ਸਰੀ ਨੇ 64 ਐਵਿਨਿਊ ਸੜਕ ਨੂੰ ਚੌੜਾ ਕਰਨ ਦੇ ਆਖ਼ਰੀ ਪੜਾਅ ਦੀ ਸ਼ੁਰੂਆਤ ਕੀਤੀ

ਸਰੀ, ਬੀ.ਸੀ. – ਸਰੀ ਸ਼ਹਿਰ ਨੇ 152 ਸਟਰੀਟ ਤੋਂ 164 ਸਟਰੀਟ ਦੇ ਵਿਚਕਾਰ 64 ਐਵਿਨਿਊ ਨੂੰ ਚੌੜਾ ਕਰਕੇ ਚਾਰ ਲੇਨ ਬਣਾਉਣ ਅਤੇ ਇੱਕ ਬਹੁ-ਵਰਤੋਂ ਵਾਲਾ ਰਸਤਾ ਸ਼ਾਮਲ ਕਰਨ ਲਈ ਨਿਰਮਾਣ ਕੰਮ ਸ਼ੁਰੂ ਕਰ ਦਿੱਤਾ ਹੈ, ਤਾਂ ਜੋ ਵਸਨੀਕਾਂ ਲਈ ਸਾਈਕਲ ਚਲਾਉਣਾ ਅਤੇ ਲਾਂਘੇ ਤੇ ਤੁਰਨਾ ਸੁਰੱਖਿਅਤ ਬਣਾਇਆ ਜਾ ਸਕੇ। 10 ਮਿਲੀਅਨ ਡਾਲਰ ਦੀ ਲਾਗਤ ਵਾਲੇ ਇਸ ਪ੍ਰੋਜੈਕਟ ਦਾ ਮਕਸਦ ਸੜਕ ਸੁਰੱਖਿਆ ਵਿੱਚ ਸੁਧਾਰ ਕਰਨਾ, ਟਰੈਫ਼ਿਕ ਭੀੜ ਨੂੰ ਘਟਾਉਣਾ ਅਤੇ ਤਾਂ ਜੋ ਸ਼ਹਿਰ ਦੀ ਵਧ ਰਹੀ ਆਬਾਦੀ ਦੀਆਂ ਲੋੜਾਂ ਨੂੰ ਪੂਰਾ ਕਰਨ ਲਈ ਕੀਤਾ ਜਾ ਸਕੇ। ਇਹ ਕੰਮ ਸਰੀ ਸ਼ਹਿਰ ਦੀ ਲੰਬੇ ਸਮੇਂ ਤੋਂ ਇਸ ਇਲਾਕੇ ਬਾਰੇ ਚੱਲ ਰਹੀ ਯੋਜਨਾ ਦਾ ਆਖ਼ਰੀ ਹਿੱਸਾ ਹੈ, ਜਿਸ ਨਾਲ 64 ਐਵਿਨਿਊ ,ਚਾਰ ਲੇਨ ਵਿੱਚ ਤਬਦੀਲ ਹੋ 120 ਸਟਰੀਟ ਤੋਂ 196 ਸਟਰੀਟ ਤੱਕ ਇੱਕ ਲਗਾਤਾਰ ਪੂਰਬ-ਪੱਛਮ ਨੂੰ ਜੋੜਨ ਵਾਲਾ ਮਾਰਗ ਬਣ ਜਾਵੇਗਾ ।

