ਨਿਊਵੈਸਟ:- ਇਸ ਮਹੀਨੇ ਬ੍ਰਿਟਿਸ਼ ਕੋਲੰਬੀਆ ‘ਚ ਸਿੱਖਾਂ ਨੂੰ ਵੋਟ ਦਾ ਅਧਿਕਾਰ ਮਿਲੇ ਨੂੰ 70 ਸਾਲ ਹੋ ਜਾਣਗੇ ਤੇ ਇਸ ਮੌਕੇ ‘ਤੇ ਸਿੱਖ ਭਾਈਚਾਰੇ ਦੇ ਦੋ ਉਮੀਦਵਾਰ ਬ੍ਰਿਟਿਸ਼ ਕੋਲੰਬੀਆ ‘ਚ 9 ਮਈ ਨੂੰ ਹੋਣ ਜਾ ਰਹੀਆਂ ਵਿਧਾਨ ਸਭਾ ਚੋਣਾਂ ‘ਚ ਜਿੱਤ ਦਰਜ ਕਰਵਾ ਕੇ ਇਤਿਹਾਸ ਸਿਰਜਣਾਂ ਚਾਹੁੰਦੇ ਹਨ।ਐਨ.ਡੀ.ਪੀ. ਉਮੀਦਵਾਰ ਅਮਨ ਸਿੰਘ ਬੀ.ਸੀ. ਵਿਧਾਨ ਸਭਾ ਚੋਣਾਂ ‘ਚ ਆਪਣੀ ਸੀਟ ਜਿੱਤ ਕੇ ਪਹਿਲੇ ਦਸਤਾਰਧਾਰੀ ਸਿੱਖ ਹੋਣ ਦਾ ਖ਼ਿਤਾਬ ਹਾਸਲ ਕਰਨ ਦੀਆਂ ਕੋਸ਼ਿਸ਼ ‘ਚ ਹਨ।ਅਮਨਪ੍ਰੀਤ ਸਿੰਘ ਨੇ ਸ਼ਨਿੱਚਰਵਾਰ ਨੂੰ ਵਿਸਾਖੀ ਸਮਾਗਮ ਦੌਰਾਨ ਲੋਕਾਂ ‘ਚ ਚੋਣ ਪ੍ਰਚਾਰ ਕੀਤਾ।
ਰਿਚਮੰਡ ਕੁਈਨਜ਼ਬੋਰੋ ਸੀਟ ਤੋਂ ਚੋਣ ਮੈਦਾਨ ‘ਚ ਐਨ.ਡੀ.ਪੀ. ਉਮੀਦਵਾਰ ਅਮਨ ਸਿੰਘ ਨੇ ਚੋਣ ਪ੍ਰਚਾਰ ਦੌਰਾਨ ਕਿਹਾ ਕਿ ਇਸ ਖੇਤਰ ਤੋਂ ਇਸ ਤੋਂ ਪਹਿਲਾਂ ਕੋਈ ਸਿੱਖ ਚੋਣਾਂ ਕਿਉਂ ਨਹੀਂ ਜਿੱਤ ਸਕਿਆ, ਇਸ ਬਾਰੇ ਉਹ ਕੁਝ ਵੀ ਨਹੀਂ ਕਹਿ ਸਕਦੇ ਪਰ ਉਹ ਪਹਿਲੇ ਸਿੱਖ ਵਿਧਾਇਕ ਬਣਨਾ ਪਸੰਦ ਕਰਨਗੇ। ਉਨਾਂ ਹੱਥ ਹਿਲਾ ਕੇ ਸਾਰੇ ਸਮਰਥਕਾਂ ਅਤੇ ਪਾਰਟੀ ਵਰਕਰਾਂ ਦਾ ਧੰਨਵਾਦ ਕਰਦਿਆਂ ਸਹਿਯੋਗ ਮੰਗਿਆ। ਉਨਾਂ ਕਿਹਾ, ” ਮੈਨੂੰ ਬਹੁਤ ਖ਼ੁਸ਼ੀ ਹੈ ਕਿ ਮੇਰੀ ਪਾਰਟੀ ਨੇ ਮੇਰੇ ‘ਤੇ ਭਰੋਸਾ ਕਰ ਕੇ ਮੈਨੂੰ ਇਤਿਹਾਸ ਸਿਰਜਨ ਦਾ ਮੌਕਾ ਦਿੱਤਾ ਹੈ। ਜੇ ਮੈਂ ਜਿੱਤ ਕੇ ਬ੍ਰਿਟਿਸ਼ ਕਲੰਬੀਆ ਦੀ ਵਿਧਾਨ ਸਭਾ ‘ਚ ਜਾਂਦਾ ਹਾਂ ਤਾਂ ਇਹ ਸਾਡੇ ਭਾਈਚਾਰੇ ਦੀ ਵੱਡੀ ਜਿੱਤ ਹੋਵੇਗੀ।” ਰਿਚਮੰਡ ਕੁਈਨਜ਼ਬੋਰੋ ਸੀਟ ਤੋਂ ਚੋਣ ਮੈਦਾਨ ‘ਚ ਐਨ.ਡੀ.ਪੀ. ਉਮੀਦਵਾਰ ਅਮਨਪ੍ਰੀਥ ਸਿੰਘ ਨੂੰ ਵੀ ਲਿਬਰਲ ਉਮੀਦਵਾਰ ਜੱਸ ਜੌਹਲ ਦੀ ਸਖ਼ਤ ਚੁਣੌਤੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਥੋਂ ਗਰੀਨ ਪਾਰਟੀ ਦੇ ਮਾਈਕਲ ਵੁਲਫੇ ਚੋਣ ਮੈਦਾਨ ‘ਚ ਹਨ ਜੋ ਅਧਿਆਪਕ ਅਤੇ ਵਾਤਾਵਰਣ ਪ੍ਰੇਮੀ ਹਨ।
