨ ਮਾਸਿਕ ਜੀਐੱਸਟੀ ਕੁਲੈਕਸ਼ਨ ਹੁਣ 1.66 ਲੱਖ ਕਰੋੜ ਰੁਪਏ ਹੈ ਜੋ ਇੱਕ ਸਾਲ ਪਹਿਲਾਂ ਦੀ ਮਿਆਦ ਦੇ ਮੁਕਾਬਲੇ 11 ਫ਼ੀਸਦੀ ਵੱਧ ਹੈ।
