ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਬੀ ਟਾਊਨ ਦੀ ਗਲੈਮਰਸ ਜੋੜੀ ਕਹੇ ਜਾਣ ਵਾਲੇ ਦੀਪਿਕਾ ਪਾਦੂਕੋਣ ਤੇ ਰਣਵੀਰ ਸਿੰਘ ਇਨ੍ਹੀਂ ਦਿਨੀਂ ਕਾਫੀ ਟ੍ਰੈਂਡ ਕਰ ਰਹੇ ਹਨ। ‘ਕੌਫੀ ਵਿਦ ਕਰਨ 8’ ਵਿੱਚ ਆਪਣੀ ਪਹਿਲੀ ਮਹਿਮਾਨ ਭੂਮਿਕਾ ਦੇ ਕੇ ਇਸ ਜੋੜੇ ਨੇ ਇੱਕ ਦੂਜੇ ਤੇ ਆਪਣੇ ਬਾਰੇ ਬਹੁਤ ਕੁਝ ਦੱਸਿਆ। ਹਾਲਾਂਕਿ, ਦੀਪਿਕਾ ਨੂੰ ਉਸ ਦੇ ਬਿਆਨ ਲਈ ਟ੍ਰੋਲ ਕੀਤਾ ਗਿਆ ਸੀ ਜਿਸ ਤੋਂ ਪਤਾ ਚੱਲਿਆ ਸੀ ਕਿ ਉਹ ਆਪਣੇ ਰਿਸ਼ਤੇ ਦੇ ਸ਼ੁਰੂਆਤੀ ਦੌਰ ਵਿੱਚ ਰਣਵੀਰ ਨੂੰ ਕੇਜੁਅਲੀ ਡੇਟ ਕਰ ਰਹੀ ਸੀ।
ਟ੍ਰੋਲਿੰਗ ਤੋਂ ਬਾਅਦ ਸ਼ੇਅਰ ਕੀਤਾ ਨਵਾਂ ਵੀਡੀਓ
ਹਾਲਾਂਕਿ ਦੀਪਿਕਾ ਨੇ ਟ੍ਰੋਲਿੰਗ ਤੋਂ ਬਾਅਦ ਕੋਈ ਕੁਮੈਂਟ ਨਹੀਂ ਕੀਤਾ ਪਰ ਉਸ ਦਾ ਵੀਡੀਓ ਟ੍ਰੋਲਸ ਨੂੰ ਚੁੱਪ ਕਰਾਉਂਦਾ ਨਜ਼ਰ ਆ ਰਿਹਾ ਹੈ। ਉਸ ਨੇ ਇਕ ਵੀਡੀਓ ਪੋਸਟ ਕੀਤਾ ਹੈ ਜੋ ਜਵਾਬ ਦੇਣ ਲਈ ਕਾਫੀ ਹੈ ਕਿ ਉਸ ‘ਤੇ ਟ੍ਰੋਲਿੰਗ ਦਾ ਕੋਈ ਅਸਰ ਨਹੀਂ ਹੁੰਦਾ। ਖਾਸ ਗੱਲ ਇਹ ਹੈ ਕਿ ਇਸ ਵੀਡੀਓ ‘ਤੇ ਰਣਵੀਰ ਸਿੰਘ ਨੇ ਆਪਣਾ ਰਿਐਕਟ ਕੀਤਾ ਹੈ।
ਦੀਪਿਕਾ ਨੇ ਕੀਤੀ ਆਪਣੀ ਤਾਰੀਫ਼
ਦੀਪਿਕਾ ਨੇ ਮਸ਼ਹੂਰ ਇੰਸਟਾਗ੍ਰਾਮ ਵਾਇਸ ਰੀਲ ‘ਸੋ ਖ਼ੂਬਸੂਰਤ, ਸੋ ਐਲੀਗੈਂਟ, ਜਸਟ ਲੁਕਿੰਗ ਲਾਈਕ ਵ ਵਾਓ, ਜਸਟ ਲੁਕਿੰਗ ਲਾਈਕ ਅ ਵਾਓ’ ‘ਤੇ ਆਪਣਾ ਵੀਡੀਓ ਬਣਾਇਆ ਹੈ। ਇਸ ਵੀਡੀਓ ‘ਚ ਦੀਪਿਕਾ ਆਪਣਾ ਹਾਸਾ ਰੋਕਦੀ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਉਹ ਖੁਦ ਦੀ ਤਾਰੀਫ ਕਰ ਰਹੀ ਹੈ। ਇਸ ਦੇ ਕੈਪਸ਼ਨ ‘ਚ ਉਨ੍ਹਾਂ ਨੇ ਲਿਖਿਆ, ”ਜਸਟ ਵਾਓ ਲਗ ਰਹੀ ਹੋ।’ ਟ੍ਰੋਲਿੰਗ ਤੋਂ ਬਾਅਦ ਦੀਪਿਕਾ ਦੀ ਇਹ ਪਹਿਲੀ ਪੋਸਟ ਹੈ।
ਰਣਵੀਰ ਸਿੰਘ ਦਾ ਰਿਐਕਸ਼ਨ ਵਾਇਰਲ
ਪਤਨੀ ਦੀ ਵੀਡੀਓ ਦੇਖ ਕੇ ਪਤੀ ਰਣਵੀਰ ਸਿੰਘ ਹਾਸਾ ਨਹੀਂ ਰੋਕ ਸਕੇ। ਉਸ ਨੇ ਕੁਮੈਂਟ ਸੈਕਸ਼ਨ ‘ਚ ਲਿਖਿਆ, ‘ਹਾਹਾਹਾਹਾਹਾ! ਮਰ ਗਿਆ।’ ਕਰਨ ਜੌਹਰ ਨੇ ਵੀ ਕੁਮੈਂਟ ਕੀਤਾ, ‘ਮੈਂ ਇਸ ਦਾ ਆਬਸੇਸਡ ਹਾਂ।’
ਹਾਲਾਂਕਿ ਦੀਪਿਕਾ ਨੂੰ ਸੈਲੀਬ੍ਰਿਟੀਜ਼ ਤੋਂ ਜਿੰਨੀ ਤਾਰੀਫ਼ ਮਿਲੀ ਓਨਾ ਹੀ ਫੈਨਜ਼ ਨੇ ਉਸ ਨੂੰ ਟ੍ਰੋਲ ਕੀਤਾ। ਇਕ ਯੂਜ਼ਰ ਨੇ ਕੁਮੈਂਟ ਕੀਤਾ, ‘ਕੀ ਇਹ ਉਹੀ ਹੈ ਜਿਸ ਨੇ ਰਣਵੀਰ ਸਿੰਘ ਨੂੰ ਧੋਖਾ ਦਿੱਤਾ?’ ਇਕ ਯੂਜ਼ਰ ਨੇ ਸ਼ਾਇਰੀ ਨਾਲ ਲਿਖਿਆ, ‘ਬੇਵਫਾ ਤੇਰਾ ਮਾਸੂਮ ਚਿਹਰਾ ਦਿਲ ਦੇ ਪਿਆਰ ਦੇ ਕਾਬਿਲ ਨਹੀਂ ਹੈ।’
ਕਿਉਂ ਟ੍ਰੋਲ ਹੋ ਰਹੀ ਦੀਪਿਕਾ
26 ਅਕਤੂਬਰ ਨੂੰ ਸ਼ੁਰੂ ਹੋਏ ‘ਕੌਫੀ ਵਿਦ ਕਰਨ 8’ ਵਿੱਚ ਦੀਪਿਕਾ ਤੇ ਰਣਵੀਰ ਨੇ ਜੋੜੇ ਮਹਿਮਾਨਾਂ ਵਜੋਂ ਹਿੱਸਾ ਲਿਆ ਸੀ। ਇਸ ਦੌਰਾਨ ਦੋਹਾਂ ਨੇ ਆਪਣੀ ਲਵ ਸਟੋਰੀ ਬਾਰੇ ਗੱਲ ਕੀਤੀ। ਫਿਰ ਦੀਪਿਕਾ ਨੇ ਦੱਸਿਆ ਕਿ ਰਣਵੀਰ ਨਾਲ ਆਪਣੇ ਰਿਸ਼ਤੇ ਦੇ ਸ਼ੁਰੂਆਤੀ ਦੌਰ ‘ਚ ਉਹ ਦੂਜੇ ਲੜਕਿਆਂ ਨੂੰ ਵੀ ਡੇਟ ਕਰ ਰਹੀ ਸੀ। ਪਰ ਮਨ ਵਿੱਚ ਉਹ ਰਣਵੀਰ ਲਈ ਕਮਿਟੇਡ ਸੀ। ਇਸ ਬਿਆਨ ਤੋਂ ਬਾਅਦ ਅਦਾਕਾਰਾ ਯੂਜ਼ਰਜ਼ ਦੇ ਨਿਸ਼ਾਨੇ ‘ਤੇ ਆ ਗਈ ਹੈ।
