ਪਾਰਕਸ ਕੈਨੇਡਾ ਨੇ 2017 ਵਿਜ਼ਟਰ ਸੈਸ਼ਨ ਲਈ ਨਵਾਂ ਮੋਬਾਈਲ ਐਪ ਲਾਂਚ ਕੀਤਾ
ਔਟਵਾ,: ਲਿਬਰਲ ਸਰਕਾਰ ਨੇ ਕੈਨੇਡਾ ਦੀ 150 ਵਰ•ੇਗੰਢ ਮੌਕੇ ਕੌਮੀ ਪਾਰਕਾਂ ‘ਚ ਦਾਖ਼ਲੇ ਲਈ ਫੀਸ ਮੁਆਫ਼ ਕਰਨ ਦਾ ਫੈਸਲਾ ਕੀਤਾ ਹੈ। ਕੈਨੇਡਾ ਪਾਰਕਸ ਨੇ ਰੁਜ ਨੈਸ਼ਨਲ ਅਰਬਨ ਪਾਰਕ ‘ਤੇ ਕੈਨੇਡਾ ਦੀ 150ਵੀਂ ਵਰ•ਗੰਢ ਦੇ ਜਸ਼ਨਾਂ ‘ਚ 2017 ਵਿਜ਼ੀਟਰ ਸੈਸ਼ਨ ਦਾ ਐਲਾਨ ਕਰਦਿਆਂ ਸੈਲਾਨੀਆਂ ਲਈ ਇਕ ਐਪ ਵੀ ਲਾਂਚ ਕੀਤੀ। ਕੈਨੇਡਾ ਦੀ ਵਾਤਾਵਰਣ, ਕਲਾਈਮੇਟ ਚੇਂਜ ਅਤੇ ਪਾਰਕਸ ਕੈਨੇਡਾ ਲਈ ਜ਼ਿੰਮੇਵਾਰ ਮੰਤਰੀ ਕੈਥਰੀਨ ਮੈਕੇਨਾ ਨੇ ਕਿਹਾ ਕਿ ਕੈਨੇਡਾ ਦੀ 150ਵੀਂ ਵਰ•ੇਗੰਢ ਦੇ ਜਸ਼ਨਾਂ ਦੇ ਹਿੱਸੇ ਵਜੋਂ ਲਿਬਰਲ ਸਰਕਾਰ ਕਿਸੇ ਵੀ ਕੌਮੀ ਪਾਰਕ ‘ਚ ਦਾਖ਼ਲੇ ਲਈ ਫੀਸ ਨਹੀਂ ਵਸੂਲੇਗੀ ਤੇ ਸਾਰੀਆਂ ਕੌਮੀ ਪਾਰਕਾਂ ‘ਚ ਦਾਖ਼ਲਾ ਮੁਫ਼ਤ ਹੋਵੇਗਾ। ਉਨ•ਾਂ ਕਿਹਾ ਕਿ 2017 ‘ਚ ਸਾਰੇ ਕੌਮੀ ਪਾਰਕਾਂ ‘ਚ ਸੈਲਾਨੀਆਂ ਨੂੰ ਮੁਫ਼ਤ ਦਾਖ਼ਲੇ ਦੀ ਪੇਸ਼ਕਸ਼ ਕਰ ਕੇ ਸਰਕਾਰ ਬੇਹੱਦ ਖ਼ੁਸ਼ ਹੈ। ਇਸ ਸਬੰਧੀ ਪਾਰਕਸ ਕੈਨੇਡਾ ਨੇ 2017 ਵਿਜ਼ਟਰ ਸੈਸ਼ਨ ਲਈ ਨਵਾਂ ਮੋਬਾਈਲ ਐਪ ਲਾਂਚ ਕੀਤਾ ਹੈ। ਐਪ ਰਾਹੀਂ ਲੋਕਾਂ ਨੂੰ ਪਾਰਕਾਂ ਬਾਰੇ ਵਿਸਥਾਰਿਤ ਜਾਣਕਾਰੀ ਮਿਲ ਸਕੇਗੀ, ਜਿਸ ‘ਚ ਇੰਟਰਐਕਟਿਵ ਮੈਪ ਅਤੇ ਇਵੈਂਟ ਸੂਚੀ ਦੇ ਨਾਲ ਨਾਲ ਕੈਨੇਡਾ ਦੇ ਕਿਸੇ ਵੀ ਨੈਸ਼ਨਲ ਪਾਰਕ, ਇਤਿਹਾਸਕ ਥਾਵਾਂ ਅਤੇ ਸਮੁੰਦਰੀ ਸੁਰੱਖਿਆ ਦੇ ਖੇਤਰ ਦੀ ਯਾਤਰਾ ਕਰਨ ਦੀ ਯੋਜਨਾ ਤੇ ਸੁਝਾਅ ਦਿੱਤੇ ਗਏ ਹਨ। ਫੈਡਰਲ ਮੰਤਰੀ ਕੈਥਰੀਨ ਮੈਕੇਨਾ ਨੇ ਕਿਹਾ ਕਿ ਪਾਰਕਾਂ ‘ਚ ਮੰਨੋਰੰਜਨ ਕਰਨ ਲਈ ਆਉਣ ਵਾਲੇ ਸੈਲਾਨੀਆਂ ਨੂੰ ਉੱਚ ਗੁਣਵੱਤਾ ਅਤੇ ਅਰਥਪੂਰਣ ਤਜਰਬੇ ਪ੍ਰਦਾਨ ਕਰਨ ਦੇ ਨਾਲ ਫੈਡਰਲ ਸਰਕਾਰ ਕੌਮੀ ਪਾਰਕਾਂ ਦੀ ਸਾਂਭ ਸੰਭਾਲ ਲਈ ਵਚਨਬੱਧ ਹੈ। ਪਾਰਕਸ ਕੈਨੇਡਾ ਆਪਣੇ ਸੈਲਾਨੀਆਂ ਨੂੰ ਜੀਪੀਐਸ ਥਰਡ ਫੋਟੋ ਫਿਲਟਰਾਂ ਦੇ ਨਾਲ ਐਪ ਰਾਹੀਂ ਸੋਸ਼ਲ ਮੀਡੀਆ ‘ਤੇ ਆਪਣੇ ਤਜਰਬੇ ਸਾਂਝੇ ਕਰਨ ਲਈ ਉਤਸ਼ਾਹਿਤ ਕਰ ਰਿਹਾ ਹੈ। ਪਾਰਕਸ ਕੈਨੇਡਾ ਐਂਟਰੀ ਫਾਟਕ ਅਤੇ ਵਿਜ਼ਟਰ ਸੈਂਟਰਾਂ ਤੋਂ ਇਲਾਵਾ ਕੈਨੇਡਾ ਵਾਸੀ ਪਾਰਕਜ਼ ਕੈਨੇਡਾ ਦੀ ਵੈੱਬਸਾਈਟ ਤੋਂ ਅਜੇ ਵੀ ਆਪਣਾ ਮੁਫ਼ਤ ਪਾਰਕਸ ਕੈਨੇਡਾ 2017 ਡਿਸਕਵਰੀ ਪਾਸ ਲੈ ਸਕਦੇ ਹਨ। ਸੀਆਈਬੀਸੀ ਅਤੇ ਪਾਰਕਸ ਕੈਨੇਡਾ ਦੇ ਪਾਰਟਨਰ ਬੈਂਕ ਜਿਵੇਂ ਕਿ ਮਾਊਂਟੇਨ ਅਕਿਊਪਮੈਂਟ ਕੋ-ਅਪ (ਐਮ.ਈ.ਸੀ.) ਵਰਗੇ ਬੈਂਕ ਵੀ ਨੈਸ਼ਨਲ ਪਾਰਕਾਂ ਲਈ ਪਾਸ ਵੰਡਣਗੇ।
