ਹਿਲੇਰੀ ਕਲਿੰਟਨ ਨੇ ਰਚਿਆ ਇਤਿਹਾਸ, ਬਣੀ ਰਾਸ਼ਟਰਪਤੀ ਅਹੁਦੇ ਦੀ ਪਹਿਲੀ ਮਹਿਲਾ ਉਮੀਦਵਾਰ :

ਲਾਸ ਅੇਂਜਲੈਸ,: ਹਿਲੇਰੀ ਕਲਿੰਟਨ ਨੇ ਇਤਿਹਾਸ ਰਚਦਿਆਂ ਕੈਲੇਫ਼ੋਰਨੀਆ ਅਤੇ ਤਿੰਨ ਹੋਰ ਸਟੇਟ ਪ੍ਰਾਈਮਰੀ ਵਿਚ ਜਿੱਤ ਦਰਜ ਕੀਤੀ ਹੈ। ਇੰਜ ਉਹ ਕਿਸੇ ਪ੍ਰਮੁੱਖ ਅਮਰੀਕੀ ਸਿਆਸੀ ਪਾਰਟੀ ਦੀ ਰਾਸ਼ਟਰਪਤੀ ਅਹੁਦੇ ਦੀ ਉਮੀਦਵਾਰੀ ਹਾਸਲ ਕਰਨ ਵਾਲੀ ਪਹਿਲੀ ਮਹਿਲਾ ਬਣ ਗਈ ਹੈ। ਉਂਜ ਡੈਮੋਕ੍ਰੈਟਿਕ ਪਾਰਟੀ ਦੇ ਉਨ੍ਹਾਂ ਦੇ ਵਿਰੋਧੀ ਬਰਨੀ ਸੈਂਡਰਜ਼ ਅਜੇ ਵੀ ਅੜੇ ਹੋਏ ਹਨ। ਹਿਲੇਰੀ (68) ਨੇ ਨਿਊਯਾਰਕ ਦੇ ਬਰੁਕਲਿਨ ਵਿਚ ਅਪਣੇ ਪ੍ਰਚਾਰ ਦੌਰਾਨ ਸਮਰਥਕਾਂ ਨੂੰ ਕਿਹਾ ਕਿ ਅਸੀਂ ਇਕ ਪੜਾਅ ਪਾਰ ਕਰ ਲਿਆ ਹੈ। ਸਾਡੇ ਦੇਸ਼ ਦੇ ਇਤਿਹਾਸ ਵਿਚ ਇਹ ਪਹਿਲੀ ਵਾਰ ਹੈ ਜਦ ਕਿਸੇ ਪ੍ਰਮੁੱਖ ਪਾਰਟੀ ਦੀ ਉਮੀਦਵਾਰ ਕੋਈ ਮਹਿਲਾ ਹੋਵੇਗੀ।