ਕਸ਼ਮੀਰ ਬਾਰੇ ਰਿਪੋਰਟ ਹਾਊਸ ਆਫ ਲਾਰਡਜ਼ ਵਿੱਚ ਪੇਸ਼

ਲੰਡਨ:-ਪਿਛਲੇ ਮਹੀਨੇ ਕਸ਼ਮੀਰ ਵਿੱਚ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਸਬੰਧੀ ਜਾਰੀ ਵਿਵਾਦਗ੍ਰਸਤ ਰਿਪੋਰਟ ਬਰਤਾਨੀਆ ਦੇ ਉਪਰਲੇ ਸਦਨ ਹਾਊਸ ਆਫ ਲਾਰਡਜ਼ ਵਿੱਚ ਪੇਸ਼ ਕੀਤੀ ਗਈ। ਸੰਸਦ ਮੈਂਬਰਾਂ ਨੇ ਇਸ ਰਿਪੋਰਟ ਨੂੰ ਲਾਗੂ ਕਰਨ ਵਿੱਚ ਸਰਕਾਰ ਤੋਂ ਸਹਾਇਤਾ ਦੀ ਮੰਗ ਕੀਤੀ ਹੈ।ਚੇਤੇ ਰਹੇ ਕਸ਼ਮੀਰੀ ਆਗੂਆ ਦਾ ਦੋਸ਼ ਹੈ ਕਿ ਭਾਰਤੀ ਫੌਜ ਵੱਲੋਂ ਕਸਮੀਰ ਵਿੱਚ ਲੋਕਾਂ ਤੇ ਬੇ ਅੰਤਾਹ ਤਸ਼ੱਦਦ ਕੀਤਾ ਜਾ ਰਿਹਾ ਹੈ।ਇਸ ਬਾਰੇ ਯੂਐਨ ਵਿੱਚ ਰੌਲਾਂ ਪੈ ਚੁੱਕਿਆ ਹੈ। ਜਦੋਂ ਵੀ ਸਰਕਾਰੀ ਫੋਰਸਾਂ ਵੱਲੋਂ ਕਿਸੇ ਨੌਜਵਾਨ ਨੂੰ ਅਤਿਵਾਦੀ ਕਹਿ ਕੇ ਮਾਰਿਆ ਜਾਂਦਾ ਹੈ ਤਾਂ ਉਸਦੇ ਜਨਾਜ਼ੇ ਵਿੱਚ ਹਜਾਰਾ ਲੋਕ ਸ਼ਾਮਲ ਹੁੰਦੇ ਹਨ।ਜੋ ਸਰਕਾਰ ਲਈ ਅਤਿਵਾਦੀ ਹਨ ਪਰ ਕਸ਼ਮੀਰੀ ਲੋਕਾਂ ਦੇ ਹੀਰੋ ਹਨ।
ਲਾਰਡ ਕੁਬਰਨ ਹੁਸੈਨ, ਸੰਸਦ ਦੇ ਉ੍ਨਪਰੀ ਸਦਨ ਵਿੱਚ ਇਹ ਮੁੱਦਾ ਉਠਾਉਂਦਿਆਂ ਜੰਮੂ ਅਤੇ ਕਸ਼ਮੀਰ ਵਿੱਚ ਮਨੁੱਖੀ ਅਧਿਕਾਰਾਂ ਦੀ ਉਲੰਘਣਾ ਦੀ ਇੱਕ ਆਜ਼ਾਦ ਕੌਮਾਂਤਰੀ ਕਰਨ ਲਈ ਯੂਕੇ ਸਰਕਾਰ ਨੂੰ ਕਿਹਾ।ਲਾਰਡ ਨਜ਼ੀਰ ਅਹਿਮਦ ਨੇ ਕਿਹਾ ਕਿ ਸੰਯੁਕਤ ਰਾਸ਼ਟਰ ਦੀ ਸੁਰੱਖਿਆ ਕੌਂਸਲ ਦੇ ਸਥਾਈ ਮੈਂਬਰਾਂ ਵਜੋਂ ਸੰਸਾਰ ਭਰ ਵਿੱਚ ਮਨੁੱਖਾਂ ਦੇ ਹੱਕਾਂ ਦੀ ਰਾਖੀ ਅਤੇ ਬਚਾਓ ਕਰਨ ਲਈ ਯੂਕੇ ਦੀ ਇਹ ਜਿੰਮੇਵਾਰੀ ਹੈ।ਕਸ਼ਮੀਰ ਮੁੱਦਾ ਲੰਮੇ ਸਮੇਂ ਦਾ ਉਲਝਿਆ ਮੁੱਦਾ ਹੈ ਇਸਨੂੰ ਹੱਲ ਕਰਨ ਲਈ ਪਾਕਿਸਤਾਨ ,ਭਾਰਤ ਅਤੇ ਕਸ਼ਮੀਰੀ ਲੋਕਾਂ ਸ਼ਮੂਲੀਅਤ ਦੀ ਲੋੜ ਹੈ।