ਪੀਟੀਆਈ, ਨਵੀਂ ਦਿੱਲੀ: ਭਾਰਤ ਦੀ ਘਰੇਲੂ ਹਵਾਈ ਯਾਤਰੀਆਂ ਦੀ ਆਵਾਜਾਈ ਸ਼ਨੀਵਾਰ ਨੂੰ ਨਵੇਂ ਰਿਕਾਰਡ ਉੱਚੇ ਪੱਧਰ ‘ਤੇ ਪਹੁੰਚ ਗਈ। ਤੁਹਾਨੂੰ ਦੱਸ ਦੇਈਏ ਕਿ ਵੀਰਵਾਰ ਨੂੰ ਲਗਪਗ 4,63,417 ਲੋਕਾਂ ਨੇ ਹਵਾਈ ਯਾਤਰਾ ਕੀਤੀ। ਸਮਾਚਾਰ ਏਜੰਸੀ ਪੀ.ਟੀ.ਆਈ ਮੁਤਾਬਕ ਨਵੰਬਰ ‘ਚ ਘਰੇਲੂ ਹਵਾਈ ਯਾਤਰੀਆਂ ਦੀ ਆਵਾਜਾਈ ਘੱਟੋ-ਘੱਟ ਚਾਰ ਵਾਰ ਨਵੇਂ ਉੱਚੇ ਰਿਕਾਰਡ ‘ਤੇ ਪਹੁੰਚ ਗਈ। ਕੋਵਿਡ ਤੋਂ ਬਾਅਦ, ਭਾਰਤ ਦੇ ਘਰੇਲੂ ਜਹਾਜ਼ਾਂ ਵਿੱਚ ਜ਼ਬਰਦਸਤ ਬਦਲਾਅ ਦੇਖਣ ਨੂੰ ਮਿਲਿਆ ਹੈ।
ਸ਼ਹਿਰੀ ਹਵਾਬਾਜ਼ੀ ਮੰਤਰਾਲੇ ਨੇ ਸ਼ੁੱਕਰਵਾਰ ਨੂੰ ‘ਐਕਸ’ ‘ਤੇ ਇੱਕ ਪੋਸਟ ਵਿੱਚ ਕਿਹਾ, “ਸਕਾਰਾਤਮਕ ਦ੍ਰਿਸ਼ਟੀਕੋਣ, ਪ੍ਰਗਤੀਸ਼ੀਲ ਨੀਤੀਆਂ ਅਤੇ ਯਾਤਰੀਆਂ ਵਿੱਚ ਡੂੰਘਾ ਵਿਸ਼ਵਾਸ ਹਰ ਉਡਾਣ ਦੇ ਨਾਲ ਇਸ ਨੂੰ ਹਰ ਰੋਜ਼ ਨਵੀਆਂ ਉਚਾਈਆਂ ‘ਤੇ ਲੈ ਜਾ ਰਿਹਾ ਹੈ।
ਜੋਤੀਰਾਦਿਤਿਆ ਸਿੰਧੀਆ ਨੇ ਖੁਸ਼ੀ ਪ੍ਰਗਟਾਈ
ਅਧਿਕਾਰਤ ਅੰਕੜਿਆਂ ਅਨੁਸਾਰ, ਵੀਰਵਾਰ (23 ਨਵੰਬਰ) ਨੂੰ ਘਰੇਲੂ ਯਾਤਰੀਆਂ ਦੀ ਕੁੱਲ ਸੰਖਿਆ 4,63,417 ਸੀ ਅਤੇ ਉਡਾਣਾਂ ਦੀ ਆਵਾਜਾਈ ਦੀ ਗਿਣਤੀ 5,998 ਸੀ। ਸ਼ਹਿਰੀ ਹਵਾਬਾਜ਼ੀ ਮੰਤਰੀ ਜੋਤੀਰਾਦਿੱਤਿਆ ਸਿੰਧੀਆ ਨੇ ਸ਼ੁੱਕਰਵਾਰ ਨੂੰ ‘ਐਕਸ’ ‘ਤੇ ਇਕ ਪੋਸਟ ਵਿਚ ਕਿਹਾ ਕਿ ਭਾਰਤੀ ਘਰੇਲੂ ਹਵਾਬਾਜ਼ੀ ਵਿਚ ਇਕ ਨਵਾਂ ਰਿਕਾਰਡ ਕਾਇਮ ਕੀਤਾ ਗਿਆ ਹੈ। ਘਰੇਲੂ ਹਵਾਈ ਆਵਾਜਾਈ ਲਗਾਤਾਰ ਤਿੰਨ ਦਿਨਾਂ – 18, 19 ਅਤੇ 20 ਨਵੰਬਰ ਨੂੰ ਨਵੇਂ ਰਿਕਾਰਡਾਂ ‘ਤੇ ਪਹੁੰਚ ਗਈ।
प्रधानमंत्री श्री @narendramodi जी के नेतृत्व में निरंतर नई ऊंचाई छू रहे भारतीय घरेलू विमानन में एक नया रिकॉर्ड क़ायम हुआ है।
भारत के पूर्ण इतिहास में ये सबसे उच्चतम घरेलू हवाई यातायात संख्या, भारतीय विमानन के सुदृढ़ वर्तमान और सुनहरे भविष्य का प्रत्यक्ष प्रमाण है! pic.twitter.com/67HSFIWjOO
— Jyotiraditya M. Scindia (@JM_Scindia) November 24, 2023
