ਭਾਰਤੀ ਨੌਜਵਾਨ ਨੂੰ ਪਾਕਿਸਤਾਨੀ ਦੱਸ ਕੈਨੇਡੀਅਨ ਗੋਰੀ ਨੇ ਵਤਨ ਪਰਤਣ ਲਈ ਕਿਹਾ

ਐਡਮਿੰਟਨ: ਕੈਨੇਡਾ ਵਿੱਚ ਭਾਰਤੀ ਨੌਜਵਾਨ ਨੂੰ ਕਥਿਤ ਤੌਰ ‘ਤੇ ਸਥਾਨਕ ਗੋਰੀ ਔਰਤ ਵੱਲੋਂ ਨਸਲੀ ਟਿੱਪਣੀ ਦਾ ਸਾਹਮਣਾ ਕਰਨਾ ਪਿਆ ਹੈ। ਦੋਵਾਂ ਵਿਚਾਲੇ ਕਾਰ ਖੜ੍ਹੀ ਕਰਨ ਦੌਰਾਨ ਤਕਰਾਰ ਹੋ ਗਈ, ਜਿਸ ਤੋਂ ਔਖੀ ਹੋ ਕੇ ਗੋਰੀ ਔਰਤ ਨੇ ਭਾਰਤੀ ਨੌਜਵਾਨ ਨੂੰ ਕਿਹਾ ਕਿ ਪਾਕੀ, ਆਪਣੇ ਦੇਸ਼ ਵਾਪਸ ਜਾ। ਰਾਹੁਲ ਕੁਮਾਰ ਭਾਰਤ ਤੋਂ ਸੱਤ ਸਾਲ ਪਹਿਲਾਂ ਕੈਨੇਡਾ ਚਲਾ ਗਿਆ ਸੀ। ਸੀਟੀਵੀ ਨਿਊਜ਼ ਦੀ ਰਿਪੋਰਟ ਮੁਤਾਬਕ ਉਸ ਨੂੰ ਗੋਰੀ ਨੇ ਲੂਜ਼ਰ (ਹਾਰਿਆ ਹੋਇਆ ਇਨਸਾਨ) ਕਹਿ ਕੇ ਸੱਦਿਆ ਤੇ ਮਲ ਰੰਗੀ ਚਮੜੀ ਵਾਲਾ ਇਨਸਾਨ ਵੀ ਦੱਸਿਆ। ਰਾਹੁਲ ਨੇ ਉਸ ਦੇ ਘਰ ਦੇ ਬਾਹਰ ਵਾਪਰੀ ਇਸ ਘਟਨਾ ਨੂੰ ਆਪਣੇ ਫ਼ੋਨ ਵਿੱਚ ਰਿਕਾਰਡ ਕਰ ਲਿਆ।