ਭਾਰਤ ‘ਚ 2020 ਤੱਕ ਦਿਲ ਦੇ ਮਰੀਜ਼ ਹੋਣਗੇ ਸਭ ਤੋਂ ਵੱਧ

ਨਵੀਂ ਦਿੱਲੀ— ਦੇਸ਼ ‘ਚ 2020 ਤੱਕ ਦਿਲ ਦੀ ਬੀਮਾਰੀ ਨਾਲ ਪੀੜਤ ਲੋਕਾਂ ਦੀ ਗਿਣਤੀ ਦੁਨੀਆ ‘ਚ ਸਭ ਤੋਂ ਵਧ ਹੋਵੇਗੀ। ਇਹ ਦਾਅਵਾ ਕਾਰਡੀਓਲਾਜਿਕਲ ਸੋਸਾਇਟੀ ਆਫ ਇੰਡੀਆ ਵੱਲੋਂ ਕਰਵਾਏ ਗਏ ਤਾਜ਼ਾ ਸਰਵੇਖਣ ‘ਚ ਕੀਤਾ ਗਿਆ ਹੈ। ਸਰਵੇਖਣ ਅਨੁਸਾਰ ਦੇਸ਼ ‘ਚ ਦਿਲ ਦੇ ਮਰੀਜ਼ਾਂ ‘ਚ ਇਸ ਸਮੇਂ 54 ਲੱਖ ਲੋਕ ਹਾਰਟ ਫੇਲਓਰ ਨਾਲ ਪੀੜਤ ਹਨ। ਸੋਸਾਇਟੀ ਦੇ ਡਾਕਟਰ ਸ਼ਿਰੀਸ਼ ਹਿਰੇਮਥ ਦਾ ਕਹਿਣਾ ਹੈ ਕਿ ਇਸ ਸਥਿਤੀ ਨੂੰ ਦੇਖਦੇ ਹੋਏ ਹੀ 29 ਸਤੰਬਰ ਨੂੰ ਵਰਲਡ ਹਾਰਟ ਡੇਅ ਮੌਕੇ ਮਾਹਰਾਂ ਨੇ ਇਸ ਬੀਮਾਰੀ ਦੇ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਬਣਾਉਣ ਲਈ ਇਸ ਨਾਲ ਜੁੜੇ ਲੱਛਣਾਂ ਦੇ ਪ੍ਰਤੀ ਉਨ੍ਹਾਂ ਨੂੰ ਸਾਵਧਾਨ ਕਰਦੇ ਹੋਏ ਇਨ੍ਹਾਂ ਨੂੰ ਤੁਰੰਤ ਪਛਾਣ ਕਰ ਕੇ ਜ਼ਰੂਰੀ ਇਲਾਜ ਕਰਨ ਦੀ ਸਲਾਹ ਦਿੱਤੀ ਹੈ। ਸ਼੍ਰੀ ਹਿਰਮੇਥ ਅਨੁਸਾਰ ਭਾਰਤ ‘ਚ ਜਿੰਨੀ ਤੇਜ਼ੀ ਨਾਲ ਦਿਲ ਦਾ ਦੌਰਾ ਅਤੇ ਉਸ ਨਾਲ ਹੋਣ ਵਾਲੀਆਂ ਮੌਤਾਂ ‘ਚ ਵਾਧਾ ਹੋ ਰਿਹਾ ਹੈ, ਉਸ ਨੂੰ ਦੇਖਦੇ ਹੋਏ ਇਸ ਨੂੰ ਪਹਿਲ ਦੇਣ ਦੀ ਲੋੜ ਹੈ।