ਮੁੰਬਈ— ਮਹਾਰਾਸ਼ਟਰ ‘ਚ ਕਰਜ਼ ਮੁਆਫੀ ਦੀ ਸ਼ੁਰੂਆਤ ਹੋ ਚੁੱਕੀ ਹੈ। ਮੁੱਖ ਮੰਤਰੀ ਨੇ ਖੁਦ ਕਰੀਬ 30 ਕਿਸਾਨਾਂ ਨੂੰ ਕਰਜ਼ ਮੁਆਫੀ ਦਾ ਸਰਟੀਫਿਕੇਟ ਵੰਡ ਕੇ ਇਸ ਯੋਜਨਾ ਦੀ ਸ਼ੁਰੂਆਤ ਕੀਤੀ ਹੈ। ਸਰਕਾਰ ਨੂੰ ਉਮੀਦ ਹੈ ਕਿ ਸਹੀ ਲੋਕਾਂ ਨੂੰ ਕਰਜ਼ ਮੁਆਫੀ ਦਾ ਲਾਭ ਮਿਲੇਗਾ ਜਦਕਿ ਸ਼ਿਵਸੇਨਾ ਇਸ ਕਰਜ਼ ਮੁਆਫੀ ਤੋਂ ਖੁਸ਼ ਨਹੀਂ ਹੈ। ਗਜਾਨਨ ਦੇ ਪਰਿਵਾਰ ਦੀ ਖੁਸ਼ੀ ਤੋਂ ਸਾਫ ਪਤਾ ਲੱਗਦਾ ਹੈ ਕਿ ਕਰਜ਼ ਮੁਆਫੀ ਤੋਂ ਉਨ੍ਹਾਂ ਦੇ ਸਿਰ ਦਾ ਬੋਝ ਹਲਕਾ ਹੋ ਗਿਆ ਹੈ। ਖੁਦ ਗਜਨਾਨ ਮੰਨਦੇ ਹਨ ਕਿ ਉਨ੍ਹਾਂ ਨੂੰ ਕਰਜ਼ ਕਾਰਨ ਕਾਫੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪੈਂਦਾ ਪਰ ਹੁਣ ਇਹ ਖਤਮ ਹੋ ਗਈ ਹੈ।
ਕਰੀਬ 77 ਲੱਖ ਕਿਸਾਨਾਂ ਨੇ ਕਰਜ਼ ਮੁਆਫੀ ਲਈ ਅਰਜ਼ੀ ਦੇ ਦਿੱਤੀ ਹੈ। ਮੰਗਲਵਾਰ ਨੂੰ ਕਰੀਬ 8 ਲੱਖ 40 ਹਜ਼ਾਰ ਕਿਸਾਨਾਂ ਨੂੰ ਕਰਜ਼ ਮੁਆਫੀ ਮਿਲੀ ਹੈ, ਜਿਸ ‘ਚ ਕਰੀਬ 4000 ਕਰੋੜ ਰੁਪਏ ਖਰਚ ਹੋਏ ਹਨ। ਮੁੱਖ ਮੰਤਰੀ ਨੇ ਸਾਫ ਕਰ ਦਿੱਤਾ ਹੈ ਕਿ ਜਦ ਤਕ ਆਖਿਰੀ ਕਿਸਾਨ ਦਾ ਕਰਜ਼ ਮੁਆਫ ਨਹੀਂ ਹੋ ਜਾਂਦਾ ਉਤੋਂ ਤਕ ਸਰਕਾਰ ਚੁੱਪ ਨਹੀਂ ਬੈਠੇਗੀ। ਉਥੇ ਹੀ ਦੂਜੇ ਪਾਸੇ ਸ਼ਿਵ ਸੇਨਾ ਨੇ ਸਰਕਾਰ ਨੂੰ ਧਨਵਾਦ ਤਾਂ ਕਿਤਾ ਸੀ ਪਰ ਨਾਲ ਹੀ ਉਹ ਕਰਜ਼ ਮੁਆਫੀ ਨੂੰ ਲੈ ਕੇ ਸੰਤੁਸ਼ਟ ਨਹੀਂ ਹੋਏ। ਉਨ੍ਹਾਂ ਦੀ ਮੰਗ ਹੈ ਕਿ ਪੂਰੀ ਤਰ੍ਹਾਂ ਕਰਜ਼ ਮੁਆਫੀ ਹੋਈ ਚਾਹੀਦੀ ਹੈ।
