ਪਹਿਲੀ ਵਾਰ ਕੀਤਾ ਗਿਆ ਮਹਿਲਾ ਬਾਡੀਬਿਲਡਿੰਗ ਦਾ ਆਯੋਜਨ

ਇੰਦੌਰ— ਮੱਧ ਪ੍ਰਦੇਸ਼ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਮਹਿਲਾ ਬਾਡੀਬਿਲਡਿੰਗ ਦਾ ਆਯੋਜਨ ਕੀਤਾ ਗਿਆ ਹੈ। ਮਿੰਨੀ ਮੁੰਬਈ ਕਹੇ ਜਾਣ ਵਾਲੇ ਇੰਦੌਰ ਦੇ ਬਾਸਕੇਟਬਾਲ ਸਟੇਡੀਅਮ ‘ਚ 2 ਦਿਨਾਂ ਆਯੋਜਨ ਕੀਤਾ ਗਿਆ ਹੈ। ਇਸ ਕੌਮੀ ਮੁਕਾਬਲੇ ‘ਚ 500 ਖਿਡਾਰੀ ਭਾਗ ਲੈ ਰਹੇ ਹਨ। ਰੌਸ਼ਨੀ ਨਾਲ ਭਰੇ ਮੰਚ ‘ਤੇ ਵਾਰੀ-ਵਾਰੀ ਭਾਗੀਦਾਰ ਆਪਣਾ ਜੌਹਰ ਦਿਖਾ ਰਹੇ ਹਨ। ਖਾਸ ਤੌਰ ‘ਤੇ ਮਹਿਲਾ ਬਾਡੀਬਿਲਡਰ ਇਸ ਆਯੋਜਨ ਦੇ ਆਕਰਸ਼ਣ ਦਾ ਕੇਂਦਰ ਬਿੰਦੂ ਬਣੀਆਂ ਹੋਈਆਂ ਹਨ। ਇਨ੍ਹਾਂ ਮਹਿਲਾ ਬਾਡੀਬਿਲਡਰਾਂ ਨੂੰ ਦੇਖਣ ਲਈ ਖੇਡ ਪ੍ਰੇਮੀਆਂ ‘ਚ ਖਾਸ ਤਰ੍ਹਾਂ ਦਾ ਉਤਸ਼ਾਹ ਦੇਖਣ ਨੂੰ ਮਿਲ ਰਿਹਾ ਹੈ।