ਏਜੰਸੀ, ਮੁੰਬਈ: ਮਹਾਰਾਸ਼ਟਰ ਦੀ ਰਾਜਨੀਤੀ ਲਈ ਬੁੱਧਵਾਰ ਅਹਿਮ ਦਿਨ ਹੋਣ ਵਾਲਾ ਹੈ। ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਰਾਹੁਲ ਨਾਰਵੇਕਰ ਸ਼ਿਵ ਸੈਨਾ ਦੇ 16 ਬਾਗੀ ਵਿਧਾਇਕਾਂ ਨੂੰ ਅਯੋਗ ਠਹਿਰਾਉਣ ‘ਤੇ ਅੱਜ ਆਪਣਾ ਫੈਸਲਾ ਪੜ੍ਹ ਰਹੇ ਹਨ।
ਸਪੀਕਰ ਰਾਹੁਲ ਨਾਰਵੇਕਰ ਨੇ ਆਪਣੇ ਫੈਸਲੇ ‘ਚ ਕਿਹਾ ਕਿ ਸ਼ਿੰਦੇ ਧੜਾ ਹੀ ਅਸਲੀ ਸ਼ਿਵ ਸੈਨਾ ਹੈ। ਉਨ੍ਹਾਂ ਇਹ ਵੀ ਕਿਹਾ ਕਿ ਏਕਨਾਥ ਸ਼ਿੰਦੇ ਨਿਯਮਾਂ ਅਨੁਸਾਰ ਪਾਰਟੀ ਆਗੂ ਬਣੇ ਹਨ। ਉਨ੍ਹਾਂ ਕਿਹਾ ਕਿ ਊਧਵ ਠਾਕਰੇ ਨੂੰ ਏਕਨਾਥ ਸ਼ਿੰਦੇ ਨੂੰ ਹਟਾਉਣ ਦਾ ਅਧਿਕਾਰ ਨਹੀਂ ਹੈ। ਰਾਹੁਲ ਨਾਰਵੇਕਰ ਨੇ ਕਿਹਾ ਕਿ ਸ਼ਿੰਦੇ ਧੜੇ ਦੇ 16 ਵਿਧਾਇਕਾਂ ਦੀ ਮਾਨਤਾ ਬਰਕਰਾਰ ਰਹੇਗੀ। ਨਾਲ ਹੀ, ਹੁਣ ਏਕਨਾਥ ਸ਼ਿੰਦੇ ਮੁੱਖ ਮੰਤਰੀ ਬਣੇ ਰਹਿਣਗੇ। ਸਪੀਕਰ ਦੇ ਇਸ ਫੈਸਲੇ ਨੇ ਊਧਵ ਨੂੰ ਵੱਡਾ ਝਟਕਾ ਦਿੱਤਾ ਹੈ।
ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਰਾਹੁਲ ਨਾਰਵੇਕਰ ਨੇ ਆਪਣੇ ਫੈਸਲੇ ‘ਚ ਕਿਹਾ ਕਿ ਅਸਲ ਪਾਰਟੀ ‘ਤੇ ਊਧਵ ਠਾਕਰੇ ਦੀ ਦਲੀਲ ਨੂੰ ਰੱਦ ਕਰ ਦਿੱਤਾ ਗਿਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਸਪੀਕਰ ਦੇ ਇਸ ਫੈਸਲੇ ਨੇ ਊਧਵ ਗਰੁੱਪ ਨੂੰ ਇੱਕ ਹੋਰ ਵੱਡਾ ਝਟਕਾ ਦਿੱਤਾ ਹੈ।
ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਰਾਹੁਲ ਨਾਰਵੇਕਰ ਨੇ ਕਿਹਾ ਕਿ ਊਧਵ ਠਾਕਰੇ ਨੂੰ ਏਕਨਾਥ ਸ਼ਿੰਦੇ ਨੂੰ ਨੇਤਾ ਦੇ ਅਹੁਦੇ ਤੋਂ ਹਟਾਉਣ ਦਾ ਅਧਿਕਾਰ ਨਹੀਂ ਹੈ, ਪਰ ਏਕਨਾਥ ਸ਼ਿੰਦੇ ਨੂੰ ਹਟਾਉਣ ਦਾ ਫੈਸਲਾ ਰਾਸ਼ਟਰੀ ਕਾਰਜਕਾਰਨੀ ਨੂੰ ਲੈਣਾ ਚਾਹੀਦਾ ਹੈ। ਸਪੀਕਰ ਰਾਹੁਲ ਨਾਰਵੇਕਰ ਨੇ ਕਿਹਾ ਕਿ ਰਾਸ਼ਟਰੀ ਕਾਰਜਕਾਰਨੀ ਦਾ ਫੈਸਲਾ ਸਰਵ ਵਿਆਪਕ ਹੋਵੇਗਾ।
ਸਪੀਕਰ ਰਾਹੁਲ ਨਾਰਵੇਕਰ ਨੇ ਆਪਣੇ ਫੈਸਲੇ ‘ਚ ਕਿਹਾ ਕਿ ਊਧਵ ਠਾਕਰੇ ਨੂੰ ਏਕਨਾਥ ਸ਼ਿੰਦੇ ਨੂੰ ਹਟਾਉਣ ਦਾ ਅਧਿਕਾਰ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਕੋਲ ਸ਼ਿਵ ਸੈਨਾ ਦੇ ਕਿਸੇ ਮੈਂਬਰ ਨੂੰ ਹਟਾਉਣ ਦਾ ਅਧਿਕਾਰ ਨਹੀਂ ਹੈ।
ਮਹਾਰਾਸ਼ਟਰ ਵਿਧਾਨ ਸਭਾ ਦੇ ਸਪੀਕਰ ਰਾਹੁਲ ਨਾਰਵੇਕਰ ਨੇ ਕਿਹਾ ਕਿ ਸ਼ਿਵ ਸੈਨਾ ਦੇ 2018 ਦੇ ਸੋਧੇ ਹੋਏ ਸੰਵਿਧਾਨ ਨੂੰ ਵੈਧ ਨਹੀਂ ਮੰਨਿਆ ਜਾ ਸਕਦਾ ਕਿਉਂਕਿ ਇਹ ਭਾਰਤੀ ਚੋਣ ਕਮਿਸ਼ਨ ਦੇ ਰਿਕਾਰਡ ‘ਤੇ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਰਿਕਾਰਡ ਮੁਤਾਬਕ ਮੈਂ ਸ਼ਿਵ ਸੈਨਾ ਦੇ 1999 ਦੇ ਸੰਵਿਧਾਨ ਨੂੰ ਜਾਇਜ਼ ਸੰਵਿਧਾਨ ਮੰਨ ਲਿਆ ਹੈ।
ਇਸ ਤੋਂ ਪਹਿਲਾਂ ਸ਼ਿਵ ਸੈਨਾ (ਯੂਬੀਟੀ) ਨੇਤਾ ਆਦਿਤਿਆ ਠਾਕਰੇ ਨੇ ਕਿਹਾ ਕਿ ਜੱਜ ਦੋਸ਼ੀ ਨੂੰ ਮਿਲਣ ਜਾ ਰਹੇ ਹਨ। ਜੇਕਰ ਸੰਵਿਧਾਨਕ ਫੈਸਲਾ ਹੁੰਦਾ ਹੈ ਤਾਂ 40 ਵਿਧਾਇਕ ਅਯੋਗ ਹੋ ਜਾਣਗੇ। ਸਰਕਾਰ ਉਨ੍ਹਾਂ ਲੋਕਾਂ ਦੀ ਆਵਾਜ਼ ਨੂੰ ਦਬਾਉਣ ਦੀ ਕੋਸ਼ਿਸ਼ ਕਰ ਰਹੀ ਹੈ ਜਿਨ੍ਹਾਂ ਦਾ ਕੋਈ ਸਬੰਧ ਨਹੀਂ ਹੈ।
