ਹਰ 6 ਸੈਕਿੰਡ ਬਾਅਦ ਮੌਤ, ਸਾਲ ‘ਚ 60 ਲੱਖ ਮੌਤਾਂ, ਫਿਰ ਵੀ ਬੇਪ੍ਰਵਾਹ

ਨਵੀਂ ਦਿੱਲੀ: ਤੰਬਾਕੂ ਦੇ ਸੇਵਨ ਨਾਲ ਦਿਲ, ਬਲੱਡ ਵੈਸਲਜ਼, ਫੇਫੜੇ, ਅੱਖਾਂ ਮੂੰਹ, ਹੱਡੀਆਂ ਗੱਲ ਕੀ ਸਰੀਰ ਦੇ ਹਰ ਅੰਗ ਨੂੰ ਨੁਕਸਾਨ ਪਹੁੰਚਦਾ ਹੈ। ਅੱਜ ਵਿਸ਼ਵ ਤੰਬਾਕੂ ਦਿਹਾੜਾ ਹੈ। ਇਸ ਮੌਕੇ ਜਾਨਣ ਦੀ ਕੋਸ਼ਿਸ਼ ਕਰਦੇ ਹਾਂ ਕਿ ਨਿਕੋਟੀਨ ਤੇ ਸਿਗਰਟਨੋਸ਼ੀ ਕਿਵੇਂ ਮਨੁੱਖੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਰਿਹਾ ਹੈ।

ਵਿਸ਼ਵ ਸਿਹਤ ਸੰਸਥਾ ਮੁਤਾਬਕ ਤੰਬਾਕੂ ਦੇ ਇਸਤੇਮਾਲ ਨਾਲ ਹਰ ਸਾਲ ਤਕਰੀਬਨ 60 ਲੱਖ ਲੋਕਾਂ ਦੀ ਮੌਤ ਹੁੰਦੀ ਹੈ। 6 ਲੱਖ ਲੋਕ ਅਜਿਹੇ ਹਨ ਜਿਨ੍ਹਾਂ ਨੂੰ ਸਾਥੀਆਂ ਦੇ ਤੰਬਾਕੂ ਦੇ ਧੂੰਏਂ ਨਾਲ ਨੁਕਸਾਨ ਪਹੁੰਚਦਾ ਹੈ। ਇਨ੍ਹਾਂ ਹੀ ਨਹੀਂ ਹਰ 6 ਸੈਕਿੰਡ ਤੰਬਾਕੂ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੁੰਦੀ ਹੈ। ਭਾਰਤ ਵਿੱਚ 274.9 ਮਿਲੀਅਨ ਲੋਕ ਤੰਬਾਕੂ ਦਾ ਇਸਤੇਮਾਲ ਕਰਦੇ ਹਨ। ਗਲੋਬਲ ਐਡਲਟ ਟੋਬੈਕੋ ਸਰਵੇ ਆਫ ਇੰਡੀਆ (ਘਅਠਸ਼) ਦੀ ਰਿਪੋਰਟ ਮੁਤਾਬਕ 163.7 ਮਿਲੀਅਨ ਭਾਰਤੀ ਤੰਬਾਕੂ ਦਾ ਸੇਵਨ ਕਰਦੇ ਹਨ। 68.9 ਮਿਲੀਅਨ ਲੋਕ ਸਿਗਰਟ ਪੀਂਦੇ ਹਨ। 42.3 ਮਿਲੀਅਨ ਲੋਕ ਸਿਗਰਟ ਤੇ ਸਮੋਕਲੈੱਸ ਤੰਬਾਕੂ ਦੋਵਾਂ ਦਾ ਸੇਵਨ ਕਰਦੇ ਹਨ।

ਦੇਸ਼ ਭਰ ਵਿੱਚ 35 ਫੀਸਦ ਐਡਲਟ ਹਨ ਜੋ ਤੰਬਾਕੂ ਦਾ ਕਿਸੇ ਵੀ ਰੂਪ ਵਿੱਚ ਸੇਵਨ ਕਰਦੇ ਹਨ। ਇਨ੍ਹਾਂ ਵਿੱਚ 47.7 ਫੀਸਦ ਮਰਦ ਤੇ 20.3 ਫੀਸਦ ਔਰਤਾਂ ਹਨ। ਤੰਬਾਕੂ ਵਿੱਚ 5000 ਜ਼ਹਿਰੀਲੇ ਪਦਾਰਥ ਮਿਲੇ ਹੁੰਦੇ ਹਨ ਜਿਨ੍ਹਾਂ ਵਿੱਚੋਂ ਸਭ ਤੋਂ ਖਤਰਨਾਕ ਨਿਕੋਟੀਨ, ਕਾਰਬਨ ਮੋਨੋਆਕਸਾਈਟ ਤੇ ਟਾਰ ਹੁੰਦੀ ਹੈ। ਨਿਕੋਟੀਨ ਬਹੁਤ ਤੇਜ਼ੀ ਨਾਲ ਦਿਮਾਗ ਵਿੱਚ ਸਫਰ ਕਰਦਾ ਹੈ ਤੇ ਬਹੁਤ ਜਲਦੀ ਸੋਖ ਵੀ ਲਿਆ ਜਾਂਦਾ ਹੈ।

ਨਿਕੋਟੀਨ ਕਾਰਨ ਦਿਲ, ਹਾਰਮੋਨਸ ਤੇ ਗਲੇ ਦੀ ਪ੍ਰਕਿਰਿਆ ਬਹੁਤ ਬੁਰੀ ਤਰ੍ਹਾਂ ਨਾਲ ਪ੍ਰਭਾਵਿਤ ਹੁੰਦੇ ਹਨ। ਤੰਬਾਕੂ ਨਾਲ ਖਤਰਨਾਕ ਬਿਮਾਰੀਆਂ ਕੈਂਸਰ, ਕਾਰਜੀਓਵਸਕੁਲਰ ਡਿਸੀਜ਼, ਰੈਸਪੀਰੇਟਰੀ ਡਿਸੀਜ਼ ਤੇ ਗਰਭ ਧਾਰਨ ਕਰਨ ਵਿੱਚ ਪ੍ਰੇਸ਼ਾਨੀਆਂ ਆਉਂਦੀਆਂ ਹਨ। ਇਸ ਨਾਲ ਜਨਮ ਲੈਣ ਵਾਲੇ ਬੱਚੇ ਨੂੰ ਸਾਹ ਆਦਿ ਬਿਮਾਰੀਆਂ ਹੋ ਜਾਂਦੀਆਂ ਹਨ। ਵਿਸ਼ਵ ਸਿਹਤ ਸੰਸਥਾ ਵੱਲੋਂ ਹਰ ਸਾਲ 31 ਮਈ ਨੂੰ ਵਿਸ਼ਵ ਤੰਬਾਕੂ ਦਿਹਾੜਾ ਮਾਨਇਆ ਜਾਂਦਾ ਹੈ। ਵੱਧ ਤੋਂ ਵੱਧ ਲੋਕਾਂ ਨੂੰ ਤੰਬਾਕੂ ਤਿਆਗ ਤੇ ਸਿਹਤਮੰਦ ਜੀਵਨ ਜਿਊਣ ਬਾਰੇ ਜਾਗਰੂਕ ਕੀਤਾ ਜਾਂਦਾ ਹੈ।