ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਦੀਵਾਲੀ ਦੇ ਤਿਉਹਾਰ ਮੌਕੇ ਜ਼ਿਆਦਾਤਰ ਲੋਕ ਆਪਣੇ ਘਰ ਜਾਂਦੇ ਹਨ। ਅਜਿਹੇ ‘ਚ ਟਰੇਨ ਦੀ ਕਨਫਰਮ ਟਿਕਟ ਹਾਸਲ ਕਰਨਾ ਬਹੁਤ ਮੁਸ਼ਕਲ ਹੈ ਅਤੇ ਫਲਾਈਟ ਦੀਆਂ ਟਿਕਟਾਂ ਵੀ ਮਹਿੰਗੀਆਂ ਹਨ। ਅਜਿਹੇ ‘ਚ ਸਪਾਈਸਜੈੱਟ ਨੇ ਗਾਹਕਾਂ ਲਈ ਖਾਸ ਆਫਰ ਪੇਸ਼ ਕੀਤਾ ਹੈ। ਹੁਣ ਤੁਸੀਂ ਇਸ ਆਫਰ ਦਾ ਫਾਇਦਾ ਉਠਾ ਸਕਦੇ ਹੋ ਅਤੇ ਸਸਤੇ ਰੇਟਾਂ ‘ਤੇ ਟਿਕਟ ਬੁੱਕ ਕਰਵਾ ਸਕਦੇ ਹੋ।

ਕੀ ਹੈ SpiceJet ਦੀ ਤਿਉਹਾਰੀ ਆਫਰ

SpiceJet ਦੇ ਆਫਰ ਦੇ ਤਹਿਤ ਗਾਹਕਾਂ ਨੂੰ ਹੁਣ ਫਲਾਈਟਾਂ ‘ਤੇ 10 ਫ਼ੀਸਦੀ ਤੋਂ ਲੈ ਕੇ 30 ਫ਼ੀਸਦੀ ਤੱਕ ਦੇ ਆਫਰ ਮਿਲ ਰਹੇ ਹਨ। ਜੇਕਰ ਤੁਸੀਂ ਵੀ ਇਸ ਆਫਰ ਦਾ ਫ਼ਾਇਦਾ ਉਠਾਉਣਾ ਚਾਹੁੰਦੇ ਹੋ ਤਾਂ ਤੁਸੀਂ SpiceJet ਦੀ ਅਧਿਕਾਰਤ ਵੈੱਬਸਾਈਟ (http://spicejet.com) ‘ਤੇ ਜਾ ਕੇ ਟਿਕਟ ਬੁੱਕ ਕਰ ਸਕਦੇ ਹੋ।

ਤੁਹਾਨੂੰ ਦੱਸ ਦੇਈਏ ਕਿ ਜੇਕਰ ਤੁਸੀਂ ਇਸ ਆਫਰ ਦੀ ਵਰਤੋਂ ਕਰਦੇ ਹੋ ਤਾਂ ਤੁਸੀਂ ਕੋਈ ਹੋਰ ਡੀਲ ਨਹੀਂ ਵਰਤ ਸਕਦੇ ਹੋ। ਇਸ ਪੇਸ਼ਕਸ਼ ਨੂੰ ਰੀਡੀਮ ਕਰਨ ਲਈ ਤੁਹਾਨੂੰ FESTIVE ਪ੍ਰੋਮੋ ਕੋਡ ਦੀ ਵਰਤੋਂ ਕਰਨੀ ਪਵੇਗੀ।

SpiceJet ਦੀ ਵੈੱਬਸਾਈਟ ਅਨੁਸਾਰ ਇਹ ਆਫਰ ਸਿਰਫ ਘਰੇਲੂ ਉਡਾਣਾਂ ‘ਤੇ ਉਪਲੱਬਧ ਹੈ। ਇਸ ਤੋਂ ਇਲਾਵਾ ਇਹ ਸਿਰਫ ਇਕ ਤਰਫਾ ਉਡਾਣਾਂ ਲਈ ਹੈ। ਗਰੁੱਪ ਬੁਕਿੰਗ ‘ਚ ਤੁਹਾਨੂੰ ਇਸ ਆਫਰ ਦਾ ਫ਼ਾਇਦਾ ਨਹੀਂ ਮਿਲੇਗਾ।

SpiceJet ਗਾਹਕਾਂ ਨੂੰ ਵਾਧੂ ਸੇਵਾਵਾਂ ਜਿਵੇਂ ਕਿ SPICEMAX, ਤਰਜੀਹੀ ਸੀਟਾਂ, ਭੋਜਨ ਅਤੇ You1st ‘ਤੇ ਛੋਟ ਵੀ ਦੇ ਰਿਹਾ ਹੈ। ਸਪਾਈਸਜੈੱਟ ਦੀ ਵੈੱਬਸਾਈਟ ਰਾਹੀਂ ਟਿਕਟ ਬੁਕਿੰਗ ‘ਤੇ ਗਾਹਕਾਂ ਨੂੰ 25 ਫ਼ੀਸਦੀ ਤੇ ਮੋਬਾਈਲ ਐਪ ਰਾਹੀਂ ਬੁਕਿੰਗ ‘ਤੇ 30 ਫ਼ੀਸਦੀ ਦੀ ਛੋਟ ਮਿਲੇਗੀ।