ਆਜ਼ਾਦੀ ਦਿਵਸ ਮੌਕੇ ਜੰਮੂ ਨੂੰ ਦਹਿਲਾਉਣ ਵਾਲਾ ਮਿਲਿਆ ਧਮਕੀ ਭਰਿਆ ਪੱਤਰ

ਜੰਮੂ (ਏਜੰਸੀਆਂ): ਜੰਮੂ ਪੁਲਸ ਅਤੇ ਇਕ ਹੋਰ ਰਾਸ਼ਟਰੀ ਦੈਨਿਕ ਦੇ ਦਫਤਰ ਨੂੰ ਧਮਕੀ ਭਰਿਆ ਪੱਤਰ ਮਿਲਿਆ ਹੈ, ਜਿਸ ‘ਚ ਆਜ਼ਾਦੀ ਦਿਵਸ ਮੌਕੇ ਜੰਮੂ ਕਸ਼ਮੀਰ ‘ਚ ਸਿਲਸਿਲੇਵਾਰ ਧਮਾਕੇ ਕਰਨ ਦੀ ਧਮਕੀ ਦਿੱਤੀ ਗਈ ਹੈ। ਪੁਲਸ ਸੂਤਰਾਂ ਨੇ ਦੱਸਿਆ ਕਿ ਜੰਮੂ ਦੇ ਸੀਨੀਅਰ ਪੁਲਸ ਸੁਪਰਡੈਂਟ ਦੇ ਦਫਤਰ ਅਤੇ ਇਕ ਰਾਸ਼ਟਰੀ ਹਿੰਦੀ ਦੇ ਰੋਜ਼ਾਨਾ ਦਫਤਰ ਨੂੰ ਮਿਲੇ ਪੱਤਰ ‘ਚ ਆਜ਼ਾਦੀ ਦਿਵਸ ਮੌਕੇ ਲੜੀਵਾਰ ਬੰਬ ਧਮਾਕੇ ਕਰਨ ਦੀ ਧਮਕੀ ਦਿੱਤੀ ਗਈ ਹੈ। ਸੂਤਰਾਂ ਮੁਤਾਬਕ ਇਸ ਗੱਲ ਦਾ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਇਹ ਕੁਝ ਸ਼ਰਾਰਤੀ ਤੱਤਾਂ ਦੀ ਕਾਰਗੁਜਾਰੀ ਹੈ ਜਾਂ ਫਿਰ ਅਸਲ ‘ਚ ਗੰਭੀਰ ਦਸਤਾਵੇਜ਼ ਹਨ। ਇਸ ਪੱਤਰ ਦੀ ਜਾਂਚ ਲਈ ਟੀਮ ਦਾ ਗਠਨ ਕੀਤਾ ਗਿਆ ਹੈ ਅਤੇ ਉਸ ਨੂੰ ਸਕੂਲਾਂ ਸਮੇਤ ਵੱਖ-ਵੱਖ ਟਿਕਾਣਿਆਂ ਲਈ ਰਵਾਨਾ ਕੀਤਾ ਗਿਆ ਹੈ।