ਅਲੀ ਆਪਣੇ ਖੇਡ ਦੇ ਸਦਕਾ ਤਿੰਨ ਵਾਰ ਹੈਵੀ ਵੇਟ ਚੈਂਪੀਅਨ ਰਿਹਾ ਹੈ।
ਨਿਊਯਾਰਕ: ਦੁਨੀਆ ਦੇ ਨਾਮੀ ਮੁੱਕੇਬਾਜ਼ ਮੁਹੰਮਦ ਅਲੀ ਦਾ ਦੇਹਾਂਤ ਹੋ ਗਿਆ ਹੈ। ਅਲੀ ਕਾਫ਼ੀ ਸਮੇਂ ਤੋਂ ਸਾਹ ਦੀ ਬਿਮਾਰੀ ਨਾਲ ਜੂਝ ਰਿਹਾ ਸੀ। 74 ਸਾਲ ਦੇ ਅਲੀ ਦਾ ਜਨਮ 17 ਜਨਵਰੀ, 1942 ਨੂੰ ਅਮਰੀਕਾ ਦੇ ਲੂਈਸਵਿਲਾ ਵਿੱਚ ਹੋਇਆ ਸੀ। ਪਰਿਵਾਰਕ ਮੈਂਬਰਾਂ ਨੇ ਇੱਥੇ ਹੀ ਉਸ ਦਾ ਸਸਕਾਰ ਕਰਨ ਦਾ ਐਲਾਨ ਕੀਤਾ ਹੈ।
ਅਲੀ ਆਪਣੇ ਖੇਡ ਦੇ ਸਦਕਾ ਤਿੰਨ ਵਾਰ ਹੈਵੀ ਵੇਟ ਚੈਂਪੀਅਨ ਰਿਹਾ ਹੈ। 1964 ਵਿੱਚ ਉਸ ਨੇ ਇਸਲਾਮ ਧਰਮ ਅਪਣਾ ਕੇ ਆਪਣਾ ਨਾਮ ਮੁਹੰਮਦ ਅਲੀ ਰੱਖ ਲਿਆ ਸੀ। ਰਿੰਗ ਵਿੱਚ ਅਲੀ ਨੂੰ ਆਪਣੇ ਫੁੱਟ ਵਰਕ ਤੇ ਪੰਚ ਲਈ ਜਾਣਿਆ ਜਾਂਦਾ ਸੀ। 1981 ਵਿੱਚ ਅਲੀ ਨੇ ਮੁੱਕੇਬਾਜ਼ੀ ਛੱਡ ਦਿੱਤੀ ਸੀ। 1960 ਦੇ ਰੋਮ ਓਲਪਿੰਕ ਵਿੱਚ ਅਲੀ ਨੇ ਗੋਲਡ ਮੈਡਲ ਜਿੱਤਿਆ ਸੀ।