ਸ੍ਰੀ ਅਕਾਲ ਤਖਤ ਸਾਹਿਬ ਦੇ ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਵੱਲੋਂ ਸਰੀ ਦੀਆਂ ਸੰਗਤਾਂ ਨੂੰ ਵਧਾਈ

ਦਿੱਲੀ:ਭਾਈ ਹਰਦੀਪ ਸਿੰਘ ਨਿੱਝਰ ਜਿਨਾਂ ਨੂੰ ਗੁਰੂ ਨਾਨਕ ਸਿੱਖ ਗੁਰਦਵਾਰਾ ਸਰੀ- ਡੈਲਟਾ ਦਾ ਮੁੱਖ ਸੇਵਾਦਾਰ ਅਤੇ ਸਮੂੰਹ ਕਮੇਟੀ ਜਿਸਨੂੰ ਸਰੀ ਦੀਆਂ ਸੰਗਤਾਂ ਨੇ ਸਰਬ ਸੰਮਤੀ ਨਾਲ ਚੁਣਿਆ ਹੈ,ਉਸ ਸਬੰਧੀ ਜਥੇਦਾਰ ਜਗਤਾਰ ਸਿੰਘ ਹਵਾਰਾ ਨੇ ਸਭ ਸੰਗਤਾਂ ਨੂੰ ਵਧਾਈ ਦਿੱਤੀ ਹੈ।ਉਨਾ ਕਿਹਾ ਕਿ ਭਾਈ ਹਰਦੀਪ ਸਿੰਘ ਪੰਥ ਦਰਦੀ ਸ਼ਖਸ਼ੀਅਤ ਹਨ ਜੋ ਕਿ ਹਮੇਸ਼ਾਂ ਹੀ ਪੰਥ ਦੀ ਚੜ੍ਹਦੀ ਕਲਾ ਸੋਚਦੇ ਹਨ।
ਉਨ੍ਹਾਂ ਨੇ ਲਿਖਤੀ ਬਿਆਨ ਜਾਰੀ ਕਰਦਿਆਂ ਕਿਹਾ ਕਿ ਇਹ ਨਿਯੁੱਕਤੀ ਦੋ ਪੱਖਾਂ ਤੋਂ ਮਹੱਤਵ ਪੂਰਣ ਹੈ।ਪਹਿਲਾ ਕਿ ਸਿੱਖ ਸਿਧਾਂਤ ਵੀ ਵੋਟਿੰਗ ਦੀ ਬਜ਼ਾਏ ਨਿਯੁਕਤੀ ਕਰਨ ਦਾ ਹੈ।ਵੋਟ ਸਿਸਟਮ ਰਾਹੀਂਂ ਧੜੇਬੰਦੀ ਦੇ ਵਿਖਾਵੇ ਦੀ ਬਜ਼ਾਏ ਸਰਬ-ਸਮਤੀ ਨਾਲ ਨਿਯੁਕਤੀ ਕਰਨੀ ਸ਼ੁੁਭ ਸੰਕੇਤ ਹੈ।
ਦੂਜਾ ਇਹ ਨਿਯੁਕਤੀ ਇਸ ਲਈ ਵੀ ਮਹੱਤਵ ਪੂਰਨ ਹੈ ਕਿ ਭਾਰਤ ਦੀ ਜ਼ਾਲਮ ਹਕੂਮਤ ਨੇ ਪਿਛਲੇ ਪਿਛਲੇ ਕਾਫੀ ਸਮੇਂ ਤੋਂ ਭਾਈ ਹਰਦੀਪ ਸਿੰਘ ਨਿੱਝਰ ਦੇ ਵਿਰੁੱਧ ਤੱਥ ਹੀਣ ਚੀਕ ਚਿਹਾੜਾ ਪਾਇਆ ਹੋਇਆ ਹੈ ਅਤੇ ਇਨ੍ਹਾਂ ਵਿਰੁੱਧ ਕੈਨੇਡਾ ਦੀ ਸਰਕਾਰ ਤੋਂ ਕਾਰਵਾਈ ਕਰਵਾਉਣ ਲਈ ਝੂਠੀਆਂ ਮਨਘੜਤ ਰਿਪੋਰਟਾਂ ਦਿੱਤੀਆਂ ਹਨ। ਅਜਿਹੀ ਹਾਲਤ ਵਿੱਚ ਸਿੱਖ ਸੰਗਤਾਂ ਵੱਲੋਂ ਭਾਈ ਹਰਦੀਪ ਸਿੰਘ ਨੂੰ ਸਰਬ ਸੰਮਤੀ ਨਾਲ ਕਮੇਟੀ ਦਾ ਮੁੱਖ ਸੇਵਾਦਾਰ ਚੁਣਨਾ ਵੀ ਬਹੁੱਤ ਮਹੱਤਵ ਰੱਖਦਾ ਹੈ।ਇਸਦਾ ਇਹ ਸਨੇਹਾ ਜਾਂਦਾ ਹੈ ਕਿ ਸਮੁੱਚੀ ਸਿੱਖ ਸੰਗਤ ਭਾਈ ਹਰਦੀਪ ਸਿੰਘ ਅਤੇ ਉਨਾ ਗੁਰਸਿੱਖਾ ਨਾਲ ਹੈ ਜਿਨਾ ਨੂੰ ਭਾਰਤੀ ਹਕੂਮਤ ਅਤਿਵਾਦੀ ਕਹਿਣਾ ਚਹੁੰਦੀ ਹੈ।ਭਾਈ ਹਰਦੀਪ ਸਿੰਘ ਨਿੱਝਰ ਨੂੰ ਅਤੇ ਕੈਨੇਡਾ ਦੀ ਸਮੂੰਹ ਸੰਗਤ ਨੂੰ ਵਧਾਈ ਦਿੰਦਾ ਹੋਇਆ ਮੈਂ ਦੁਨੀਆਂ ਭਰ ਦੀਆਂ ਗੁਰਦਵਾਰਾ ਕਮੇਟੀਆਂ ਦੇ ਮੈਂਬਰ ਸਹਿਬਾਨ ਸਰਬ ਸੰਮਤੀ ਨਾਲ ਚੁਣੇਂ ਜਾਣ ਦੀ ਰਵਾਇਤ ਅਰੰਭ ਕੀਤੇ ਜਾਣ ਦੀ ਉਮੀਦ ਕਰਦਾਂ ਹਾਂ।ਵੱਲੋਂ:- ਗੁਰੂ ਖਾਲਸਾ ਪੰਥ ਦਾ ਸੇਵਾਦਾਰ ਜਗਤਾਰ ਸਿੰਘ ਹਵਾਰਾ ਨਜ਼ਰਬੰਦ ਤਿਹਾੜ ਜੇਲ (ਨਵੀਂ ਦਿੱਲੀ)