ਆਨਲਾਈਨ ਡੈਸਕ, ਨਵੀਂ ਦਿੱਲੀ : ਕਿਹਾ ਜਾਂਦਾ ਹੈ ਕਿ ਦੁਨੀਆ ਵਿਚ ਇਕੋ ਕਿਸਮ ਦੇ ਸੱਤ ਲੋਕ ਹਨ। ਇਹ ਉਦੋਂ ਮੰਨਿਆ ਜਾਂਦਾ ਹੈ ਜਦੋਂ ਕੋਈ ਵਿਅਕਤੀ ਕਿਸੇ ਵਿਅਕਤੀ ਦੇ ਵਰਗਾ ਦਿਖਦਾ ਹੈ। ਸੋਸ਼ਲ ਮੀਡੀਆ ’ਤੇ ਅਕਸਰ ਫਿਲਮੀ ਸਿਤਾਰਿਆਂ ਦੇ ਹਮਸ਼ਕਲ ਨੂੰ ਦੇਖਿਆ ਗਿਆ ਹੈ।
ਕੈਟਰੀਨਾ ਕੈਫ, ਦੀਪਿਕਾ ਪਾਦੁਕੋਣ, ਆਲੀਆ ਭੱਟ ਤੇ ਸਲਮਾਨ ਖਾਨ ਸਮੇਤ ਕਈ ਸੈਲੀਬ੍ਰਿਟੀਜ਼ ਦੇ ਹਮਸ਼ਕਲ ਸਾਹਮਣੇ ਆ ਚੁੱਕੇ ਹਨ। ਹੁਣ ਹਾਲ ਹੀ ‘ਚ ਬਾਲੀਵੁੱਡ ਦੇ ਬਾਦਸ਼ਾਹ ਮਤਲਬ ਸ਼ਾਹਰੁਖ ਖਾਨ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ।
ਸ਼ਾਹਰੁਖ ਦੇ ਹਮਸ਼ਕਲ ਨਾਲ ਮਿਲੇ ਸਲਮਾਨ ਖਾਨ
ਇਨ੍ਹੀਂ ਦਿਨੀਂ ਸ਼ਾਹਰੁਖ ਖਾਨ ਦੇ ਹਮਸ਼ਕਲ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਸ ਵੀਡੀਓ ‘ਚ ਸਲਮਾਨ ਖਾਨ ਵੀ ਨਜ਼ਰ ਆ ਰਹੇ ਹਨ। ਸਲਮਾਨ ਆਪਣੇ ਦੋਸਤ ਸ਼ਾਹਰੁਖ ਦੇ ਹਮਸ਼ਕਲ ਨੂੰ ਦੇਖ ਕੇ ਹਾਸਾ ਨਹੀਂ ਰੋਕ ਪਾ ਰਹੇ ਹਨ ਤੇ ਵੀਡੀਓ ‘ਚ ਜ਼ੋਰ-ਜ਼ੋਰ ਨਾਲ ਹੱਸਦੇ ਨਜ਼ਰ ਆ ਰਹੇ ਹਨ। ਇਹ ਵਿਅਕਤੀ ਵੀਡੀਓ ਵਿੱਚ ਕਹਿੰਦਾ ਹੈ, “Pathan and Tiger is here।” ਇਹ ਸੁਣ ਕੇ ਸਲਮਾਨ ਆਪਣੇ ਮੂੰਹ ‘ਤੇ ਹੱਥ ਰੱਖ ਕੇ ਹੱਸਣ ਲੱਗਦੇ ਹਨ
ਯੂਜ਼ਰਜ ਕਰ ਰਹੇ ਹਨ ਕਾਫੀ ਕੁਮੈਂਟ
ਇਸ ਵੀਡੀਓ ਨੂੰ ਸੋਸ਼ਲ ਮੀਡੀਆ ‘ਤੇ ਪੋਸਟ ਕੀਤਾ ਗਿਆ ਹੈ ਤੇ ਲੋਕ ਕਾਫੀ ਕੁਮੈਂਟ ਕਰ ਰਹੇ ਹਨ। ਇਕ ਯੂਜ਼ਰ ਨੇ ਲਿਖਿਆ, ਸ਼ਾਹਰੁਖ ਦਾ ਫੈਨ ਹੋਣ ਦੇ ਨਾਤੇ ਮੈਂ ਇਸ ‘ਤੇ ਹਾਸਾ ਨਹੀਂ ਰੋਕ ਸਕਦਾ। ਇਕ ਹੋਰ ਯੂਜ਼ਰ ਨੇ ਲਿਖਿਆ, ਵੀਰ ਭਰਾ। ਤੀਜੇ ਨੇ ਲਿਖਿਆ, ਇਹ ਪਠਾਨ ਨਹੀਂ ਥਕਾਨ ਹੈ। ਅਜਿਹੀਆਂ ਕਈ ਕੁਮੈਂਟਸ ਸਾਹਮਣੇ ਆ ਰਹੇ ਹਨ ਪਰ ਕਿਸੇ ਵੱਲੋਂ ਕੋਈ ਰਿਐਕਸ਼ਨ ਨਹੀਂ ਆਇਆ ਹੈ।
ਹੌਲੀ ਹੋਈ ਟਾਈਗਰ 3 ਦੀ ਰਫ਼ਤਾਰ
ਸਲਮਾਨ ਖਾਨ ਤੇ ਕੈਟਰੀਨਾ ਕੈਫ ਦੀ ਫਿਲਮ ਟਾਈਗਰ 3 12 ਨਵੰਬਰ ਨੂੰ ਪਰਦੇ ‘ਤੇ ਰਿਲੀਜ਼ ਹੋਈ ਸੀ। ਇਸ ਫਿਲਮ ਨੇ 16 ਦਿਨਾਂ ‘ਚ 273.80 ਕਰੋੜ ਰੁਪਏ ਦਾ ਕਾਰੋਬਾਰ ਕਰ ਲਿਆ ਹੈ। ਵੀਕੈਂਡ ਤੋਂ ਬਾਅਦ ਸੋਮਵਾਰ ਨੂੰ ਇਸ ਫਿਲਮ ਦੀ ਹਾਲਤ ਕੁਝ ਖਰਾਬ ਨਜ਼ਰ ਆਈ। Sacnilk ਰਿਪੋਰਟ ਮੁਤਾਬਕ ਫਿਲਮ ਦਾ ਕਾਰੋਬਾਰ ਇਕ ਵਾਰ ਹੇਠਾਂ ਚਲਾ ਗਿਆ। ਸ਼ੁਰੂਆਤੀ ਅੰਕੜਿਆਂ ਦੇ ਅਨੁਸਾਰ, ਫਿਲਮ ਨੇ 27 ਨਵੰਬਰ ਨੂੰ ਦੇਸ਼ ਭਰ ਵਿੱਚ 2.60 ਕਰੋੜ ਰੁਪਏ ਕਮਾਏ ਸਨ।
