ਟੋਕਿਉ,: ਵਿਗਿਆਨਕਾਂ ਨੇ ਇਕ ਅਜਿਹੇ ਛੋਟੇ ਉਪ ਤਾਰਾਮੰਡਲ ਦੀ ਖੋਜ ਕੀਤੀ ਹੈ, ਜਿਸ ਨੂੰ ਆਕਾਸ਼ਗੰਗਾ ਦੇ ਪ੍ਰਭਾਮੰਡਲ ਵਿਚ ਲਭਿਆ ਗਿਆ ਹੈ। ਇਹ ਹੁਣ ਤਕ ਦਾ ਸੱਭ ਤੋਂ ਘੱਟ ਚਮਕ ਵਾਲਾ ਉਪ ਤਾਰਾਮੰਡਲ ਮੰਨਿਆ ਜਾ ਰਿਹਾ ਹੈ। ਇਹ ਖੋਜ ਤਾਰਾਮੰਡਲ ਦੇ ਨਿਰਮਾਣ ਨਾਲ ਜੁੜੀ ਅਹਿਮ ਜਾਣਕਾਰੀ ਉਪਲਬੱਧ ਕਰਵਾਉਂਦੀ ਹੈ।ਇਸ ਉਪ ਤਾਰਾਮੰਡਲ ਦਾ ਨਾਮ ਵਰਗੋ1 ਹੈ ਅਤੇ ਇਹ ਤਾਰਾਪੁੰਜ ਵਰਗੋ ਦੀ ਦਿਸ਼ਾ ਵਿਚ ਪੈਂਦਾ ਹੈ। ਜਾਪਾਨ ਦੀ ਤੋਹੋਕਿਊ ਯੂਨੀਵਰਸਟੀ ਦੇ ਖੋਜਕਰਤਾਵਾਂ ਨੇ ਇਸ ਦੀ ਖੋਜ ਕੀਤੀ ਹੈ। ਇਹ ਖੋਜ ਆਕਾਸ਼ਗੰਗਾ ਦੇ ਪ੍ਰਭਾਮੰਡਲ ਵਿਚ ਹੁਣ ਵੀ ਅਣਪਛਾਤੇ ਉਪ ਤਾਰਾਮੰਡਲਾਂ ਨੇ ਵੱਡੀ ਗਿਣਤੀ ਵਿਚ ਮੌਜੂਦ ਹੋਣ ਵਲ ਇਸ਼ਾਰਾ ਕਰਦੀ ਹੈ।
ਹੁਣ ਤਕ ਆਕਾਸ਼ਗੰਗਾ ਵਿਚ ਲਗਭਗ 50 ਉਪ ਤਾਰਾਮੰਡਲਾਂ ਦੀ ਪਛਾਣ ਕੀਤੀ ਗਈ ਹੈ। ਇਨ੍ਹਾਂ ਵਿਚ 40 ਘੱਟ ਚਮਕ ਵਾਲੇ ਹਨ।ਹਾਲ ਹੀ ਵਿਚ ਲੱਭੇ ਗਏ ਕਈ ਛੋਟੇ ਉਪਤਾਰਾਮੰਡਲ ਇਸ ਲਈ ਘੱਟ ਚਮਕ ਵਾਲੇ ਹਨ ਕਿਉਂਕਿ ਉਨ੍ਹਾਂ ਦੀ ਚਮਕ ਆਪਟੀਕਲ ਵੇਵਬੈਂਡ ‘ਤੇ (-8) ਤੋਂ ਵੀ ਘੱਟ ਹੈ।
