ਭਾਰਤੀ ਨੇਵੀ ‘ਚ ਅਗਨੀਵੀਰ ਦੀ ਸਿਖਲਾਈ ਲੈ ਰਹੀ ਕੁੜੀ ਨੇ ਹੋਸਟਲ ’ਚ ਕੀਤੀ ਖ਼ੁਦਕੁਸ਼ੀ

ਮੁੰਬਈ : ਭਾਰਤੀ ਸਮੁੰਦਰੀ ਫ਼ੌਜ ’ਚ ਅਗਨੀਵੀਰ ਦੀ ਸਿਖਲਾਈ ਲੈ ਰਹੀ ਕੁੜੀ ਨੇ ਮੁੰਬਈ ’ਚ ਆਈਐੱਨਐੱਸ ਹਮਲਾ ’ਚ ਆਪਣੇ ਹੋਸਟਲ ਦੇ ਕਮਰੇ ’ਚ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਪੁਲਿਸ ਨੇ ਦੱਸਿਆ ਕਿ ਕੇਰਲ ਦੀ ਰਹਿਣ ਵਾਲੀ ਇਹ ਕੁੜੀ ਮਲਾਡ ’ਚ ਮਾਲਵਾਨੀ ਇਲਾਕੇ ’ਚ ਆਈਐੱਨਐੱਸ ਹਮਲਾ ’ਚ ਸਿਖਲਾਈ ਲੈ ਰਹੀ ਸੀ। ਉਸ ਨੇ ਸੋਮਵਾਰ ਸਵੇਰੇ ਆਪਣੇ ਹੋਸਟਲ ਦੇ ਕਮਰੇ ’ਚ ਫਾਹਾ ਲੈ ਕੇ ਖ਼ੁਦਕੁਸ਼ੀ ਕਰ ਲਈ। ਘਟਨਾ ਵਾਲੀ ਥਾਂ ਤੋਂ ਕੋਈ ਖ਼ੁਦਕੁਸ਼ੀ ਨੋਟ ਬਰਾਮਦ ਨਹੀਂ ਹੋਇਆ ਤੇ ਜਾਪਦਾ ਹੈ ਕਿ ਉਸ ਨੇ ਨਿੱਜੀ ਕਾਰਨਾਂ ਕਰਕੇ ਖ਼ੁਦਕੁਸ਼ੀ ਕੀਤੀ। ਆਪਣੀ ਸ਼ੁਰੂਆਤੀ ਸਿਖਲਾਈ ਪੂਰੀ ਕਰਨ ਤੋਂ ਬਾਅਦ ਉਹ ਪਿਛਲੇ 15 ਦਿਨਾਂ ਤੋਂ ਇਸ ਕੇਂਦਰ ’ਚ ਸਿਖਲਾਈ ਲੈ ਰਹੀ ਹੈ। ਪੁਲਿਸ ਨੇ ਮਾਮਲੇ ’ਚ ਏਡੀਆਰ ਦਰਜ ਕੀਤੀ ਹੈ ਤੇ ਅਗਲੀ ਜਾਂਚ ਜਾਰੀ ਹੈ।