ਐਬਟਸਫੋਰਡ-(ਬਰਾੜ-ਭਗਤਾ ਭਾਈ ਕਾ) ਨਵੰਬਰ 1984 ‘ਚ ਭਾਰਤ ਦੇ ਵੱਖ ਵੱਖ ਹਿੱਸਿਆਂ ‘ਚ ਹੋਈ ਸਿੱਖ ਨਸਲਕੁਸ਼ੀ ਦੇ ਦੁਖਾਂਤ ਨੂੰ ਯਾਦ ਕਰਦਿਆਂ ਸਰੀ ਵੈਨਕੂਰ ਐਬਟਸਫੋਰਡ ਤੋਂ ਇਲਾਵਾ ਕੈਨੇਡਾ ਭਰ ਵਿੱਚ ਵੱਡੀ ਪੱਧਰ ‘ਤੇ ਸਿੱਖ ਕੌਮ ਵੱਲੋਂ ਹਰ ਸਾਲ ਖੂਨਦਾਨ ਕੈਂਪੇਨ ਚਲਾਈ ਜਾਂਦੀ ਹੈ।ਟਰੰਟੋ, ਐਡਮਿੰਟਨ,ਕੈਲਗਰੀ,ਵਿਨੀਪੈਗ ਅਤੇ ਸਾਸਕਾਟੂਨ ਤੋਂ ਵੀ ਖਬਰਾਂ ਹਨ ਕਿ ਸਿੱਖ ਬੱਚਿਆਂ, ਨੌਜਵਾਨਾਂ, ਇਸਤਰੀਆਂ, ਮਰਦਾਂ ਅਤੇ ਬਜ਼ੁਰਗਾਂ ਨੇ ਵੱਡੀ ਗਿਣਤੀ ਵਿੱਚ ਜਿਥੇ ਵਲੰਟੀਅਰ ਵਜੋਂ ਸ਼ਮੂਲੀਅਤ ਕੀਤੀ ਉਥੇ ਖੂਨਦਾਨੀਆਂ ਦੀਆਂ ਲਾਈਨਾਂ ਲੰਮੀਆਂ ਹੋਣ ਕਾਰਣ ਸੈਂਕੜੇ ਲੋਕਾਂ ਨੂੰ ਵਾਪਸ ਮੁੜਨਾ ਪਿਆ।ਕੈਨੇਡਾ ਦੇ ਹੁਣ ਤੱਕ ਦੇ ਇਤਿਹਾਸ ਵਿੱਚ ਇਹ ਸਭ ਤੋਂ ਵੱਡੀ ਨਸਲਕੁਸ਼ੀ ਖਿਲਾਫ ਖੂਨਦਾਨ ਮੁਹਿੰਮ ਹੈ।ਇਸ ਸਾਲ ਕਈ ਘੰਟਿਆਂ ਤੱਕ ਉਡੀਕ ਕਰਦੇ ਹੋਏ ਸਿੱਖ ਕੌਮ ਦੇ ਸੇਵਾਦਾਰਾਂ ਨੇ ਖੂਨਦਾਨ ਕੀਤਾ ਅਤੇ ਦੁਖਾਂਤ ਨੂੰ ਚੇਤੇ ਕਰਦਿਆਂ ਜ਼ਾਲਮ ਤਾਕਤਾਂ ਅਤੇ ਹੁਕਮਰਾਨਾਂ ਖਿਲਾਫ਼ ਵੱਖਰੇ ਢੰਗ ਨਾਲ ਆਵਾਜ ਬੁਲੰਦ ਕੀਤੀ। ਇਸ ਕੈਪੇਨ ਦੇ ਵਲੰਟਰੀਅਰਾਂ ਦਾ ਕਹਿਣਾ ਹੈ ਕਿ ਜਿੱਥੇ ਕੈਨੇਡਾ ਭਰ ਵਿੱਚ ਦਸੰਬਰ 2017 ਤੱਕ ਇਸ ਮੁਹਿੰਮ ਨੇ 1,30,000 ਤੋਂ ਵੱਧ ਜਾਨਾਂ ਬਚਾਈਆਂ ਜਾ ਚੁੱਕੀਆਂਹਨ ਉੱਥੇ ਸਮੂੰਹ ਸਿੱਖ ਕੌਮ ਨੇ ਵੀ ਇਸ ਵਿੱਚ ਭਰਪੂਰ ਯੋਗਦਾਨ ਪਾਇਆ ਹੈ। ਪ੍ਰਾਪਤਾਂ ਅਨੁਸਾਰ ਐਬਟਸਫੋਰਡ ਵਿੱਚ ਥੋੜੇ ਸਮੇਂ ਵਿੱਚ 150 ਤੋਂ ਵੱਧ ਸਿੱਖ ਸਿੱਖਾਂਂ ਦਾ ਖੂਨਦਾਨ ਹੋ ਸਕਿਆ ਅਤੇ ਸੈਂਕੜੇ ਹੋਰ ਉਡੀਕ ਕਰਦੇ ਰਹੇ ਜਿਹੜੇ ਆਉਂਦੇ ਦਿਨਾਂ ਵਿੱਚ ਵੱਖ ਵੱਖ ਸਮਿਆਂ ਦੌਰਾਨ ਖੂਨਦਾਨ ਕਰਨ ਦਾ ਪ੍ਰਣ ਕਰਦੇ ਦੇਖੇ ਗਏ। ਇਸੇ ਤਰਾਂ ਸਰੀ ਵਿੱਚ 300 ਦੇ ਕਰੀਬ ਅਤੇ ਵੈਨਕੂਵਰ ਵਿੱਚ 100 ਦੇ ਕਰੀਬ ਸਿੱਖ ਵੀਰ ਭੈਣਾਂ ਨੇ ਖੂਨ ਦਾਨ ਦਿੱਤਾ।