ਸਿੱਖ ਆਫ਼ ਅਮਰੀਕਾ ਦੇ ਆਖਰੀ ਦੌਰ ‘ਚ ਪੁੱਜੀ ਜਸਵਿੰਦਰ ਕੌਰ ਬਰਾੜ

ਸਿਆਟਲ, (ਗੁਰਚਰਨ ਸਿੰਘ ਢਿੱਲੋਂ)-ਸਿਆਟਲ ਵਿਚ ਸਿੱਖ ਆਫ਼ ਅਮਰੀਕਾ ਦਾ ਸਿੱਖੀ ਬਾਰੇ ਗਿਆਨ, ਇਤਿਹਾਸ ਦੀ ਜਾਣਕਾਰੀ ਅਤੇ ਸਿੱਖ ਧਰਮ ਦੀ ਜਾਣਕਾਰੀ ਲਈ ਮੁਕਾਬਲਾ ਕਰਵਾਇਆ ਗਿਆ, ਜਿਸ ਵਿਚ ਬੌਥਲ ਸ਼ਹਿਰ ਦੀ ਲੜਕੀ ਜਸਵਿੰਦਰ ਕੌਰ ਬਰਾੜ ਆਖਰੀ ਦੌਰ ਵਿਚ ਪਹੁੰਚ ਚੁੱਕੀ ਹੈ ਜੋ 24 ਨਵੰਬਰ ਸਿਆਟਲ ਦੇ ਕਾਰਗੋ ਥੈਟਰ ਵਿਚ ਆਪਣੀ ਜਾਣਕਾਰੀ ਦਾ ਪ੍ਰਦਰਸ਼ਨ ਕਰੇਗੀ । ਸਿੱਖ ਆਫ਼ ਅਮਰੀਕਾ ਦੇ ਵਿਸ਼ਵ ਪੱਧਰ ਦੇ ਮੁਕਾਬਲੇ 2019 ਵਿਚ ਅਮਰੀਕਾ ਵਿਚ ਹੋਣਗੇ, ਜਿਸ ਦੇ ਜੇਤੂਆਂ ਨੂੰ 50,000 ਡਾਲਰ ਦੇ ਇਨਾਮ ਦਿੱਤੇ ਜਾਣਗੇ। ਜਸਵਿੰਦਰ ਕੌਰ ਬਰਾੜ ਨੇ ਛੇਵੇਂ ਦੌਰ ‘ਚ ਫਾਈਨਲ ਵਿਚ ਪ੍ਰਵੇਸ਼ ਕਰਕੇ ਸਿਆਟਲ ਨਿਵਾਸੀਆਂ ਦਾ ਨਾਂਅ ਰੌਸ਼ਨ ਕੀਤਾ।