ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਅੰਕਿਤਾ ਲੋਖੰਡੇ ਬਿੱਗ ਬੌਸ 17 ਤੋਂ ਜ਼ਿਆਦਾ ਆਪਣੀ ਸੱਸ ਨੂੰ ਲੈ ਕੇ ਸੁਰਖੀਆਂ ‘ਚ ਹੈ। ਫੈਮਿਲੀ ਵੀਕ ਦੌਰਾਨ ਵਿੱਕੀ ਜੈਨ ਦੀ ਮਾਂ ਰੰਜਨਾ ਜੈਨ ਨੇ ਦਰਸ਼ਕਾਂ ਦਾ ਕਾਫੀ ਧਿਆਨ ਖਿੱਚਿਆ। ਇਸ ਨਾਲ ਹੀ ਘਰੋਂ ਬਾਹਰ ਆ ਕੇ ਉਸ ਨੇ ਆਪਣੀ ਨੂੰਹ ਬਾਰੇ ਕਈ ਗ਼ਲਤ ਗੱਲਾਂ ਕਹੀਆਂ।
ਇਸ ਪੂਰੇ ਮਾਮਲੇ ‘ਤੇ ਕਈ ਸਿਤਾਰਿਆਂ ਨੇ ਅੰਕਿਤਾ ਲੋਖੰਡੇ ਦਾ ਸਮਰਥਨ ਕੀਤਾ। ਕਾਮਿਆ ਪੰਜਾਬੀ, ਰਸ਼ਮੀ ਦੇਸਾਈ, ਤਹਿਲਕਾ ਦੀ ਪਤਨੀ ਤੇ ਰਿਧੀ ਡੋਗਰਾ ਹੁਣ ਤੱਕ ਉਸਦੇ ਹੱਕ ਵਿੱਚ ਬੋਲ ਚੁੱਕੇ ਹਨ। ਇਸ ਨਾਲ ਹੀ ਹੁਣ ਐਸ਼ਵਰਿਆ ਸ਼ਰਮਾ ਨੇ ਵੀ ਅੰਕਿਤਾ ਦਾ ਪੱਖ ਲਿਆ ਹੈ।
ਅੰਕਿਤਾ ਤੇ ਐਸ਼ਵਰਿਆ ਵਿਚਾਲੇ ਵਿਵਾਦ ਸੀ
ਬਿੱਗ ਬੌਸ 17 ਦੇ ਘਰ ‘ਚ ਐਸ਼ਵਰਿਆ ਸ਼ਰਮਾ ਅਤੇ ਅੰਕਿਤਾ ਲੋਖੰਡੇ ਵਿਚਾਲੇ ਹਮੇਸ਼ਾ ਝਗੜਾ ਰਹਿੰਦਾ ਸੀ। ਘਰ ਵਿੱਚ ਦੋਵੇਂ ਇੱਕ ਦੂਜੇ ਦੇ ਸਭ ਤੋਂ ਵੱਡੇ ਦੁਸ਼ਮਣ ਬਣ ਕੇ ਉੱਭਰੇ। ਹਾਲਾਂਕਿ ਐਸ਼ਵਰਿਆ ਸ਼ਰਮਾ ਨੇ ਸੱਸ ਦੇ ਮਾਮਲੇ ‘ਤੇ ਅੰਕਿਤਾ ਲੋਖੰਡੇ ਦਾ ਸਮਰਥਨ ਕੀਤਾ ਹੈ।
ਅੰਕਿਤਾ ਦੀ ਸੱਸ ਨੇ ਕੀਤੀ ਟਿੱਪਣੀ
