ਕੁੱਟਮਾਰ ਦੇ ਦੋਸ਼ ‘ਚ ਤਿੰਨ ਖ਼ਿਲਾਫ਼ ਪਰਚਾ

ਸਟਾਫ਼ ਰਿਪੋਰਟਰ, ਬਰਨਾਲਾ : ਥਾਣਾ ਸਿਟੀ-1 ਬਰਨਾਲਾ ਦੀ ਪੁਲਿਸ ਨੇ ਕੁੱਟਮਾਰ ਦੇ ਮਾਮਲੇ ‘ਚ 3 ਜਣਿਆਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਹੈ। ਸਹਾਇਕ ਥਾਣੇਦਾਰ ਗੁਰਸਿਮਰਨਜੀਤ ਸਿੰਘ ਨੇ ਦੱਸਿਆ ਕਿ ਗੁਰਵਿੰਦਰ ਸਿੰਘ ਵਾਸੀ ਸੂਜਾ ਪੱਤੀ, ਵੱਡਾ ਵੇਹੜਾ ਸੰਘੇੜਾ ਨੇ ਪੁਲਿਸ ਨੂੰ ਬਿਆਨ ਦਰਜ ਕਰਵਾਏ ਕਿ ਸੰਘੇੜਾ ਵਿਖੇ ਮੇਰਾ ਇਕ ਬਿਨਾਂ ਚਾਰਦੀਵਾਰੀ ਵਾਲਾ ਪਲਾਟ ਹੈ, ਜਿੱਥੇ ਕਿੱਕਰ ਦੇ ਵੱਡੇ ਦਰੱਖਤ ਦੇ ਵੱਡੇ ਟਾਹਣੇ ਟੁੱਟ ਕੇ ਡਿੱਗ ਗਏ ਸਨ, ਜੋ ਸੁਰਜੀਤ ਸਿੰਘ ਨੇ ਚੁੱਕ ਕੇ ਆਪਣੇ ਘਰ ਰੱਖੇ ਲਏ। ਜਿਸ ਸਬੰਧੀ ਉਨ੍ਹਾਂ ਨੇ ਸੁਰਜੀਤ ਸਿੰਘ ਨੂੰ ਉਲ੍ਹਾਮਾ ਦਿੱਤਾ ਤਾਂ ਉਨਾਂ੍ਹ ਨੇ ਡਾਂਗਾਂ ਨਾਲ ਉਸਦੀ ਕੁੱਟਮਾਰ ਕੀਤੀ। ਪੁਲਿਸ ਨੇ ਸੁਰਜੀਤ ਸਿੰਘ, ਅੰਮਿ੍ਤੀ ਤੇ ਸੁਰਜੀਤ ਸਿੰਘ ਦੇ ਇਕ ਹੋਰ ਲੜਕੇ ਵਾਸੀ ਸੰਘੇੜਾ ਖ਼ਿਲਾਫ਼ ਮਾਮਲਾ ਦਰਜ ਕਰ ਕੇ ਕਾਨੂੰਨੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।