ਪੱਤਰ ਪ੍ਰੇਰਕ, ਬੱਦੀ : ਹਿਮਾਚਲ ਪ੍ਰਦੇਸ਼ ਦੇ ਸਨਅਤੀ ਖੇਤਰ ਬੱਦੀ ਨਾਲਾਗੜ੍ਹ ਦੀ ਪਾਕਿਸਤਾਨ ਕਲੋਨੀ ਵਾਰੇ ਸੋਮਵਾਰ ਨੂੰ ਸੁਰਖ਼ੀਆਂ ‘ਚ ਆਈਆਂ ਖ਼ਬਰਾਂ ਨੇ ਲੋਕਾਂ ਦੀ ਰਾਤਾਂ ਦੀ ਨੀਂਦ ਉਡਾ ਦਿੱਤੀ ਹੈ। ਕਾਫੀ ਸਮੇਂ ਤੋਂ ਬੱਦੀ ਦੇ ਸਾਈਂ ਮਾਰਗ ‘ਤੇ ਭੂਪਨਗਰ ਇਲਾਕੇ ਦੇ ਲੋਕ ਆਨਲਾਈਨ ਡਿਲੀਵਰੀ ਲਈ ਪਾਕਿਸਤਾਨ ਕਲੋਨੀ ਦਾ ਪਤਾ ਦਰਜ ਕਰਵਾ ਰਹੇ ਹਨ।
ਪਿਛਲੇ ਕੁਝ ਸਮੇਂ ਤੋਂ ਕੋਰੀਅਰ ਡਿਲੀਵਰੀ ਕੰਪਨੀ ਦੇ ਸੰਚਾਲਕਾਂ ਨੇ ਸੋਚਿਆ ਕਿ ਸ਼ਾਇਦ ਕਿਸੇ ਨੇ ਗ਼ਲਤ ਪਤਾ ਲਿਖਿਆ ਹੋਵੇਗਾ ਪਰ ਹੁਣ ਕਾਫੀ ਸਮੇਂ ਤੋਂ ਪਾਕਿਸਤਾਨ ਕਲੋਨੀ ਲਈ ਹੀ ਇਲਾਕੇ ਤੋਂ ਡਿਲੀਵਰੀ ਆਰਡਰ ਆਉਣੇ ਸ਼ੁਰੂ ਹੋ ਗਏ ਹਨ।
ਲੋਕਾਂ ਦੇ ਮੋਬਾਈਲਾਂ ‘ਤੇ ਵਾਇਰਲ ਹੋਇਆ ਕਾਲੋਨੀ ਦਾ ਪਤਾ
ਇਸ ਨਾਲ ਜਿੱਥੇ ਜਾਂਚ ਏਜੰਸੀਆਂ ਦੀ ਕਾਰਜਪ੍ਰਣਾਲੀ ‘ਤੇ ਸਵਾਲ ਉੱਠਣੇ ਸ਼ੁਰੂ ਹੋ ਗਏ ਹਨ, ਉੱਥੇ ਹੀ ਲੋਕਾਂ ਦੀ ਨੀਂਦ ਵੀ ਉੱਡ ਗਈ ਹੈ। ਇੱਥੇ ਪਾਕਿਸਤਾਨ ਕਲੋਨੀ ਦੇ ਪਤੇ ‘ਤੇ ਵੱਖ-ਵੱਖ ਕੰਪਨੀਆਂ ਦੇ ਡਿਲੀਵਰੀ ਆਰਡਰ ਇਕ ਤੋਂ ਬਾਅਦ ਇਕ ਆ ਰਹੇ ਹਨ।
ਸੋਮਵਾਰ ਨੂੰ ਜਦੋਂ ਡੀਟੀਡੀਸੀ ਕੋਰੀਅਰ ਕੰਪਨੀ ਦਾ ਬਿੱਲ ਲੋਕਾਂ ਦੇ ਮੋਬਾਈਲਾਂ ‘ਤੇ ਵਾਇਰਲ ਹੋਇਆ ਤਾਂ ਉਹ ਹੈਰਾਨ ਰਹਿ ਗਏ ਅਤੇ ਇਸ ਤੋਂ ਬਾਅਦ ਹਿੰਦੂ ਜਾਗਰਣ ਮੰਚ ਦੀ ਇਕਾਈ ਤੁਰੰਤ ਹਰਕਤ ਵਿੱਚ ਆਈ ਅਤੇ ਇਸ ਸਬੰਧੀ ਐਸਪੀ ਦਫ਼ਤਰ ਬੀਬੀਐਨ ਨੂੰ ਸ਼ਿਕਾਇਤ ਪੱਤਰ ਸੌਂਪਿਆ।
ਕੋਰੀਅਰ ਕੰਪਨੀ ਦੇ ਕਰਮਚਾਰੀਆਂ ਨੇ ਵੀ ਕੀਤਾ ਇਤਰਾਜ਼
