ਰਕਸ਼ੀਲ ਸਭਿਆਚਾਰਕ ਸੁਸਾਇਟੀ ਆਫ ਕੈਨੇਡਾ ਦੀਆਂ ਸਰਗਰਮੀਆਂ ਦੀ ਜਾਣਕਾਰੀ

ਸਰ੍ਹੀ :- (31 ਮਾਰਚ 2018) ਪਿਛਲੇ ਦਿਨੀ ਸੁਸਾਇਟੀ ਦੀ ਇੱਕ ਮੀਟਿੰਗ ਐਬਸਫੋਰਡ ਸ਼ਹਿਰ ਵਿੱਚ ਬਾਈ ਅਵਤਾਰ ਦੀ ਪ੍ਰਧਾਨਗੀ ਹੇਠ ਐਬਸਫੋਰਡ ਲਾਇਬਰੇਰੀ ਵਿਚ ਕੀਤੀ ਗਈ ਜਿਸ ਵਿੱਚ ਹੇਠ ਲਿਖਤ ਫੈਸਲੇ ਲਏ ਗਏ। ਸੁਸਾਇਟੀ ਵੱਲੋਂ ਆਉਣ ਵਾਲੇ ਸਾਰੇ ਨਗਰ ਕੀਰਤਨ, ਸੌਕਰ ਅਤੇ ਫੀਲਡ ਹਾਕੀ ਦੇ ਟੂਰਨਾਂਮੈਂਟ ਤੋਂ ਇਲਾਵਾ ਹੋਰ ਵੀ ਸਾਰੇ ਸਮਾਜਕ – ਸਭਿਆਚਾਰਕ ਸਮਾਗਮਾਂ ਸਮੇਂ (ਸਾਹਿਤ) ਕਿਤਾਬਾਂ ਦੀ ਸਟਾਲ ਲਾਈ ਜਾਵੇਗੀ ਤਾਕਿ ਕਿਤਾਬਾਂ ਬਹੁਤ ਹੀ ਸਸਤੇ ਰੇਟਾਂ ਤੇ ਘਰੋਂ ਘਰ ਪਹੁੰਚਦੀਆਂ ਕੀਤੀਆਂ ਜਾਣ।
ਅਖੌਤੀ ਜੋਤਿਸ਼ੀਆਂ, ਤਾਂਤਰਿਕਾਂ, ਨਗ ਪਵਾਉਣ ਵਾਲਿਆਂ, ਵਸਤੂ ਸ਼ਾਸ਼ਤਰ, ਜਾਦੂ ਟੂਣੇ ਇਤਿਆਦ ਦੀ ਇਸ਼ਤਿਹਾਰ ਬਾਜ਼ੀ ਰਾਹੀਂ ਧੋਖੇ ਭਰੇ ਢੰਗ ਨਾਲ ਲੋਕਾਂ ਦੀ ਕੀਤੀ ਜਾ ਰਹੀ ਆਰਥਕ, ਮਾਨਸਿਕ ਅਤੇ ਸਰੀਰਕ ਲੁੱਟ ਰੁਕਵਾਉਣ ਲਈ ਕੈਨੇਡਾ ਸਰਕਾਰ ਤੋਂ ਇਸ ਕਿਸਮ ਦੀ ਇਸ਼ਤਿਹਾਰਬਾਜ਼ੀ ਬੰਦ ਕਰਨ ਦੀ ਮੰਗ ਕਰਦੀ ਇੱਕ ਪਟੀਸ਼ਨ ਤੇ ਭਾਈਚਾਰੇ ਤੋਂ ਦਸਤਖ਼ਤ ਕਰਵਾਏ ਜਾਣਗੇ।
ਇਸ ਸਮੇਂ ਦੁਰਾਨ ਸੁਸਾਇਟੀ ਦੇ ਵਲੰਟੀਅਰ ਇਨ੍ਹਾਂ ਅਖੋਤੀਆਂ ਦੇ ਝੂਠ ਦਾ ਭਾਂਡਾ ਭੰਨਦੇ ਅਤੇ ਇੱਕ ਲੱਖ ਕੈਨੇਡੀਅਨ ਡਾਲਰ ਦੀ ਚਣੋਤੀ ਵਾਲੇ ਪੋਸਟਰ ਹੱਥਾਂ ਵਿੱਚ ਫੜਕੇ ਵਿਖਾਵਾ ਵੀ ਕਰਨਗੇ। ਇਸੇ ਦੁਰਾਨ ਹੀ ਜੂਨ ਜੁਲਾਈ ਵਿਚ ਜੋਤਿਸ਼ ਝੂਠ ਬੋਲਦਾ ਹੈ ਤੇ ਸੈਮੀਨਾਰ ਵੀ ਕਰਵਾਇਆ ਜਾਵੇਗਾ। ਸਲਾਨਾ ਸਭਿਆਚਾਰਕ ਪ੍ਰੋਗਰਾਮ ਬਾਰੇ ਅਗਲੀ ਮੀਟਿੰਗ ਵਿੱਚ ਵਿਚਾਰ ਕੀਤੀ ਜਾਵੇਗੀ। ਅਸੀਂ ਸੁਸਾਇਟੀ ਦੀ ਸਮੁੱਚੀ ਟੀਮ ਵੱਲੋਂ ਆਪ ਸਭਨੂੰ ਪੁਰਜ਼ੋਰ ਅਪੀਲ ਕਰਦੇ ਹਾਂ ਕਿ ਇਨ੍ਹਾਂ ਪ੍ਰੋਗਰਾਮਾਂ ਵਿੱਚ ਸੁਸਾਇਟੀ ਦੇ ਸਟਾਲ ਤੇ ਜਰੂਰ ਪਹੁੰਚਣਾ, ਕਿਤਾਬਾਂ ਦੀ ਖ਼ਰੀਦ ਕਰਨੀ ਅਤੇ ਪਟੀਸ਼ਨ ਤੇ ਦਸਤਖਤ ਕਰਨ ਦੀ ਕਿਰਪਾਲਤਾ ਜਰੂਰ ਕਰਨੀ। ਧੰਨਵਾਦੀ ਹੋਵਾਂਗੇ।