ਆਜਮਗੜ੍ਹ ‘ਚ ਫਿਰ ਤੋੜੀ ਗਈ ਅੰਬੇਡਕਰ ਦੀ ਮੂਰਤੀ, ਪਿੰਡ ਵਾਸੀਆਂ ‘ਚ ਗੁੱਸਾ
ਯੂ.ਪੀ— ਯੂ.ਪੀ ਦੇ ਆਜਮਗੜ੍ਹ ਜ਼ਿਲੇ ‘ਚ ਸੋਮਵਾਰ ਨੂੰ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਮੂਰਤੀ ਤੋੜਨ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਪੁਲਸ ਮੌਕੇ ‘ਤੇ ਪੁੱਜੀ। ਮੂਰਤੀ ਤੋੜਨ ਦੀ ਘਟਨਾ ਦੇ ਪਿੱਛੇ ਕਿਹੜੇ ਲੋਕਾਂ ਦਾ ਹੱਥ ਹੈ, ਹੁਣ ਤੱਕ ਇਹ ਸਾਹਮਣੇ ਨਹੀਂ ਆਇਆ ਹੈ।
ਰਿਪੋਰਟ ਮੁਤਾਬਕ ਪੁਲਸ ਨੇ ਅਣਪਛਾਤੇ ਲੋਕਾਂ ਖਿਲਾਫ ਕੇਸ ਦਰਜ ਕਰ ਲਿਆ ਹੈ ਅਤੇ ਪੁਲਸ ਘਟਨਾ ਦੀ ਜਾਂਚ ‘ਚ ਜੁੱਟੀ ਹੈ। ਮੂਰਤੀ ਤੋੜੇ ਜਾਣ ਨਾਲ ਪਿੰਡ ਵਾਸੀਆਂ ‘ਚ ਬਹੁਤ ਗੁੱਸਾ ਹੈ। ਮੌਕੇ ‘ਤੇ ਪੁੱਜੇ ਅਧਿਕਾਰੀਆਂ ਨੇ ਪਿੰਡ ‘ਚ ਭਾਰੀ ਸੰਖਿਆ ‘ਚ ਪੁਲਸ ਫੌਜ ਤਾਇਨਾਤ ਕਰ ਦਿੱਤੀ ਹੈ।
ਮਾਮਲਾ ਮੇਹਨਗਰ ਥਾਣਾ ਖੇਤਰ ਦੇ ਬਛਵਲ ਪਿੰਡ ਦਾ ਹੈ। ਸਥਾਨਕ ਲੋਕਾਂ ਨੇ ਪੁਲਸ ਨੂੰ ਪਿੰਡ ‘ਚ ਅੰਬੇਡਕਰ ਦੀ ਮੂਰਤੀ ਤੋੜੇ ਜਾਣ ਦੀ ਸੂਚਨਾ ਦਿੱਤੀ। ਮੌਕੇ ‘ਤੇ ਪੁੱਜੀ ਪੁਲਸ ਅਜੇ ਮਾਮਲੇ ਦੀ ਜਾਂਚ ਕਰ ਰਹੀ ਹੈ। ਪੁਲਸ ਨੇ ਮੂਰਤੀ ਤੋੜੇ ਜਾਣ ਦੇ ਬਾਅਦ ਹੰਗਾਮੇ ਨੂੰ ਸ਼ਾਂਤ ਕਰਵਾਇਆ। ਐਸ.ਡੀ.ਐਮ ਨੇ ਦੂਜੀ ਮੂਰਤੀ ਲਗਵਾਉਣ ਦਾ ਭਰੋਸਾ ਵੀ ਦਿੱਤਾ ਹੈ। ਤ੍ਰਿਪੁਰਾ, ਤਾਮਿਲਨਾਡੂ ਅਤੇ ਪੱਛਮੀ ਬੰਗਾਲ ‘ਚ ਲੇਨਿਨ, ਪੇਰੀਆਰ ਅਤੇ ਸ਼ਯਾਮਾਪ੍ਰਸਾਦ ਮੁੱਖਰਜੀ ਦੀਆਂ ਮੂਰਤੀਆਂ ਨੂੰ ਤੋੜਨ ਦੀ ਘਟਨਾ ਦੇ ਬਾਅਦ ਉਤਰ ਪ੍ਰਦੇਸ਼ ਦੇ ਮੇਰਠ ‘ਚ ਬਾਬਾ ਸਾਹਿਬ ਭੀਮ ਰਾਓ ਅੰਬੇਡਕਰ ਦੀ ਮੂਰਤੀ ਤੋੜਨ ਦੇ ਕਈ ਮਾਮਲੇ ਸਾਹਮਣੇ ਆ ਚੁੱਕੇ ਹਨ। ਮੇਰਠ ਦੇ ਮਵਾਨਾ ‘ਚ ਅੰਬੇਡਕਰ ਦੀ ਮੂਰਤੀ ਤੋੜੇ ਜਾਣ ‘ਤੇ ਨਾਰਾਜ਼ਗੀ ਜਤਾਈ ਹੈ।
