ਆਗਰਾ,- ਕੇਂਦਰੀ ਮੰਤਰੀ ਵਾਲਾ ਅਹੁਦਾ ਖੁੱਸਣ ਪਿੱਛੋਂ ਪਾਰਲੀਮੈਂਟ ਮੈਂਬਰ ਰਾਮ ਸ਼ੰਕਰ ਕਠੇਰੀਆ ਬਹੁਤ ਗੁੱਸੇ ਵਿੱਚ ਹਨ। ਉਨ੍ਹਾਂ ਦੇ ਇੱਕ ਬਿਆਨ ਤੋਂ ਨਾਰਾਜ਼ਗੀ ਸਾਫ ਝਲਕ ਰਹੀ ਹੈ। ਉਨ੍ਹਾਂ ਨੇ ਸੰਗਠਨ ਦੇ ਬਾਰੇ ਕੁਝ ਨਹੀਂ ਬੋਲਿਆ, ਪਰ ਸੋਸ਼ਲ ਸਾਈਟਸ ‘ਤੇ ਉਨ੍ਹਾਂ ਨੇ ਆਪਣੇ ਖਿਲਾਫ ਮੋਰਚਾ ਵਿੱਢੀ ਲੋਕਾਂ ਨੂੰ ਕੁੱਤਾ ਕਿਹਾ। ਕਠੇਰੀਆ ਨੂੰ ਮੰਤਰੀ ਮੰਡਲ ਤੋਂ ਹਟਾਉਣ ਦੇ ਬਾਅਦ ਕੁਝ ਲੋਕ ਸੋਸ਼ਲ ਮੀਡੀਆ ੱਤੇ ਆਪਣੀ ਖੁਸ਼ੀ ਜ਼ਾਹਰ ਕਰ ਰਹੇ ਹਨ। ਇਨ੍ਹਾਂ ਵਿੱਚ ਕੁਝ ਲੋਕ ਤਾਂ ਭਾਜਪਾ ਦੇ ਸਮਰਥਕ ਵੀ ਹਨ।
ਸੋਸ਼ਲ ਮੀਡੀਆ ਉੱਤੇ ਵਿਰੋਧੀਆਂ ਦੀ ਟਿੱਪਣੀ ਦੇ ਸਵਾਲ ਉੱਤੇ ਕਠੇਰੀਆ ਨੇ ਕਿਹਾ ਕਿ ਜੰਗਲ ਵਿੱਚ ਸ਼ੇਰ ਰਹਿੰਦਾ ਹੈ, ਕਦੇ ਕੋਈ ਕੰਡਾ ਚੁੱਭ ਜਾਵੇ ਤਾਂ ਕੁੱਤੇ ਸੋਚਦੇ ਹਨ ਕਿ ਸ਼ੇਰ ਖਤਮ ਹੋ ਗਿਆ, ਪਰ ਕੁੱਤਿਆਂ ਦੀ ਸਥਿਤੀ ਇਹ ਹੈ ਕਿ ਉਹ ਭੌਂਕ ਰਹੇ ਹਨ।
ਕਠੇਰੀਆ ਨੇ ਪ੍ਰਿਅੰਕਾ ਗਾਂਧੀ ਨੂੰ ਉੱਤਰ ਪ੍ਰਦੇਸ਼ ਵਿੱਚ ਕਾਂਗਰਸ ਦੀ ਚੋਣ ਪ੍ਰਚਾਰ ਦੀ ਕਮਾਂਡ ਸੌਂਪਣ ਦੀਆਂ ਅਟਕਲਾਂ ਉੱਤੇ ਕਿਹਾ ਕਿ ਸੂਬੇ ਵਿੱਚ ਕਾਂਗਰਸ ਖਤਮ ਹੋ ਚੁੱਕੀ ਹੈ, ਭਾਵੇਂ ਪ੍ਰਿਅੰਕਾ ਗਾਂਧੀ ਪ੍ਰਚਾਰ ਕਰੇ ਜਾਂ ਕੋਈ ਹੋਰ, ਪ੍ਰਿਅੰਕਾ ਗਾਂਧੀ ਵੀ ਹੁਣ ਯੂ ਪੀ ਵਿੱਚ ਕਾਂਗਰਸ ਨੂੰ ਨਹੀਂ ਬਚਾ ਸਕਦੀ।