ਜਿਨਾ ਦੀ ਵਾਰੀ ਨਹੀਂਂ ਆਈ ਉਨਾ ਅਗਲੇ ਦਿਨਾ ਦੀ ਆਪਣੀਂ ਅੰਪਾਇਮੈਂਟ ਬੁੱਕ ਕਰ ਲਈ।ਸਿੱਖ ਕੌਮ ਦੀ ਇਸ ਮੁਹਿੰਮ ਦੇ ਸਮੂਹ ਵਲੰਟੀਆਰਾਂ ਨੇ ਸਾਰੇ ਖੂਨਦਾਨੀਆਂ ਦਾ ਧੰਨਵਾਦ ਕੀਤਾ ਉੱਥੇ ਨਾਲ ਇਹ ਸੁਨੇਹਾ ਵੀ ਦਿੱਤਾ ਕਿ ਕੈਨੇਡਾ ਸਮੇਤ ਦੁਨੀਆਂ ਦੇ ਵੱਖ ਵੱਖ ਕੋਨਿਆਂ ‘ਚ ਲਗਾਏ ਜਾਂਦੇ ਇੰਨ੍ਹਾਂ ਖੂਨਦਾਨ ਕੈਂਪਾਂ ਰਾਹੀਂ ਉਹ ਸੰਸਾਰ ਨੂੰ ਦੱਸਣਾ ਚਾਹੁੰਦੇ ਹਨ ਕਿ 1984 ‘ਚ ਭਾਰਤ ਦੀ ਰਾਜਧਾਨੀ ਦਿੱਲੀ ਸਮੇਤ ਕਈ ਹੋਰ ਵੱਖ ਵੱਖ ਥਾਵਾਂ ‘ਤੇ ਸਰਕਾਰੀ ਸ਼ਹਿ ਉੱਪਰ ਗੁੰਡਿਆਂ, ਪੁਲਿਸ, ਪ੍ਰਸਾਸ਼ਨ ਅਤੇ ਸਿਆਸਤਦਾਨਾਂ ਨੇ ਮਿਲਕੇ ਸਿੱਖਾਂ ਦਾ ਲਹੂ ਡੋਲ੍ਹਿਆ, ਉੱਥੇ ਸਿੱਖ ਕੌਮ ਆਪਣਾ ਲਹੂ ਦਾਨ ਕਰਕੇ ਮਨੁੱਖਤਾ ਦੀ ਜਾਨ ਬਚਾ ਰਹੀ ਹੈ। ਇਸ ਤੋਂ ਇਲਾਵਾ ਅੰਤਰਰਾਸਟਰੀ ਭਾਈਚਾਰੇ ਨੂੰ ਸਿੱਖਾਂ ਨਾਲ ਹੋਏ ਜਬਰ ਜੁæਲਮ ਦੀ ਦਾਸਤਾਨ ਬਿਆਨ ਕਰਨ ਦਾ ਇਹ ਇੱਕ ਪ੍ਰਭਾਵਸ਼ਾਲੀ ਤਰੀਕਾ ਵੀ ਹੈ ਜੋ ਸਰਬੱਤ ਦਾ ਭਲਾ ਚਾਹੁੰਣ ਵਾਲੀ ਕੌਮ ਦੇ ਮਨੋਰਥ ਨੂੰ ਪੇਸ਼ ਕਰਦੇ ਹੋਏ ਜਨੂਨੀ ਅਤੇ ਘੱਟ ਗਿਣਤੀ ਵਿਰੋਧੀ ਹਕੂਮਤਾਂ ਦੇ ਸਾਜਿਸ਼ੀ ਨੀਤੀਆਂ ਨੂੰ ਸੰਸਾਰ ਸਾਹਮਣੇ ਨੰਗਾ ਕਰਦਾ ਹੈ। ਸਮੁੱਚੇ ਤੌਰ ‘ਤੇ ਕੈਨੇਡਾ ਅਤੇ ਦੁਨੀਆ ਭਰ ਵਿੱਚ ਲੱਗੇ ਅਤੇ ਲਗਾਤਾਰ ਚੱਲ ਰਹੇ ਇਨ੍ਹਾਂ ਖੂਨਦਾਨ ਕੈਂਪਾਂ ‘ਚ ਸੰਗਤਾਂ ਅੰਦਰ ਬੇਮਿਸਾਲ ਉਤਸ਼ਾਹ ਪਾਇਆ ਜਾ ਰਿਹਾ ਹੈ।
ਖੇਡ ਟੂਰਿਜ਼ਮ ਤੋਂ ਇਸ ਤਿਮਾਹੀ ‘ਚ ਸਿਟੀ ਨੂੰ 8 ਮਿਲੀਅਨ ਡਾਲਰ ਦੇ ਆਰਥਿਕ ਲਾਭ ਦੀ ਉਮੀਦ
ਇਸ ਬਸੰਤ ਸਰੀ ਖੇਡ ਸਮਾਗਮਾਂ ‘ਚ 9,000 ਤੋਂ ਵੱਧ ਖਿਡਾਰੀਆਂ ਦੀ ਮੇਜ਼ਬਾਨੀ ਕਰੇਗਾ ਸਰੀ, ਬੀ.ਸੀ. – ਸਰੀ ਇਸ ਬਸੰਤ ਵਿੱਚ ਅੱਠ ਖੇਡ ਟੂਰਨਾਮੈਂਟਾਂ ਵਿੱਚ ਔਸਤਨ 9,300 ਤੋਂ ਵੱਧ ਖਿਡਾਰੀਆਂ ਦਾ ਸਵਾਗਤ
