ਵਿਨੀਪੈਗ ‘ਚ 17 ਸਾਲਾ ਕੁੜੀ ਹੋਈ ਲਾਪਤਾ, ਪੁਲਸ ਨੇ ਕੀਤੀ ਮਦਦ ਦੀ ਅਪੀਲ

ਵਿਨੀਪੈਗ—ਕੈਨੇਡਾ ਦੇ ਸ਼ਹਿਰ ਵਿਨੀਪੈਗ ਵਿਚ ਇਕ ਕੁੜੀ ਦੇ ਲਾਪਤਾ ਹੋਣ ਦੀ ਸੂਚਨਾ ਪ੍ਰਾਪਤ ਹੋਈ ਹੈ। ਵਿਨੀਪੈਗ ਪੁਲਸ ਨੇ ਲਾਪਤਾ ਕੁੜੀ ਨੂੰ ਲੱਭਣ ਲਈ ਜਨਤਾ ਤੋਂ ਮਦਦ ਦੀ ਅਪੀਲ ਕੀਤੀ ਹੈ। ਪੁਲਸ ਮੁਤਾਬਕ ਕੁੜੀ ਦਾ ਨਾਂ ਟਨੇਸਾ ਮੋਨਿਆਸ ਹੈ। ਅੱਗੇ ਉਨ੍ਹਾਂ ਦੱਸਿਆ ਕਿ 17 ਸਾਲ ਦੀ ਟਨੇਸਾ ਮੋਨਿਆਸ ਨੂੰ ਆਖਰੀ ਵਾਰ ਮੰਗਲਵਾਰ ਨੂੰ ਫੋਰਟ ਰਿਚਮੰਚ ਵਿਖੇ ਦੇਖਿਆ ਗਿਆ ਸੀ। ਪੁਲਸ ਵੱਲੋਂ ਮੋਨਿਆਸ ਦੀ ਭਾਲ ਜਾਰੀ ਹੈ।
ਪੁਲਸ ਨੇ ਉਸ ਦੀ ਪਛਾਣ ਦੱਸਦੇ ਹੋਏ ਕਿਹਾ ਕਿ ਉੁਸ ਦਾ ਕੱਦ 5 ਫੁੱਟ 5 ਇੰਚ, ਸਰੀਰ ਪਤਲਾ, ਵਾਲ ਲੰਬੇ ਅਤੇ ਭੂਰੇ ਰੰਗ ਦੇ ਅਤੇ ਅੱਖਾਂ ਵੀ ਭੂਰੇ ਰੰਗ ਦੀਆਂ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਜਦੋਂ ਮੋਨਿਆਸ ਨੂੰ ਆਖਰੀ ਦੇਖਿਆ ਗਿਆ ਸੀ ਤਾਂ ਉਸ ਨੇ ਕਾਲੇ ਰੰਗ ਦੇ ਕੱਪੜੇ ਅਤੇ ਹੁਡੀ ਪਾਈ ਹੋਈ ਸੀ। ਪੁਲਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਜੇਕਰ ਕਿਸੇ ਨੂੰ ਇਸ ਕੁੜੀ ਬਾਰੇ ਕੋਈ ਜਾਣਕਾਰੀ ਮਿਲਦੀ ਹੈ ਤਾਂ ਉਹ ਤੁਰੰਤ ਪੁਲਸ ਨਾਲ ਸੰਪਰਕ ਕਰਨ।