ਜਾਗਰਣ ਸੰਵਾਦਦਾਤਾ, ਜੰਮੂ : Delhi to Katra Vande Bharat Train: ਮਾਂ ਵੈਸ਼ਨੋ ਦੇਵੀ ਦੀ ਯਾਤਰਾ ਵਧੇਰੇ ਸੁਵਿਧਾਜਨਕ ਹੋਣ ਵਾਲੀ ਹੈ ਕਿਉਂਕਿ ਇਕ ਹੋਰ ਵੰਦੇ ਭਾਰਤ ਟਰੇਨ ਦਿੱਲੀ ਤੋਂ ਕਟੜਾ ਤੱਕ ਚੱਲੇਗੀ।
ਵੰਦੇ ਭਾਰਤ ਟਰੇਨ ਕਟੜਾ ਤੋਂ ਦਿੱਲੀ ਲਈ ਰਵਾਨਾ ਹੋ ਚੁੱਕੀ ਹੈ। ਊਧਮਪੁਰ ਰੇਲਵੇ ਸਟੇਸ਼ਨ ‘ਤੇ 1 ਮਿੰਟ ਲਈ ਰੁਕੇਗੀ। ਇਸ ਦੌਰਾਨ ਟਰੇਨ ‘ਚ ਸਫਰ ਕਰ ਰਹੇ ਵਿਦਿਆਰਥੀ ਊਧਮਪੁਰ ‘ਚ ਉਤਰਨਗੇ। ਇਸ ਤੋਂ ਬਾਅਦ ਟਰੇਨ ਜੰਮੂ ਲਈ ਰਵਾਨਾ ਹੋਵੇਗੀ।
ਦੂਜੀ ਵੰਦੇ ਭਾਰਤ ਟਰੇਨ ਸ਼ਨਿਚਰਵਾਰ 30 ਦਸੰਬਰ ਤੋਂ ਦਿੱਲੀ-ਕਟੜਾ ਵਿਚਕਾਰ ਸ਼ੁਰੂ ਕੀਤੀ ਗਈ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਰੇਲਗੱਡੀ ਨੂੰ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ।
ਕਟੜਾ ਰੇਲਵੇ ਸਟੇਸ਼ਨ ‘ਤੇ ਹੋਇਆ ਵੰਦੇ ਭਾਰਤ ਦਾ ਉਦਘਾਟਨ
ਕਟੜਾ ਰੇਲਵੇ ਸਟੇਸ਼ਨ ‘ਤੇ ਵੰਦੇ ਭਾਰਤ ਟਰੇਨ ਦੇ ਉਦਘਾਟਨ ਮੌਕੇ ਇਕ ਪ੍ਰੋਗਰਾਮ ਕਰਵਾਇਆ ਗਿਆ, ਜਿਸ ‘ਚ ਉਪ ਰਾਜਪਾਲ ਮਨੋਜ ਸਿਨਹਾ ਤੇ ਕੇਂਦਰੀ ਰਾਜ ਮੰਤਰੀ ਤੇ ਊਧਮਪੁਰ-ਡੋਡਾ-ਕਠੂਆ ਤੋਂ ਸੰਸਦ ਮੈਂਬਰ ਡਾ. ਜਤਿੰਦਰ ਸਿੰਘ ਮੁੱਖ ਤੌਰ ‘ਤੇ ਮੌਜੂਦ ਸਨ। ਦੂਜੀ ਵੰਦੇ ਭਾਰਤ ਟਰੇਨ ਸ਼ੁਰੂ ਹੋਣ ਨਾਲ ਹਜ਼ਾਰਾਂ ਲੋਕਾਂ ਨੂੰ ਫਾਇਦਾ ਹੋਵੇਗਾ।
