ਜ਼ਿਆਦਾ ਨਜ਼ਰ ਆਉ ਤਾਂ ਅੱਕ ਜਾਂਦੇ ਨੇ ਲੋਕ: ਨਿਮਰਤ ਕੌਰ
ਦੋ ਹਿੰਦੀ ਫ਼ਿਲਮਾਂ ਦੀ ਰੀਲੀਜ਼ ਤੋਂ ਬਾਅਦ ਦੇਸ਼ ਦੇ ਘਰ ਘਰ ਵਿਚ ਅਪਣੀ ਪਛਾਣ ਬਣਾਉਣ ਵਾਲੀ ਨਿਮਰਤ ਕੌਰ ਦਾ ਕਹਿਣਾ ਹੈ ਕਿ ਸਫ਼ਲ ਹੋਣ ਤੋਂ ਬਾਅਦ ਉਨ੍ਹਾਂ ਕੋਲ ਕਈ ਆਫ਼ਰ ਨਵੇਂ ਆਏ ਪਰ ਉਨ੍ਹਾਂ ਨੇ ਉਸ ਤੋਂ ਪਰਹੇਜ ਕੀਤਾ ਕਿਉੁਂਕਿ ਜ਼ਿਆਦਾ ਨਜ਼ਰ ਆਉ ਤਾਂ ਲੋਕ ਅੱਕ ਜਾਂਦੇ ਹਨ। 35 ਸਾਲਾ ਅਦਾਕਾਰਾ ਨੇ ਥਿਏਟਰ ਅਤੇ ਸੰਗੀਤ ਵੀਡਿਉ ਤੋਂ ਅਪਣਾ ਕਰੀਅਰ ਸ਼ੁਰੂ ਕੀਤਾ ਪਰ ਰਿਤੇਸ਼ ਬੱਤਰਾ ਦੀ ‘ਦ ਲੰਚਬਾਕਸ’ ਵਿਚ ਇਰਫ਼ਾਨ ਨਾਲ ਕੰਮ ਕਰਨ ਤੋਂ ਬਾਅਦ ਉਨ੍ਹਾਂ ਨੇ ਬਹੁਤ ਨਾਮ ਖੱਟਿਆ।
ਸਾਲ 2016 ਵਿਚ ‘ਏਅਰਲਿਫ਼ਟ’ ਦੀ ਕਾਮਯਾਬੀ ਤੋਂ ਬਾਅਦ ਉਨ੍ਹਾਂ ਨੂੰ ਕਈ ਫ਼ਿਲਮਾਂ ਦੀ ਪੇ²ਸ਼ਕਸ਼ ਮਿਲੀ ਪਰ ਨਿਮਰਤ ਨੇ ਇਕ ਤੋਂ ਬਾਅਦ ਇਕ ਫ਼ਿਲਮਾਂ ਸਾਇਨ ਨਹੀਂ ਕੀਤੀਆਂ ਕਿਉਂਕਿ ਉੁਨ੍ਹਾਂ ਦਾ ਮੰਨਣਾ ਹੈ ਕਿ ਕਲਾਕਾਰ ਦੇ ਜ਼ਿਆਦਾ ਦਿਖਣ ਨਾਲ ਦਰਸ਼ਕ ਅੱਕ ਜਾਂਦੇ ਹਨ। ਨਿਮਰਤ ਨੇ ਕਿਹਾ,”ਜੇਕਰ ਕੋਈ ਲਗਾਤਾਰ ਫ਼ਿਲਮਾਂ ਸਾਈਨ ਕਰਦਾ ਜਾਵੇਗਾ ਤਾਂ ਉਹ ਜ਼ਿਆਦਾ ਦਿਖਣ ਲਗੇਗਾ ਅਤੇ ਲੋਕ ਤੁਹਾਨੂੰ ਵੇਖ ਕੇ ਬੋਰ ਹੋ ਜਾਣਗੇ ਅਤੇ ਮੁੜ ਤੁਹਾਨੂੰ ਕੰਮ ਨਹੀਂ ਮਿਲਦਾ ਹੈ।’
Admin
Punjab Guardian · Surrey