ਵਿੱਕੀ ਜੈਨ ਨੂੰ ਅੰਕਿਤਾ ਲੋਖੰਡੇ ਦਾ ਪੈਰ ਮਾਰਨਾ, ਉਨ੍ਹਾਂ ਦੀ ਸੱਸ ਨੂੰ ਬਿਲਕੁਲ ਪਸੰਦ ਨਹੀਂ ਆਇਆ। ਇਸ ਬਾਰੇ ਉਨ੍ਹਾਂ ਨੇ ਕਾਫੀ ਹੰਗਾਮਾ ਕੀਤਾ। ਵਿੱਕੀ ਜੈਨ ਦੀ ਮਾਂ ਨੇ ਇੰਟਰਵਿਊ ‘ਚ ਕਿਹਾ ਕਿ ਅੰਕਿਤਾ ਲੋਖੰਡੇ ਦਾ ਪਤੀ ਦੇਵਤਾ ਵਾਂਗ ਹੈ ਤੇ ਉਹ ਉਸ ਨੂੰ ਲੱਤ ਮਾਰ ਰਹੀ ਹੈ। ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਇਹ ਵੀ ਕਿਹਾ ਕਿ ਅੰਕਿਤਾ ਸਿਰਫ ਹਮਦਰਦੀ ਹਾਸਲ ਕਰਨ ਲਈ ਐਕਸ ਸੁਸ਼ਾਂਤ ਦਾ ਨਾਂ ਲੈਂਦੀ ਹੈ।
ਵਿੱਕੀ ਕੋਈ ਦੇਵਤਾ ਨਹੀਂ
ਐਸ਼ਵਰਿਆ ਸ਼ਰਮਾ ਨੇ ਅੰਕਿਤਾ ਲੋਖੰਡੇ ਪ੍ਰਤੀ ਆਪਣੀ ਸੱਸ ਦੇ ਰਵੱਈਏ ਨੂੰ ਗ਼ਲਤ ਦੱਸਿਆ ਹੈ। ਪਿੰਕਵਿਲਾ ਨਾਲ ਇੰਟਰਵਿਊ ‘ਚ ਐਸ਼ਵਰਿਆ ਸ਼ਰਮਾ ਨੇ ਕਿਹਾ ਕਿ ਉਸ ਨੂੰ ਵਿੱਕੀ ਜੈਨ ਦੀ ਮਾਂ ਦਾ ਪਤੀ ਦੇਵਤਾ ਵਾਲਾ ਬਿਆਨ ਬਿਲਕੁਲ ਪਸੰਦ ਨਹੀਂ ਆਇਆ। ਉਸ ਨੇ ਕਿਹਾ ਕਿ ਵਿੱਕੀ ਕੋਈ ਦੇਵਤਾ ਨਹੀਂ ਹੈ ਤੇ ਉਸ ਨੇ ਅੰਕਿਤਾ ਨੂੰ ਬਹੁਤ ਬੁਰਾ ਵੀ ਕਿਹਾ ਹੈ।
ਗ਼ਲਤ ਹਮੇਸਾ ਔਰਤ ਹੁੰਦੀ ਹੈ
ਐਸ਼ਵਰਿਆ ਸ਼ਰਮਾ ਨੇ ਅੱਗੇ ਕਿਹਾ ਕਿ ਗ਼ਲਤੀ ਹਮੇਸ਼ਾ ਔਰਤ ਦੀ ਕੱਢੀ ਜਾਂਦੀ ਹੈ। ਵਿੱਕੀ ਜੈਨ ਉਸ ਦਾ ਬੇਟਾ ਹੈ ਇਸ ਲਈ ਉਹ ਉਸ ਨੂੰ ਕੁਝ ਨਹੀਂ ਦੱਸ ਰਹੀ ਅਤੇ ਸਿਰਫ ਅੰਕਿਤਾ ‘ਤੇ ਦੋਸ਼ ਲਗਾ ਰਹੀ ਹੈ। ਹਾਲਾਂਕਿ ਐਸ਼ਵਰਿਆ ਸ਼ਰਮਾ ਨੇ ਮੰਨਿਆ ਕਿ ਉਹ ਅੰਕਿਤਾ ਲੋਖੰਡੇ ਨੂੰ ਬਿਲਕੁਲ ਵੀ ਪਸੰਦ ਨਹੀਂ ਕਰਦੀ ਸੀ ਪਰ ਵਿੱਕੀ ਜੈਨ ਦੀ ਮਾਂ ਨੇ ਅੰਕਿਤਾ ਨੂੰ ਜੋ ਵੀ ਕਿਹਾ, ਉਹ ਉਨ੍ਹਾਂ ਨੂੰ ਪਸੰਦ ਨਹੀਂ ਆਇਆ।
