ਸ਼ਾਹਕੋਟੀਆਂ ਨੇ 26 ਸਾਲ ਬਾਅਦ ਕਾਂਗਰਸ ਲਈ ਖੋਲ੍ਹੇ ਦਰਵਾਜ਼ੇ, ਸ਼ੇਰੋਵਾਲੀਆ ਨੇ ਪਛਾੜੇ ਵਿਰੋਧੀ

ਸ਼ਾਹਕੋਟ — 28 ਮਈ ਨੂੰ ਹੋਈ ਸ਼ਾਹਕੋਟ ਜ਼ਿਮਨੀ ਚੋਣ ਦੇ ਨਤੀਜਿਆਂ ਦਾ ਐਲਾਨ ਅੱਜ ਕਰ ਦਿੱਤਾ ਗਿਆ। ਇਨ੍ਹਾਂ ਨਤੀਜਿਆਂ ‘ਚ 26 ਸਾਲਾਂ ਬਾਅਦ ਸ਼ਾਹਕੋਟ ‘ਚ ਕਾਂਗਰਸ ਨੇ ਵਿਰੋਧੀਆਂ ਨੂੰ ਪਛਾੜਦੇ ਹੋਏ ਜਿੱਤ ਦੇ ਝੰਡੇ ਗੱਡੇ ਹਨ। ਕਾਂਗਰਸੀ ਉਮੀਦਵਾਰ ਹਰਦੇਵ ਸਿੰਘ ਲਾਡੀ ਸ਼ੇਰੋਵਾਲੀਆ ਨੇ 38 ਹਜ਼ਾਰ 801 ਵੋਟਾਂ ਨਾਲ ਵਿਰੋਧੀ ਧਿਰ ਦੇ ਉਮੀਦਵਾਰਾਂ ਨੂੰ ਹਾਰ ਦਾ ਮੂੰਹ ਦਿਖਾਇਆ। ਅਕਾਲੀ ਆਗੂ ਨਾਇਬ ਸਿੰਘ ਕੋਹਾੜ ਦੇ ਹਿੱਸੇ 43 ਹਜ਼ਾਰ 944 ਵੋਟਾਂ ਆਈਆਂ, ਜਦ ਕਿ ਆਮ ਆਦਮੀ ਪਾਰਟੀ ਦੇ ਉਮੀਦਵਾਰ ਰਤਨ ਸਿੰਘ ਨੂੰ ਸਿਰਫ 1900 ਵੋਟਾਂ ਹੀ ਮਿਲੀਆਂ ਤੇ ਉਨ੍ਹਾਂ ਦੀ ਜ਼ਮਾਨਤ ਤੱਕ ਜ਼ਬਤ ਹੋ ਗਈ।