ਸਟਾਫ ਰਿਪੋਰਟਰ, ਖੰਨਾ : ਬੀਤੀ ਰਾਤ ਖੰਨਾ ਲਲਹੇੜੀ ਰੋਡ ‘ਤੇ ਵਾਪਰੇ ਭਿਆਨਕ ਸੜਕ ਹਾਦਸੇ ਦੌਰਾਨ ਕਾਰ-ਟਰਾਲੀ ਦੀ ਹੋਈ ਟੱਕਰ ‘ਚ ਕਾਰ ਸਵਾਰ ਵਿਅਕਤੀ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਵਿਅਕਤੀ ਦੀ ਪਛਾਣ ਭਗਤ ਸਿੰਘ ਵਾਸੀ ਪਿੰਡ ਕੰਗਣਾ ਨੇੜੇ ਨਾਭਾ ਵਜੋਂ ਹੋਈ। ਸਿਟੀ ਖੰਨਾ ਦੇ ਏਐੱਸਆਈ ਸੁਰਾਜਦੀਨ ਨੇ ਦੱਸਿਆ ਕਾਰ ਚਾਲਕ ਭਗਤ ਸਿੰਘ ਆਪਣੀ ਕਾਰ ‘ਚ ਖੰਨਾ ਵੱਲ ਆ ਰਿਹਾ ਸੀ ਜਦੋਂ ਉਹ ਮੱਲੀ ਪੈਲਸ ਨੇੜੇ ਪੁੱਜਾ ਤਾਂ ਕਾਰ ਅੱਗੇ ਜਾ ਰਹੀ ਟਰਾਲੀ ‘ਚ ਪਿੱਛੋਂ ਜਾ ਵੱਜੀ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਕਾਰ ਦੇ ਪਰਖੱਚੇ ਉੱਡ ਗਏ। ਪੁਲਿਸ ਅਧਿਕਾਰੀ ਨੇ ਦੱਸਿਆ ਮਾਮਲੇ ਜਾਂਚ ਕੀਤੀ ਜਾ ਰਹੀ ਹੈ ਜਾਂਚ ਕਰਨ ਤੋਂ ਬਾਅਦ ਅਗਲੀ ਕਾਰਵਾਈ ਕੀਤੀ ਜਾਵੇਗੀ।