ਸਿੱਖਾਂ ਨੇ ਪੂਰੇ ਵਿਸ਼ਵ ਵਿਚ ਮਨਾਇਆ ਗਿਆ ਗਤਕਾ ਦਿਵਸ

ਲਹਿਰਾਗਾਗਾ, (ਖੁਸ਼ਵਿੰਦਰ ਸ਼ਰਮਾ, ਗੁਰਦੀਪ ਗਾਗਾ): ਪੂਰੇ ਵਿਸ਼ਵ ਵਿਚ ਸਿੱਖਾਂ ਵਲੋਂ ਗਤਕਾ ਦਿਵਸ ਮਨਾਇਆ ਗਿਆ। ਇਸੇ ਤਹਿਤ ਗੁਰਦਵਾਰਾ ਪਾਤਸ਼ਾਹੀ ਨੌਵੀ ਪਿੰਡ ਗਾਗਾ ਵਿਖੇ ਸਿੱਖਾਂ ਵਲੋਂ ਮਨਾਏ ਗਏ ਗਤਕਾ ਦਿਵਸ ਵਿਚ ਨੌਜਵਾਨ ਸਿੰਘਾਂ ਨੇ ਗਤਕੇ ਦੇ ਜੌਹਰ ਵਿਖਾਏ। ਇਸ ਮੌਕੇ ਵਿਸ਼ੇਸ਼ ਜਥੇਬੰਦਕ ਸਕੱਤਰ ਗੁਰਨੈਬ ਸਿੰਘ ਰਾਮਪੁਰਾ ਨੇ ਕਿਹਾ ਕਿ ਕੋਈ ਵੀ ਧਰਮ ਅਪਣੇ ਧਰਮ ਅਨੁਸਾਰ ਅਪਣੀਆਂ ਖੇਡਾਂ ਖੇਡੇ ਜਾਂ ਕੋਈ ਯੋਗ ਮਨਾਵੇ, ਇਸ ਵਿਚ ਸਾਨੂੰ ਕੋਈ ਇਤਰਾਜ਼ ਨਹੀਂ ਪਰ ਸਿੱਖਾਂ ਪ੍ਰਤੀ ਕੀਤੀਆਂ ਜਾ ਰਹੀਆਂ ਇਤਰਾਜ਼ਯੋਗ ਟਿਪਣੀਆਂ ਸਿੱਖਾਂ ਨੂੰ ਮਨਜ਼ੂਰ ਨਹੀਂ। ਉਨ੍ਹਾਂ ਕਿਹਾ ਕਿ ਯੋਗ ਦੀ ਸਿੱਖ ਧਰਮ ਵਿਚ ਕੋਈ ਥਾਂ ਨਹੀਂ ਹੈ ਪਰ ਜੇ ਕੋਈ ਧੱਕੇ ਨਾਲ ਅਪਣਾ ਹੁਕਮ ਮਨਾਵੇ ਤਾਂ ਸਿੱਖ ਕਦੇ ਵੀ ਇਸ ਨੂੰ ਬਰਦਾਸ਼ਤ ਨਹੀਂ ਕਰਨਗੇ।