ਛੱਤ ਤੋਂ ਡਿੱਗ ਕੇ ਬੱਚੇ ਦੀ ਮੌਤ

ਸਟਾਫ ਰਿਪੋਰਟਰ, ਖੰਨਾ : ਬੀਤੇ ਦਿਨੀ ਪਟਾਕੇ ਚਲਾਉਂਦੇ ਹੋਏ ਛੱਤ ਤੋਂ ਡਿੱਗ ਕੇ ਦੋ ਭੈਣਾਂ ਦੇ ਮਾਸੂਮ ਭਰਾ ਲਕਸ਼ਜੋਤ ਦੀ ਮੌਤ ਹੋ ਗਈ। ਕਰੀਬ 12 ਸਾਲ ਦਾ ਲਕਸ਼ਜੋਤ ਖੰਨਾ ਦੇ ਸੈਕਰਡ ਹਾਰਟ ਸਕੂਲ ‘ਚ ਪੰਜਵੀਂ ਜਮਾਤ ‘ਚ ਪੜ੍ਹਦਾ ਸੀ। ਬੁੱਧਵਾਰ ਰਾਤ ਲਕਸ਼ਜੋਤ ਸਿੰਘ ਛੱਤ ‘ਤੇ ਬੱਚਿਆਂ ਨਾਲ ਖੇਡ ਰਿਹਾ ਸੀ ਤਾਂ ਉਸ ਦੇ ਸਾਥੀ ਬੱਚੇ ਪਟਾਕੇ ਚਲਾ ਰਹੇ ਸਨ। ਇਸ ਦੌਰਾਨ ਅਚਾਨਕ ਲਕਸ਼ਜੋਤ ਡਿੱਗ ਗਿਆ ਤੇ ਉਸ ਦੀ ਮੌਤ ਹੋ ਗਈ। ਮਿ੍ਤਕ ਦਾ ਪਿਤਾ ਸੇਵਾਮੁਕਤ ਫੌਜੀ ਹੈ। ਬੱਚੇ ਦੇ ਚਾਚੇ ਨੇ ਦੱਸਿਆ ਕਿ ਉਸ ਦਾ ਭਤੀਜਾ ਘਰ ਦੀ ਛੱਤ ‘ਤੇ ਬੱਚਿਆਂ ਨਾਲ ਖੇਡ ਰਿਹਾ ਸੀ ਤੇ ਸਾਥੀ ਬੱਚੇ ਪਟਾਖੇ ਚਲਾ ਰਹੇ ਸਨ। ਅਚਾਨਕ ਉਹ ਡਿੱਗ ਪਿਆ ਤੇ ਉਸ ਦੀ ਮੌਤ ਹੋ ਗਈ। ਬੱਚੇ ਦਾ ਸਸਕਾਰ ਕਰ ਦਿੱਤਾ ਗਿਆ ਹੈ।