ਪ੍ਰਦੂਸ਼ਣ ਨਾਲ 60,000 ਮੌਤਾਂ, ਸੁਪਰੀਮ ਕੋਰਟ ਦਾ ਸਵਾਲ, ਜ਼ਿੰਦਗੀ ਜ਼ਰੂਰੀ ਜਾਂ ਉਦਯੋਗ ?

ਨਵੀਂ ਦਿੱਲੀ: ਸੁਪਰੀਮ ਕਰੋਟ ਨੇ ਪਿਛਲੇ ਸਾਲ ਪ੍ਰਦੂਸ਼ਣ ਨਾਲ ਹੋਈਆਂ 60,000 ਮੌਤਾਂ ਦੇ ਮਾਮਲੇ ‘ਤੇ ਸਰਕਾਰ ਨੂੰ ਝਾੜਦਿਆਂ ਕਿਹਾ ਕਿ ਜ਼ਿਆਦਾ ਜ਼ਰੂਰੀ ਕੀ ਹੈ? ਲੋਕਾਂ ਦੀ ਜ਼ਿੰਦਗੀ ਜਾਂ ਇੰਡਸਟਰੀ? ਜਸਟਿਸ ਮਦਨ ਬੀ ਲੋਕੁਰ ਦੀ ਅਗਵਾਈ ਵਾਲੇ ਬੈਂਚ ਨੇ ਦੱਸਿਆ ਕਿ ਪਿਛਲੇ ਸਾਲ ਪ੍ਰਦੂਸ਼ਣ ਕਾਰਨ 60,000 ਲੋਕਾਂ ਮੌਤ ਹੋ ਗਈ ਸੀ।
ਬੈਂਚ ਨੇ ਪੈਟ ਕੋਕ ‘ਤੇ ਪਾਬੰਦੀ ਲਾਉਣ ਦੇ ਮਾਮਲੇ ਦੀ ਸੁਣਵਾਈ ਕਰਦਿਆਂ ਵਾਤਾਵਰਣ ਮੰਤਰਾਲੇ ਨੂੰ ਪੁੱਛਿਆ ਕਿ ਸ਼ਹਿਰ ‘ਚ ਪ੍ਰਦੂਸ਼ਣ ਦੀ ਬਹੁਤਾਤ ਕਾਰਨ ਲੋਕ ਮਰ ਰਹੇ ਹਨ। ਇੱਥੋਂ ਤੱਕ ਕਿ ਲੋਕਾਂ ਦਾ ਸਾਹ ਲੈਣਾ ਮੁਸ਼ਕਲ ਹੋਇਆ ਪਿਆ ਹੈ। ਅਜਿਹੇ ‘ਚ ਵਾਤਾਵਰਣ ਮੰਤਰਾਲਾ ਕੀ ਕਰ ਰਿਹਾ ਹੈ।