ਸਿਆਟਲ, 8 ਸਤੰਬਰ (ਗੁਰਚਰਨ ਸਿੰਘ ਢਿਲੋਂ)-ਪੰਜਾਬੀ ਲਿਖਾਰੀ ਸਭਾ ਸਿਆਟਲ ਵਲੋਂ ਅੰਤਰਰਾਸ਼ਟਰੀ ਸਾਹਿਤਕ ਸੰਮੇਲਨ ਜ਼ਮੂ ਐਪ ਰਾਹੀਂ ਕਰਵਾਇਆ ਗਿਆ, ਜਿਸ ਦੌਰਾਨ ਕੈਨੇਡਾ, ਅਮਰੀਕਾ, ਭਾਰਤ ਤੇ ਇਟਲੀ ਦੇ ਸਾਹਿਤਕਾਰਾਂ ਨੇ ਲਗਾਤਾਰ ਤਿੰਨ ਘੰਟੇ ਤੱਕ ਆਪਣੀਆਂ ਰਚਨਾਵਾਂ ਨਾਲ ਖੂਬ ਰੰਗ ਬੰਨਿ੍ਹਆ | ਸੁਰ-ਸੰਗਮ ਸਾਹਿਤਕ ਸਭਾ ਇਟਲੀ, ਪੰਜਾਬ ਭਵਨ ਸਰੀ, ਕੈਨੇਡਾ, ਪੰਜਾਬੀ ਅਕੈਡਮੀ ਪਾਕਿਸਤਾਨ ਅਤੇ ਕਈ ਸਭਾਵਾਂ ਨੇ ਇਸ ਪ੍ਰੋਗਰਾਮ ਲਈ ਸਭਾ ਨੂੰ ਵਧਾਈ ਦਿੱਤੀ | ਇਸ ਪ੍ਰੋਗਰਾਮ ਵਿਚ ਦੇਸ਼-ਵਿਦੇਸ਼ ਦੇ ਨਾਮਵਰ ਕਵੀਆਂ ਭਾਰਤ ਤੋਂ ਸੁਰਜੀਤ ਜੱਜ, ਅਸ਼ੋਕ ਭੌਰਾ (ਅਮਰੀਕਾ) ਦਸਮੇਸ਼ ਗਿੱਲ ਫਿਰੋਜ਼ (ਕੈਨੇਡਾ) ਤੇ ਦਲਜਿੰਦਰ ਰਹਿਲ (ਇਟਲੀ) ਨੇ ਵੱਖ-ਵੱਖ ਵਿਸ਼ਿਆਂ ‘ਤੇ ਆਪਣੀ ਕਵਿਤਾਵਾਂ ਗਜ਼ਲਾਂ ਨਾਲ ਮਾਹੌਲ ਸ਼ਾਇਰਾਨਾ ਬਣਾ ਦਿੱਤਾ | ਪੰਜਾਬੀ ਲਿਖਾਰੀ ਸਭਾ ਸਿਆਟਲ ਦੇ ਪ੍ਰਧਾਨ ਡਾ: ਜੇ.ਬੀ. ਸਿੰਘ, ਸਕੱਤਰ ਬਲਿਹਾਰ ਲੇਹਲ, ਸਾਬਕਾ ਪ੍ਰਧਾਨ ਹਰਦਿਆਲ ਸਿੰਘ ਚੀਮਾ, ਸਾਧੂ ਸਿੰਘ (ਸਾਹਿਤਕ ਸਕੱਤਰ), ਪਿ੍ਤਪਾਲ ਸਿੰਘ ਟੀਵਾਣਾ (ਵਿੱਤ ਸਕੱਤਰ), ਹਰਜਿੰਦਰ ਸਿੰਘ ਸੰਧੂ, ਸੁਖਵਿੰਦਰ ਸਿੰਘ ਬੋਦਲਾਂਵਾਲਾ, ਸੁਖਬੀਰ ਸਿੰਘ, ਲਖਬੀਰ ਸਿੰਘ ਲੱਕੀ, ਬੀਬੀ ਸਵਰਾਜ ਕੌਰ, ਮਕਸੂਦ ਅਲੀ, ਜਸਬੀਰ ਮੰਗੂਵਾਲ, ਸੁਖਵਿੰਦਰ ਮਾਹੀ ਤੇ ਕੰਵਲਪ੍ਰੀਤ ਕੌਰ ਵਲੋਂ ਆਪੋ-ਆਪਣੀਆਂ ਰਚਨਾਵਾਂ ਪੇਸ਼ ਕੀਤੀਆਂ ਗਈਆਂ |