ਮੇਅਰ ਬਰੈਂਡਾ ਲੌਕ ਨੇ ਕਿਹਾ, “ਮੈਨੂੰ ਮਾਣ ਹੈ ਕਿ ਸਾਡੀ ਕੌਂਸਲ 64 ਐਵਿਨਿਊ ਵਰਗੇ ਜ਼ਰੂਰੀ ਸੜਕ ਪ੍ਰੋਜੈਕਟਾਂ ਨੂੰ ਪੂਰਾ ਕਰ ਰਹੀ ਹੈ, ਜੋ ਨਿਊਟਨ ਅਤੇ ਕਲੋਵਰਡੇਲ ਭਾਈਚਾਰਿਆਂ ਨੂੰ ਜੋੜਨ ਵਾਲਾ ਇੱਕ ਮਹੱਤਵਪੂਰਨ ਪੂਰਬ-ਪੱਛਮ ਕੋਰੀਡੋਰ ਹੈ। “ਰਣਨੀਤਕ ਬੁਨਿਆਦੀ ਢਾਂਚੇ ਦੇ ਨਿਵੇਸ਼ ਨੂੰ ਤਰਜੀਹ ਦੇ ਕੇ, ਅਸੀਂ ਆਪਣੇ ਤੇਜ਼ੀ ਨਾਲ ਵਧ ਰਹੇ ਸ਼ਹਿਰ ਦੀਆਂ ਜ਼ਰੂਰਤਾਂ ਨੂੰ ਪੂਰਾ ਕਰ ਰਹੇ ਹਾਂ, ਟਰੈਫ਼ਿਕ ਦੇਰੀ ਨੂੰ ਘਟਾ ਰਹੇ ਹਾਂ, ਸੜਕ ਸੁਰੱਖਿਆ ਨੂੰ ਵਧਾ ਰਹੇ ਹਾਂ, ਅਤੇ ਸੰਪਰਕ ਨੂੰ ਮਜ਼ਬੂਤ ਕਰ ਰਹੇ ਹਾਂ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਸਰੀ ਸਾਰੇ ਵਸਨੀਕਾਂ ਲਈ ਰਹਿਣ ਯੋਗ, ਖ਼ੁਸ਼ਹਾਲ ਭਾਈਚਾਰਾ ਬਣਿਆ ਰਹੇ। ਕੁੱਲ ਮਿਲਾ ਕੇ, ਸਾਡੀ ਕੌਂਸਲ ਅਗਲੇ ਪੰਜ ਸਾਲਾਂ ਵਿੱਚ ਸੜਕਾਂ ਅਤੇ ਆਵਾਜਾਈ ਵਿੱਚ $446 ਮਿਲੀਅਨ ਦਾ ਨਿਵੇਸ਼ ਕਰ ਰਹੀ ਹੈ, ਜੋ ਬੁਨਿਆਦੀ ਢਾਂਚੇ ਦੇ ਨਿਰਮਾਣ ਦੀ ਸਾਡੀ ਵਚਨਬੱਧਤਾ ਨੂੰ ਦਰਸਾਉਂਦੇ, ਸਰੀ ਨੂੰ ਜੋੜ ਕੇ ਰੱਖੇਗੀ ਅਤੇ ਅੱਗੇ ਵਧਾਏਗੀ।”

ਮੁੱਖ ਸੜਕ ਸੁਧਾਰਾਂ ਵਿੱਚ ਸ਼ਾਮਲ ਹੋਣਗੇ:

• ਦੋ ਲੇਨਾਂ ਤੋਂ ਵਧਾ ਕੇ ਚਾਰ ਲੇਨ ਬਣਾਉਣਾ;
• ਦੱਖਣੀ ਪਾਸੇ ਸਾਈਕਲ ਸਵਾਰਾਂ ਅਤੇ ਪੈਦਲ ਚੱਲਣ ਵਾਲਿਆਂ ਲਈ ਬਹੁ-ਵਰਤੋਂ ਵਾਲਾ ਰਸਤਾ ਬਣਾਉਣਾ;
• •152 ਸਟਰੀਟ ਤੋਂ 68 ਐਵਿਨਿਊ ਤੱਕ ਨਵੀਂ ਸੜਕ ਦੀ ਤਿਆਰੀ;
• 64 ਐਵਿਨਿਊ ਅਤੇ 152 ਸਟਰੀਟ ਇੰਟਰਸੈਕਸ਼ਨ ‘ਤੇ ਰੇਲਵੇ ਲਾਈਨ ਉੱਤੇ ਮੁਰੰਮਤ ਕੰਮ।

