ਵਾਸ਼ਿੰਗਟਨ: ਅਮਰੀਕਾ ਵਿਚ ਇਕ 24 ਸਾਲਾ ਮੁਟਿਆਰ ਨੂੰ ਉਦੋਂ ਜ਼ੋਰਦਾਰ ਝਟਕਾ ਲੱÎਗਿਆ ਜਦ ਉਸ ਨੂੰ ਪਤਾ ਲੱਗਾ ਕਿ ਉਸ ਦਾ 68 ਸਾਲਾ ਪਤੀ ਉਸ ਦਾ ਦਾਦਾ ਹੈ। ਇਸ ਜੋੜੇ ਨੇ 3 ਮਹੀਨੇ ਪਹਿਲਾਂ ਹੀ ਵਿਆਹ ਕਰਵਾਇਆ ਸੀ। ਉਕਤ ਔਰਤ ਨੂੰ ਸੱਚਾਈ ਦਾ ਉਦੋਂ ਪਤਾ ਲੱਗਾ ਜਦ ਉਸ ਨੇ ਫਲੋਰਿਡਾ ਵਿਚ ਮਿਆਮੀ ਦੀ ਗੋਲਡਨ ਬੀਚ ਵਿਚ ਅਪਣੇ ਘਰ ਅਪਣੇ ਪਤੀ ਨਾਲ ਸਬੰਧਤ ਐਲਬਮ ਦੇਖ ਰਹੀ ਸੀ। ਫਲੋਰਿਡਾ ਸਨ ਪੋਸਟ ਨੇ ਖ਼ਬਰ ਦਿੱਤੀ ਹੈ ਕਿ ਐਲਬਮ ਵਿਚ ਵਿਅਕਤੀ ਦੇ ਪਹਿਲੇ ਵਿਆਹ ਤੇ ਉਸ ਦੇ ਬੱਚਿਆਂ ਦੀਆਂ ਤਸਵੀਰਾਂ ਸਨ। ਉਨ੍ਹਾਂ ਬੱਚਿਆਂ ਵਿਚੋਂ ਇਕ ਉਕਤ ਔਰਤ ਦਾ ਪਿਤਾ ਨਿਕਲਿਆ। ਵਿਅਕਤੀ ਨੇ ਦੱਸਿਆ ਕਿ ਉਸ ਦੀ ਪਤਨੀ ਬੱÎਚਿਆਂ ਨੂੰ ਨਾਲ ਲੈ ਕੇ ਕਿਸੇ ਅਣਦੱਸੀ ਥਾਂ ਚਲੀ ਗਈ ਸੀ। ਉਸ ਨੇ ਕਿਹਾ ਕਿ ਮੈਂ ਉਸ ਨੂੰ ਲੱਭਣ ਵਿਚ ਕਾਮਯਾਬ ਨਹੀਂ ਹੋ ਸਕਿਆ।
ਉਸ ਨੇ ਅਪਣੀ ਪਤਨੀ ਤੇ ਬੱਚਿਆਂ ਨੂੰ ਲੱਭਣ ਵਿਚ ਕਈ ਨਿੱਜੀ ਜਾਂਚਕਾਰਾਂ ਦੀ ਮਦਦ ਵੀ ਲਈ ਪਰ ਕੋਈ ਥਹੁ ਪਤਾ ਨਾ ਲਗਾ ਸਕੇ। ਇਸ ਮਗਰੋਂ ਉਕਤ ਵਿਅਕਤੀ ਨੇ ਦੂਜਾ ਵਿਆਹ ਕਰਵਾ ਲਿਆ ਪਰ ਉਹ ਵੀ ਟਿਕ ਨਾ ਸਕਿਆ ਤੇ ਉਸ ਦੀ ਪਤਨੀ ਨੇ ਲੱਖਾਂ ਡਾਲਰ ਲੈ ਕੇ ਤਲਾਕ ਲੈ ਲਿਆ ਤੇ ਬੱÎਚਿਆਂ ਨੂੰ ਨਾਲ ਲੈ ਗਈ। ਇਸ ਦਾ ਉਸ ਦੀ ਵਿੱਤੀ ਹਾਲਤ ‘ਤੇ ਕਾਫੀ ਮਾੜਾ ਅਸਰ ਪਿਆ ਪਰ ਦੋ ਸਾਲ ਮਗਰੋਂ ਇਸ ਵਿਅਕਤੀ ਦੀ ਲਾਟਰੀ ਨਿਕਲ ਗਈ ਤੇ ਉਸ ਨੇ ਲੱਖਾਂ ਡਾਲਰ ਜਿੱਤ ਲਏ। ਸੰਨ 2015 ਵਿਚ ਉਸ ਨੇ ਨਵੀਂ ਜੀਵਨ ਸਾਥਣ ਲੱਭਣ ਦਾ ਫ਼ੈਸਲਾ ਕੀਤਾ ਤੇ ਲੋਕਲ ਡੇਟਿੰਗ ਏਜੰਸੀ ਵਿਚ ਸਾਈਨ ਅਪ ਕੀਤਾ। ਉਥੇ ਉਸ ਨੂੰ ਕਈ ਦਿਲਕਸ਼ ਕੁੜੀਆਂ ਦੇ ਪ੍ਰੋਫਾਈਲ ਦਿਖਾਈ ਦਿੱਤੇ। ਇਨ੍ਹਾਂ ਵਿਚੋਂ ਇਕ ਕੁੜੀ ਨੂੰ ਉਹ ਰੈਸਟੋਰੈਂਟ ਵਿਚ ਮਿਲਿਆ ਤੇ ਉਸ ਨਾਲ ਉਸ ਦੇ ਪਰਿਵਾਰ ਬਾਰੇ ਥੋੜ੍ਹੀ ਚਰਚਾ ਕਰਕੇ ਉਸ ਕੁੜੀ ਨਾਲ ਵਿਆਹ ਕਰਵਾ ਲਿਆ। ਉਕਤ ਔਰਤ ਨੇ ਕਿਹਾ ਕਿ ਜਦ ਮੈਂ ਫ਼ੋਟੋ ਐਲਬਮ ਵਿਚ ਅਪਣੇ ਪਿਤਾ ਦੀ ਤਸਵੀਰ ਦੇਖੀ ਤਾਂ ਮੈਨੂੰ ਖੁਦ ਤੋਂ ਬਹੁਤ ਨਫਰਤ ਹੋਈ। ਉਕਤ ਔਰਤ ਨੇ ਕਿਹਾ ਕਿ ਮੈਂ ਮਹਿਸੂਸ ਕਰਦੀ ਹਾਂ ਕਿ ਸਾਡਾ ਰਿਸ਼ਤਾ ਐਨਾ ਮਜ਼ਬੂਤ ਹੈ ਕਿ ਉਸ ਨੂੰ ਅਜਹੀਆਂ ਚੀਜ਼ਾਂ ਤੋੜ ਨਹੀਂ ਸਕਦੀਆਂ। ਉਕਤ ਖੁਲਾਸੇ ਤੋਂ ਬਾਅਦ ਵੀ ਇਹ ਜੋੜਾ ਪਤੀ-ਪਤਨੀ ਵਾਂਗ ਰਹਿ ਰਿਹਾ ਹੈ।