ਫੈਸਲਾ ਸਾਡੇ ਹੱਕ ਵਿੱਚ ਹੋਣ ਦੀ ਉਮੀਦ ਹੈ। ਬਹੁਮਤ ਸਾਡੇ ਨਾਲ ਹੈ। ਸਪੀਕਰ ਨੂੰ ਮਿਲਣ ‘ਤੇ ਇਤਰਾਜ਼ ਕਰਨਾ ਗਲਤ ਹੈ। ਵਿਰੋਧੀਆਂ ਨੂੰ ਇਸ ਵਿੱਚ ਕੀ ਸਮੱਸਿਆ ਹੈ? ਮੈਂ ਸਪੀਕਰ ਨਾਲ ਅਧਿਕਾਰਤ ਮੀਟਿੰਗ ਕੀਤੀ ਹੈ। ਅਸੀਂ ਹੀ ਅਸਲੀ ਸ਼ਿਵ ਸੈਨਾ ਹਾਂ, ਇਹ ਸਾਬਤ ਹੋ ਗਿਆ ਹੈ।
ਭਾਜਪਾ ਦੇ ਸੁਧੀਰ ਮੁੰਗਤੀਵਾਰ ਨੇ ਕਿਹਾ, ਸੱਚ ਦੀ ਜਿੱਤ ਹੋਵੇਗੀ। ਏਕਨਾਥ ਸ਼ਿੰਦੇ ਜੀ ਕੋਲ ਬਹੁਮਤ ਹੈ। ਚੋਣ ਕਮਿਸ਼ਨ ਨੇ ਉਨ੍ਹਾਂ ਨੂੰ ਅਧਿਕਾਰਤ ਸ਼ਿਵ ਸੈਨਾ ਐਲਾਨਿਆ ਹੈ।
ਸੂਬੇ ਦਾ ਮੁੱਖ ਮੰਤਰੀ ਅਸੰਵਿਧਾਨਕ : ਸੰਜੇ ਰਾਊਤ
ਸ਼ਿਵ ਸੈਨਾ (ਯੂਬੀਟੀ ਧੜੇ) ਦੇ ਨੇਤਾ ਸੰਜੇ ਰਾਉਤ ਨੇ ਕਿਹਾ, ਅੱਜ ਇਹ ਤੈਅ ਹੋ ਜਾਵੇਗਾ ਕਿ ਇਹ ਸਰਕਾਰ ਗੈਰ-ਕਾਨੂੰਨੀ ਹੈ। ਆਗਾਮੀ ਚੋਣਾਂ ਲਈ ਪ੍ਰਧਾਨ ਮੰਤਰੀ ਮੋਦੀ ਮਹਾਰਾਸ਼ਟਰ ‘ਚ ਰੈਲੀ ਕਰਨ ਆ ਰਹੇ ਹਨ…ਇਹ ਦੇਖਣਾ ਬਾਕੀ ਹੈ ਕਿ ਕੀ ਕਿਸੇ ਤਰ੍ਹਾਂ ਦੀ ਮੈਚ ਫਿਕਸਿੰਗ ਹੁੰਦੀ ਹੈ? ਉਨ੍ਹਾਂ ਨੂੰ ਇੰਨਾ ਭਰੋਸਾ ਕਿਵੇਂ ਹੈ ਕਿ ਇਹ ਸਰਕਾਰ ਬਣੀ ਰਹੇਗੀ? ਅੱਜ ਜੋ ਵੀ ਫੈਸਲਾ ਲਿਆ ਜਾਵੇਗਾ ਉਹ ਮਹਿਜ਼ ਰਸਮੀ ਹੋਵੇਗਾ। ਸੂਬੇ ਦਾ ਮੁੱਖ ਮੰਤਰੀ ਅਸੰਵਿਧਾਨਕ ਹੈ।
ਫੈਸਲੇ ਤੋਂ ਪਹਿਲਾਂ ਏਕਨਾਥ ਸ਼ਿੰਦੇ ਦੀ ਸਰਕਾਰ ਵਿੱਚ ਉਪ ਮੁੱਖ ਮੰਤਰੀ ਦੇਵੇਂਦਰ ਫੜਨਵੀਸ ਨੇ ਭਰੋਸਾ ਜਤਾਇਆ ਹੈ ਕਿ ਸਰਕਾਰ ਸਥਿਰ ਰਹੇਗੀ। ਜਦੋਂ ਕਿ ਸ਼ਿਵ ਸੈਨਾ (ਉਧਵ ਧੜੇ) ਦਾ ਦਾਅਵਾ ਹੈ ਕਿ ਸਪੀਕਰ ਦਾ ਫੈਸਲਾ ਆਉਂਦੇ ਹੀ ਸੂਬੇ ਵਿੱਚ ਸ਼ਿੰਦੇ ਸਰਕਾਰ ਡਿੱਗ ਜਾਵੇਗੀ ।
ਡੇਢ ਸਾਲ ਪਹਿਲਾਂ ਕੀ ਹੋਇਆ ਸੀ ਸ਼ਿਵ ਸੈਨਾ ‘ਚ ਬਗਾਵਤ ਦੀ ਪੂਰੀ ਕਹਾਣੀ