ਨਿਰਮਾਣ ਕਾਰਜ ਦੌਰਾਨ 64 ਐਵਿਨਿਊ ਨੇੜੇ 152 ਸਟਰੀਟ ਦੇ ਇੱਕ ਹਿੱਸੇ ਨੂੰ ਥੋੜ੍ਹੇ ਸਮੇਂ ਲਈ ਬੰਦ ਕੀਤਾ ਜਾਵੇਗਾ ਤਾਂ ਜੋ ਰੇਲਵੇ ਕਰਾਸਿੰਗ ਦੇ ਕੰਮ ਨੂੰ ਤੇਜ਼ੀ ਨਾਲ ਪੂਰਾ ਕੀਤਾ ਜਾ ਸਕੇ।

ਟ੍ਰਾਂਸਪੋਰਟੇਸ਼ਨ ਦੇ ਡਾਇਰੈਕਟਰ ਰਾਫੇਲ ਵਿਲੇਰੀਅਲ ਨੇ ਕਿਹਾ, “152 ਤੋਂ 164 ਸਟਰੀਟ ਤੱਕ 64 ਐਵਿਨਿਊ ਦੇ  ਵਿਸਥਾਰ ਨਾਲ ਡੈਲਟਾ ਤੋਂ ਲੈਂਗਲੀ ਤੱਕ ਲਗਾਤਾਰ ਚਾਰ ਲੇਨਾਂ ਵਾਲਾ ਮਾਰਗ ਪੂਰਾ ਹੋ ਜਾਵੇਗਾ। ਇਹ ਟਰੱਕ ਰੂਟ ਅਤੇ ਮੁੱਖ ਪੂਰਬ-ਪੱਛਮ ਆਰਟਰੀ ਹੋਣ ਦੇ ਨਾਤੇ, ਖੇਤਰੀ ਵਪਾਰਕ ਆਵਾਜਾਈ ਨੂੰ ਮਜ਼ਬੂਤ ਕਰੇਗਾ, ਜਿਸ ਨਾਲ ਸਥਾਨਕ ਟਰੈਫ਼ਿਕ ਲਈ ਆਸਾਨੀ ਪੈਦਾ ਹੋਵੇਗੀ ਅਤੇ ਨਵੇਂ ਮਲਟੀ-ਯੂਜ਼ ਰਸਤੇ ਰਾਹੀਂ ਪੈਦਲ ਚੱਲਣ ਵਾਲਿਆਂ ਅਤੇ ਸਾਈਕਲ ਸਵਾਰਾਂ ਲਈ ਸੁਰੱਖਿਆ ਅਤੇ ਰਾਬਤੇ ਵਿੱਚ ਸੁਧਾਰ ਹੋਵੇਗਾ।”

152 ਸਟਰੀਟ ਤੋਂ 164 ਸਟਰੀਟ ਤੱਕ 64 ਐਵਿਨਿਊ ਦੀ ਚੌੜਾਈ ਦਾ ਕੰਮ 2026 ਤੱਕ ਪੂਰਾ ਹੋਣ ਦੀ ਉਮੀਦ ਹੈ। 177B ਸਟਰੀਟ ਤੋਂ 184 ਸਟਰੀਟ ਤੱਕ ਪਹਿਲੇ ਪੜਾਅ ਦੇ ਨਿਰਮਾਣ ਦਾ ਕੰਮ ਲਗਭਗ ਪੂਰਾ ਹੋ ਚੁੱਕਾ ਹੈ।

64 ਐਵਿਨਿਊ ਪ੍ਰੋਜੈਕਟਾਂ ਬਾਰੇ ਹੋਰ ਜਾਣਨ ਲਈ: surrey.ca/64Avenue ‘ਤੇ ਜਾਓ।