2019 ‘ਚ ਦਿੱਲੀ-ਕਟੜਾ ਵਿਚਕਾਰ ਸ਼ੁਰੂ ਹੋਈ ਸੀ ਪਹਿਲੀ ਵੰਦੇ ਭਾਰਤ ਟ੍ਰੇਨ
ਊਧਮਪੁਰ ਤੇ ਕਠੂਆ ਦੇ ਲੋਕਾਂ ਦੀ ਲੰਬੇ ਸਮੇਂ ਤੋਂ ਮੰਗ ਸੀ ਕਿ ਉਨ੍ਹਾਂ ਲਈ ਵੀ ਵੰਦੇ ਭਾਰਤ ਸਟੇਸ਼ਨ ਹੋਵੇ। ਇਸ ਨਾਲ ਇਨ੍ਹਾਂ ਦੋਵਾਂ ਜ਼ਿਲ੍ਹਿਆਂ ਦੇ ਲੋਕਾਂ ਨੂੰ ਕਾਫੀ ਰਾਹਤ ਮਿਲੇਗੀ ਤੇ ਉਹ ਵੰਦੇ ਭਾਰਤ ਰਾਹੀਂ ਦਿੱਲੀ ਤੇ ਕਟੜਾ ਦੀ ਯਾਤਰਾ ਵੀ ਕਰ ਸਕਣਗੇ। ਦਿੱਲੀ-ਕਟੜਾ ਵਿਚਕਾਰ ਪਹਿਲੀ ਵੰਦੇ ਭਾਰਤ ਸਾਲ 2019 ‘ਚ ਸ਼ੁਰੂ ਹੋਈ ਸੀ।
ਕਟੜਾ ਤੋਂ ਰਵਾਨਾ ਹੋਵੇਗੀ ਵੰਦੇ ਭਾਰਤ ਟਰੇਨ
ਪਹਿਲਾ ਵੰਦੇ ਭਾਰਤ ਸਵੇਰੇ ਦਿੱਲੀ ਤੋਂ ਚੱਲਦੀ ਸੀ ਤੇ ਦੁਪਹਿਰ ਬਾਅਦ ਕਟੜਾ ਤੋਂ ਰਵਾਨਾ ਹੁੰਦੀ ਸੀ। ਹੁਣ ਦੂਜੀ ਵੰਦੇ ਭਾਰਤ ਸਵੇਰੇ ਕਟੜਾ ਤੋਂ ਅਤੇ ਸ਼ਾਮ ਨੂੰ ਦਿੱਲੀ ਤੋਂ ਰਵਾਨਾ ਹੋਵੇਗੀ। ਇਸ ਨਾਲ ਵੰਦੇ ਭਾਰਤ ਟ੍ਰੇਨ ਸਵੇਰੇ ਤੇ ਸ਼ਾਮ ਦੋਵਾਂ ਸਟੇਸ਼ਨਾਂ ‘ਤੇ ਉਪਲਬਧ ਹੋ ਸਕੇਗੀ।
ਵੰਦੇ ਭਾਰਤ ਟਰੇਨ ਕਟੜਾ ਤੋਂ ਦੁਪਹਿਰ ਬਾਅਦ ਰਵਾਨਾ ਹੋਵੇਗੀ
ਟਰੇਨ ਕਟੜਾ ਤੋਂ 12:30 ਵਜੇ ਰਵਾਨਾ ਹੋਵੇਗੀ ਤੇ ਊਧਮਪੁਰ ਰੇਲਵੇ ਸਟੇਸ਼ਨ ‘ਤੇ ਵੀ ਦੋ ਮਿੰਟ ਰੁਕੇਗੀ। ਵੰਦੇ ਭਾਰਤ ਦੁਪਹਿਰ 2 ਵਜੇ ਕਠੂਆ ਰੇਲਵੇ ਸਟੇਸ਼ਨ ਪਹੁੰਚੇਗੀ, ਜਿੱਥੇ ਇਸ ਦੇ ਸਵਾਗਤ ਲਈ ਪ੍ਰੋਗਰਾਮ ਹੋਵੇਗਾ। ਸ਼ਨੀਵਾਰ ਨੂੰ ਪਹਿਲੇ ਦਿਨ ਵੰਦੇ ਭਾਰਤ ‘ਚ ਕਟੜਾ-ਦਿੱਲੀ ਦੀ ਯਾਤਰਾ ਸਾਰੇ ਯਾਤਰੀਆਂ ਲਈ ਮੁਫਤ ਰੱਖੀ ਗਈ ਹੈ।
