ਮੌਜੂਦਾ ਸਾਲ ਵਿਚ ਭਾਰਤੀ ਅਰਥਚਾਰੇ ‘ਚ 9 ਫ਼ੀ ਸਦੀ ਗਿਰਾਵਟ ਦਾ ਅੰਦਾਜ਼ਾ

ਨਵੀਂ ਦਿੱਲੀ, 14 ਸਤੰਬਰ : ਐਸਐਂਡਪੀ ਗਲੋਬਲ ਰੇਟਿੰਗਜ਼ ਨੇ ਮੌਜੂਦਾ ਵਿੱਤੀ ਸਾਲ ਵਿਚ ਭਾਰਤੀ ਅਰਥਚਾਰੇ ਵਿਚ 9 ਫ਼ੀ ਸਦੀ ਦੀ ਗਿਰਾਵਟ ਦਾ ਅੰਦਾਜ਼ਾ ਲਗਾਇਆ ਹੈ। ਐਸਐਂਡਪੀ ਨੇ ਸੋਮਵਾਰ ਨੂੰ 2020-21 ਲਈ ਭਾਰਤ ਦੀ ਵਾਧਾ ਦਰ ਦਾ ਅੰਦਾਜ਼ਾ ਘਟਾ ਕੇ ਨਕਾਰਾਤਮਕ 9 ਫ਼ੀ ਸਦੀ ਕਰ ਦਿਤਾ। ਪਹਿਲਾਂ ਉਸ ਨੇ ਭਾਰਤੀ ਅਰਥਚਾਰੇ ਵਿਚ 5 ਫ਼ੀ ਸਦੀ ਦੀ ਗਿਰਾਵਟ ਦਾ ਅੰਦਾਜ਼ਾ ਲਗਾਇਆ ਸੀ। ਐਸਐਂਡਪੀ ਗਲੋਬਲ ਰੇਟਿੰਗ ਏਸ਼ੀਆ ਪ੍ਰਸ਼ਾਂਤ ਦੇ ਅਰਥਸ਼ਾਸਤਰੀ ਵਿਸ਼ਰਤ ਰਾਣਾ ਨੇ ਕਿਹਾ,”ਕੋਵਿਡ-19 ਦੇ ਮਾਮਲੇ ਲਗਾਤਾਰ ਵਧਣ ਕਾਰਨ ਨਿਜੀ ਆਰਥਕ ਗਤੀਵਿਧੀਆਂ ਰੁਕੀਆਂ ਹੋਈਆਂ ਹਨ।” ਅਮਰੀਕੀ ਰੇਟਿੰਗ ਏਜੰਸੀ ਨੇ ਕਿਹਾ,”ਕੋਵਿਡ-19 ਦੇ ਵੱਧ ਰਹੇ ਮਾਮਲਿਆਂ ਕਾਰਨ ਭਾਰਤ ਵਿਚ ਨਿਜੀ ਖ਼ਰਚ ਅਤੇ ਨਿਵੇਸ਼ ਲੰਬੇ ਸਮੇਂ ਤਕ ਹੇਠਲੇ ਪੱਧਰ ‘ਤੇ ਰਹੇਗਾ।