Skip to content
Friday, November 20, 2026 2°C · Mainly clear · Surrey, BC
ਪੰਜਾਬ ਗਾਰਡੀਅਨ
The Punjab Guardian
Surrey, British Columbia · Est. 2016 · Weekly
Sections ਮੁੱਖ ਪੰਨਾHome ਤਾਜ਼ਾ ਖ਼ਬਰਾਂਪੰਜਾਬਕੈਨੇਡਾਅਮਰੀਕਾਭਾਰਤਦੁਨੀਆਖੇਡਾਂਮਨੋਰੰਜਨਕਾਰੋਬਾਰਧਰਮਸ਼ਰਧਾਂਜਲੀਸਿਹਤ
ਅਮਰੀਕਾ USA

ਮੰਗਲ ਗ੍ਰਹਿ ‘ਤੇ ਮਿਲੀ ਪਾਣੀ ਦੀ ਵੱਡੀ ਝੀਲ, ਮਨੁੱਖ ਦੇ ਵਾਸ ਦੀਆਂ ਸੰਭਾਵਨਾਵਾਂ ਵਧੀਆਂ

By Admin Published 2 min read

ਅਮਰੀਕਾ:-ਮੰਗਲ ਗ੍ਰਹਿ ਉਤੇ ਪਹਿਲੀ ਵਾਰ ਵਿਸ਼ਾਲ ਝੀਲ ਦਾ ਪਤਾ ਲੱਗਾ ਹੈ। ਇਸ ਨਾਲ ਇਥੇ ਪਾਣੀ, ਇਥੋਂ ਤੱਕ ਕਿ ਮਨੁੱਖ ਦੇ ਰਹਿਣ ਦੀ ਸੰਭਾਵਨਾ ਬਣ ਗਈ ਹੈ। ਅਮਰੀਕੀ ਜਰਨਲ ਸਾਇੰਸ ਵਿਚ ਪ੍ਰਕਾਸ਼ਿਤ ਅਧਿਐਨ ਮੁਤਾਬਕ ਖੋਜ ਵਿਚ ਪਤਾ ਲੱਗਾ ਹੈ ਕਿ ਮਾਰਸਿਅਨ ਹਿਮਖੰਡ ਦੇ ਥੱਲੇ ਸਥਿਤ ਝੀਲ 20 ਕਿਲੋਮੀਟਰ ਚੌੜੀ ਹੈ। ਇਹ ਮੰਗਲ ਗ੍ਰਹਿ ਉਤੇ ਪਾਇਆ ਗਿਆ ਹੁਣ ਤੱਕ ਦਾ ਸਭ ਤੋਂ ਵੱਡਾ ਜਲ ਸਰੋਤ ਹੈ।
ਆਸਟ੍ਰੇਲੀਆ ਦੀ ਯੂਨੀਵਰਸਿਟੀ ਵਿਚ ਸਹਾਇਕ ਪ੍ਰੋਫੈਸਰ ਐਲਨ ਡਫੀ ਨੇ ਇਸ ਨੂੰ ਸ਼ਾਨਦਾਰ ਉਪਲਬਧੀ ਕਰਾਰ ਦਿੰਦੇ ਹੋਏ ਆਖਿਆ ਹੈ ਕਿ ਇਸ ਤੋਂ ਜੀਵਨ ਦੇ ਅਨੁਕੂਲ ਪ੍ਰਸਥਿਤੀਆਂ ਦੀ ਸੰਭਾਵਨਾ ਖੁੱਲ ਜਾਂਦੀਆਂ ਹਨ। ਇਸ ਝੀਲ ਦੇ ਮਿਲਣ ਪਿੱਛੋਂ ਇਹ ਤੈਅ ਹੋ ਗਿਆ ਹੈ ਕਿ ਕਦੇ ਮੰਗਲ ਗ੍ਰਹਿ ਉਤੇ ਜਲ ਦੇ ਸਰੋਤ ਸਥਾਈ ਰੂਪ ਵਿਚ ਸਨ। ਇਸ ਸਮੇਂ ਮੰਗਲ ਭਾਵੇਂ ਵਿਰਾਨ ਹੈ। ਪਰ ਤਕਰੀਬਨ ਸਾਢੇ ਤਿੰਨ ਅਰਬ ਸਾਲ ਪਹਿਲਾਂ ਪਾਣੀ ਮੌਜੂਦ ਸੀ। ਹੁਣ ਵਿਗਿਆਨੀ ਇਸ ਗੱਲ ਦਾ ਪਤਾ ਲਾਉਣ ਵਿਚ ਜੁਟੇ ਹੋਏ ਹਨ ਕਿ ਕਦੇ ਇਥੇ ਜੀਵਨ ਸੀ ਜਾਂ ਅੱਜ ਦੇ ਸਮੇਂ ਇਥੇ ਜੀਵਨ ਦੀਆਂ ਸੰਭਾਵਨਾਵਾਂ ਹਨ।ਪਾਣੀ ਬਾਰੇ ਸਬੂਤ ਮਿਲਣ ਤੋਂ ਇਸ ਗੱਲ ਦੀਆਂ ਸੰਭਾਵਨਾਵਾਂ ਵਧਦੀਆਂ ਗਈਆਂ ਹਨ ਕਿ ਨੇੜ ਭਵਿੱਖ ਵਿਚ ਮਨੁੱਖ ਇਥੇ ਆ ਕੇ ਵੱਸ ਸਕਦਾ ਹੈ। ਹਾਲਾਂਕਿ ਝੀਲ ਦੇ ਜੋ ਪ੍ਰਮਾਣ ਮਿਲੇ ਹਨ, ਉਸ ਦਾ ਪਾਣੀ ਪੀਣ ਯੋਗ ਨਹੀਂ ਤੇ ਇਹ ਜ਼ਮੀਨ ਦੇ ਤਕਰੀਬਨ ਡੇਢ ਕਿਲੋਮੀਟਰ ਥੱਲੇ ਮਿਲੀ ਹੈ। ਕਿਉਂਕਿ ਇਸ ਝੀਲ ਵਿਚ ਨਮਕ ਤੇ ਖਣਿਜਾਂ ਦੀ ਕਾਫੀ ਮਾਤਰਾ ਹੈ, ਇਸ ਲਈ ਵਿਗਿਆਨੀਆਂ ਨੂੰ ਇਥੇ ਜੀਵਨ ਦੀਆਂ ਸੰਭਾਵਨਾਵਾਂ ਹੋਣ ਉਤੇ ਥੋੜ੍ਹਾ ਸ਼ੱਕ ਹੈ। ਇਸ ਦਾ ਤਾਪਮਾਨ ਫਰਿੱਜਿੰਗ ਪੁਆਇੰਟ ਤੋਂ ਵੀ ਥੱਲੇ ਹੈ।

Admin Punjab Guardian · Surrey
ਸੰਬੰਧਿਤ ਖ਼ਬਰਾਂ Related ਅਮਰੀਕਾ USA →
Share on WhatsApp