ਬੱਦੀ ਵਿੱਚ ਕਈ ਕੋਰੀਅਰ ਕੰਪਨੀਆਂ ਕੰਮ ਕਰ ਰਹੀਆਂ ਹਨ। ਭੂਪਨਗਰ ਖੇਤਰ ਦੇ ਲੋਕ ਐਮਾਜ਼ਾਨ, ਫਲਿੱਪਕਾਰਟ ਅਤੇ ਮਾਈਨਟਰਾ ਵਰਗੇ ਆਨਲਾਈਨ ਸ਼ਾਪਿੰਗ ਪੋਰਟਲ ਤੋਂ ਸਮਾਨ ਖਰੀਦਦੇ ਹਨ ਅਤੇ ਉਸੇ ਸਮੇਂ ਆਪਣਾ ਪਤਾ ਦਰਜ ਕਰਦੇ ਹਨ। ਜਦੋਂ ਕੋਰੀਅਰ ਕੰਪਨੀਆਂ ਦੇ ਕਰਮਚਾਰੀ ਇਸ ਪਾਰਸਲ ਦੀ ਡਿਲੀਵਰੀ ਕਰਨ ਲਈ ਪਤੇ ‘ਤੇ ਪਹੁੰਚਦੇ ਹਨ, ਤਾਂ ਇਕ ਵਿਅਕਤੀ ਉਥੇ ਮਲਟੀ-ਰੂਮ ਵਾਲੇ ਘਰ ਤੋਂ ਬਾਹਰ ਨਿਕਲਦਾ ਹੈ ਅਤੇ ਆਪਣਾ ਸਮਾਨ ਲੈ ਕੇ ਵਾਪਸ ਚਲਾ ਜਾਂਦਾ ਹੈ।
ਪਾਕਿਸਤਾਨ ਕਲੋਨੀ ਦਾ ਪਤਾ ਦਰਜ ਕਰਦੇ ਹਨ ਸਿਰਫ਼ ਗਾਹਕ
ਕੋਰੀਅਰ ਕੰਪਨੀਆਂ ਦੇ ਕਰਮਚਾਰੀਆਂ ਦਾ ਕਹਿਣਾ ਹੈ ਕਿ ਆਨਲਾਈਨ ਸ਼ਾਪਿੰਗ ਆਰਡਰ ਦਿੰਦੇ ਸਮੇਂ ਗਾਹਕ ਆਪਣਾ ਪਤਾ ਦਰਜ ਕਰਦਾ ਹੈ ਅਤੇ ਕੰਪਨੀਆਂ ਚਲਾਨ ‘ਤੇ ਉਹੀ ਪਤਾ ਦਰਜ ਕਰਦੀਆਂ ਹਨ। ਸਥਾਨਕ ਕੋਰੀਅਰ ਕਰਮਚਾਰੀਆਂ ਦਾ ਇਹ ਵੀ ਕਹਿਣਾ ਹੈ ਕਿ ਉਹ ਵੀ ਪਾਕਿਸਤਾਨ ਕਲੋਨੀ ਨੂੰ ਦੇਖ ਕੇ ਅਸਹਿਜ ਮਹਿਸੂਸ ਕਰਦੇ ਹਨ ਅਤੇ ਇਸ ਦਾ ਵਿਰੋਧ ਵੀ ਕੀਤਾ ਹੈ।
ਅਜਿਹੀ ਘਟਨਾ ਬਿਲਕੁਲ ਬਰਦਾਸ਼ਤ ਨਹੀਂ
ਜਦੋਂ ਸਾਨੂੰ ਇਸ ਬਾਰੇ ਜਾਣਕਾਰੀ ਮਿਲੀ ਤਾਂ ਅਸੀਂ ਸੋਚਿਆ ਕਿ ਇਹ ਗ਼ਲਤੀ ਨਾਲ ਹੋ ਗਿਆ ਹੋਵੇਗਾ, ਪਰ ਜਦੋਂ ਅਸੀਂ ਕੋਰੀਅਰ ਕੰਪਨੀਆਂ ਨਾਲ ਸੰਪਰਕ ਕੀਤਾ ਤਾਂ ਸਾਨੂੰ ਜਾਣਕਾਰੀ ਮਿਲੀ ਕਿ ਇਸ ਜਗ੍ਹਾ ਤੋਂ ਉਸੇ ਨਾਮ ਨਾਲ ਕੋਰੀਅਰ ਜਾ ਰਹੇ ਹਨ। ਦੂਨ ਵਿਧਾਨ ਸਭਾ ਹਲਕੇ ਦੀ ਥਾਣਾ ਪੰਚਾਇਤ ਦੇ ਭੂਪਨਗਰ ਖੇਤਰ ਵਿੱਚ ਇੱਕ ਬਹੁਤ ਵੱਡੀ ਇਮਾਰਤ ਵਿੱਚ ਕਈ ਕਮਰੇ ਬਣਾਏ ਗਏ ਹਨ। ਕਈ ਮੰਜ਼ਿਲਾਂ ਵਾਲੇ ਇਸ ਘਰ ਜਦੋਂ ਵੀ ਕੋਈ ਕੋਰੀਅਰ ਪਹੁੰਚਦਾ ਹੈ ਤਾਂ ਇਸ ਦਾ ਪਤਾ ਪਾਕਿਸਤਾਨ ਕਲੋਨੀ ਹੁੰਦਾ ਹੈ। ਅਜਿਹੀ ਕਾਰਵਾਈ ਨੂੰ ਬਿਲਕੁਲ ਬਰਦਾਸ਼ਤ ਨਹੀਂ ਕੀਤਾ ਜਾਵੇਗਾ। ਇਸ ਪੂਰੇ ਮਾਮਲੇ ਦੀ ਸ਼ਿਕਾਇਤ ਐਸਐਸਪੀ ਬੱਦੀ ਨੂੰ ਦੇ ਦਿੱਤੀ ਗਈ ਹੈ ਅਤੇ ਜਾਂਚ ਦੀ ਮੰਗ ਕੀਤੀ ਗਈ ਹੈ। -ਮਾਨਵ ਸ਼ਰਮਾ, ਸੂਬਾ ਸਕੱਤਰ, ਹਿੰਦੂ ਜਾਗਰਣ ਮੰਚ।