ਡੇਢ ਸਾਲ ਪਹਿਲਾਂ ਸ਼ਿਵ ਸੈਨਾ ‘ਚ ਵੱਡੀ ਬਗਾਵਤ ਹੋਈ ਸੀ । ਕੁਲ 39 ਵਿਧਾਇਕਾਂ ਨੇ ਏਕਨਾਥ ਸ਼ਿੰਦੇ ਦੀ ਅਗਵਾਈ ‘ਚ ਬਗਾਵਤ ਕਰ ਕੇ ਭਾਜਪਾ ਨਾਲ ਮਿਲ ਕੇ ਸਰਕਾਰ ਬਣਾਈ ਸੀ। ਬਾਅਦ ਵਿੱਚ ਏਕਨਾਥ ਸ਼ਿੰਦੇ ਨੂੰ ਮੁੱਖ ਮੰਤਰੀ ਬਣਾਇਆ ਗਿਆ।
ਸ਼ਿਵ ਸੈਨਾ ਦੇ ਊਧਵ ਠਾਕਰੇ ਧੜੇ ਨੇ ਅਦਾਲਤ ਤੱਕ ਪਹੁੰਚ ਕੀਤੀ ਅਤੇ 16 ਬਾਗੀ ਵਿਧਾਇਕਾਂ ਨੂੰ ਅਯੋਗ ਠਹਿਰਾਉਣ ਲਈ ਸੁਪਰੀਮ ਕੋਰਟ ਵਿੱਚ ਕੇਸ ਦਾਇਰ ਕੀਤਾ। ਸ਼ਿੰਦੇ ਧੜੇ ਨੇ ਵੀ ਊਧਵ ਠਾਕਰੇ ਦੇ ਨਾਲ ਬਾਕੀ ਬਚੇ 14 ਵਿਧਾਇਕਾਂ ਨੂੰ ਅਯੋਗ ਠਹਿਰਾਉਣ ਲਈ ਸੁਪਰੀਮ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ ।
ਕੁਝ ਮਹੀਨਿਆਂ ਬਾਅਦ, ਸੁਪਰੀਮ ਕੋਰਟ ਨੇ ਇਹ ਫੈਸਲਾ ਲੈਣ ਦਾ ਅਧਿਕਾਰ ਵਿਧਾਨ ਸਭਾ ਸਪੀਕਰ ਰਾਹੁਲ ਨਾਰਵੇਕਰ ਨੂੰ ਸੌਂਪ ਦਿੱਤਾ।
CM ਨੂੰ ਮਿਲਣ ਕਿਉਂ ਗਏ ਸਪੀਕਰ?
ਇਸ ਦੌਰਾਨ ਸ਼ਿਵ ਸੈਨਾ (ਊਧਵ ਧੜੇ) ਨੇ ਵਿਧਾਨ ਸਭਾ ਸਪੀਕਰ ‘ਤੇ ਪਹਿਲਾਂ ਹੀ ਅਵਿਸ਼ਵਾਸ ਜਤਾਉਣਾ ਸ਼ੁਰੂ ਕਰ ਦਿੱਤਾ ਹੈ। ਦਰਅਸਲ ਪਿਛਲੇ ਕੁਝ ਦਿਨਾਂ ‘ਚ ਵਿਧਾਨ ਸਭਾ ਸਪੀਕਰ ਰਾਹੁਲ ਨਾਰਵੇਕਰ ਦੋ ਵਾਰ ਮੁੱਖ ਮੰਤਰੀ ਸ਼ਿਦੇ ਨਾਲ ਉਨ੍ਹਾਂ ਦੀ ਰਿਹਾਇਸ਼ ‘ਤੇ ਗਏ ਸਨ। ਸ਼ਿਵ ਸੈਨਾ (ਊਧਵ ਧੜੇ) ਨੇ ਇਸ ‘ਤੇ ਇਤਰਾਜ਼ ਦਰਜ ਕਰਵਾਇਆ ਹੈ।
ਊਧਵ ਠਾਕਰੇ ਦਾ ਕਹਿਣਾ ਹੈ ਕਿ ਜਦੋਂ ਜੱਜ (ਰਾਹੁਲ ਨਾਰਵੇਕਰ) ਖੁਦ ਦੋਸ਼ੀ (ਏਕਨਾਥ ਸ਼ਿੰਦੇ) ਨੂੰ ਉਸ ਦੇ ਘਰ ਮਿਲਣ ਜਾ ਰਹੇ ਹਨ, ਤਾਂ ਅਸੀਂ ਜੱਜ ਤੋਂ ਕੀ ਉਮੀਦ ਕਰ ਸਕਦੇ ਹਾਂ।
