ਅਜਿਹਾ ਮੁਲਾਜ਼ਮ, ਜੋ ਪੰਜਾਬ ਪੁਲਸ ਪ੍ਰਤੀ ਬਦਲ ਦੇਵੇਗਾ ਤੁਹਾਡਾ ਨਜ਼ਰੀਆ 

ਕਪੂਰਥਲਾ — ਅੱਜ ਤੱਕ ਤੁਸੀਂ ਪੰਜਾਬ ਪੁਲਸ ਦੇ ਕਈ ਅਜਿਹੇ ਰੂਪ ਦੇਖੇ ਹੋਣਗੇ, ਜਿਹੜੇ ਪੁਲਸ ਦੇ ਅਕਸ ਨੂੰ ਮੈਲਾ ਕਰਦੇ ਹਨ ਪਰ ਅੱਜ ਅਸੀਂ ਤੁਹਾਨੂੰ ਇਕ ਅਜਿਹੇ ਸਮਾਜ ਸੇਵੀ ਪੁਲਸ ਮੁਲਾਜ਼ਮ ਨਾਲ ਮਿਲਾਉਣ ਜਾ ਰਹੇ ਹਾਂ, ਜੋ ਪੁਲਸ ਦੇ ਉਜਵਲ ਚਿਹਰੇ ਨੂੰ ਰੂਪਮਾਨ ਕਰਦਾ ਹੈ। ਇਸ ਪੁਲਸ ਮੁਲਾਜ਼ਮ ਦਾ ਨਾਂ ਗੁਰਬਚਨ ਸਿੰਘ ਹੈ, ਜੋ ਪੰਜਾਬ ਪੁਲਸ ‘ਚ ਏ. ਐੱਸ. ਆਈ. ਦੇ ਅਹੁਦੇ ‘ਤੇ ਤਾਇਨਾਤ ਹਨ। ਇਹ ਸੁਪਰ ਕੋਪ ਦੇ ਨਾਂ ਨਾਲ ਵੀ ਜਾਣੇ ਜਾਂਦੇ ਹਨ। ਦੱਸਣਯੋਗ ਹੈ ਕਿ ਗੁਰਬਚਨ ਸਿੰਘ ਸਿਰਫ ਨਸ਼ਿਆਂ ਖਿਲਾਫ ਹੀ ਹੋਕਾ ਨਹੀਂ ਦਿੰਦੇ, ਸਗੋਂ ਲੋਕਾਂ ਨੂੰ ਵਾਤਾਵਰਣ ਪ੍ਰਤੀ ਵੀ ਸੁਚੇਤ ਕਰਦੇ ਹਨ। ਇਥੋਂ ਤੱਕ ਕਿ ਆਪਣੀ ਜੇਬ ‘ਚੋਂ ਪੈਸੇ ਖਰਚ ਕਰਕੇ ਸਕੂਲਾਂ-ਕਾਲਜਾਂ ‘ਚ ਨਸ਼ਿਆਂ ਖਿਲਾਫ ਸੈਮੀਨਾਰ ਕਰਵਾਉਂਦੇ ਹਨ।