ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : Raveena Tandon Birthday Special: ਬਾਲੀਵੁੱਡ ਦੀ ਮਸਤ-ਮਸਤ ਗਰਲ ਯਾਨੀ ਰਵੀਨਾ ਟੰਡਨ ਨੇ 90 ਦੇ ਦਹਾਕੇ ‘ਚ ਕਈ ਫਿਲਮਾਂ ‘ਚ ਕੰਮ ਕੀਤਾ। ਕਿਹਾ ਜਾਂਦਾ ਹੈ ਕਿ ਰਵੀਨਾ ਨੂੰ ਇੰਡਸਟਰੀ ‘ਚ ਜ਼ਿਆਦਾ ਪਾਪੜ ਵ੍ਹੇਲਣੇ ਨਹੀਂ ਪਏ। ਉਨ੍ਹਾਂ ਨੌਕਰੀ ਬੜੀ ਆਸਾਨੀ ਨਾਲ ਮਿਲ ਗਈ। ਇਹ ਖੁਲਾਸਾ ਖੁਦ ਅਦਾਕਾਰਾ ਨੇ ਕੀਤਾ ਸੀ।
ਰਵੀਨਾ ਨੇ ਆਪਣੀ ਪਹਿਲੀ ਡੈਬਿਊ ਫਿਲਮ ਦਾ ਕਿੱਸਾ ਮਸ਼ਹੂਰ ਟੀਵੀ ਸ਼ੋਅ ਦ ਕਪਿਲ ਸ਼ਰਮਾ ਸ਼ੋਅ ‘ਤੇ ਕੀਤਾ ਸੀ। ਉਨ੍ਹਾਂ ਦੱਸਿਆ ਸੀ ਕਿ ਉਨ੍ਹਾਂ ਦਾ ਫਿਲਮੀ ਕਰੀਅਰ ਕਿਵੇਂ ਸ਼ੁਰੂ ਹੋਇਆ ਸੀ ਤੇ ਫਿਲਮ ‘ਪੱਥਰ ਕੇ ਫੂਲ’ ਬਿਨਾਂ ਮੰਗੇ ਕਿਵੇਂ ਉਨ੍ਹਾਂ ਦੀ ਝੋਲੀ ‘ਚ ਆ ਗਈ ਸੀ।
ਸਲਮਾਨ ਖਾਨ ਨਾਲ ਕੀਤਾ ਸੀ ਡੈਬਿਊ
ਰਵੀਨਾ ਟੰਡਨ ਨੇ ਹਿੰਦੀ ਸਿਨੇਮਾ ‘ਚ ਸਲਮਾਨ ਖਾਨ ਨਾਲ ਡੈਬਿਊ ਕੀਤਾ ਸੀ। ਰਵੀਨਾ ਟੰਡਨ ਨੇ 1991 ‘ਚ ਰਿਲੀਜ਼ ਹੋਈ ਫਿਲਮ ‘ਪੱਥਰ ਕੇ ਫੂਲ’ ਨਾਲ ਡੈਬਿਊ ਕੀਤਾ ਸੀ। ਇਸ ਫਿਲਮ ਤੋਂ ਬਾਅਦ ਰਵੀਨਾ ਨੇ ਕਦੀ ਪਿੱਛੇ ਮੁੜ ਕੇ ਨਹੀਂ ਦੇਖਿਆ। ਇਸ ਫਿਲਮ ਦੇ ਪਿੱਛੇ ਦੀ ਕਹਾਣੀ ਕਾਫੀ ਦਿਲਚਸਪ ਹੈ, ਜਿਸ ਨੂੰ ਖੁਦ ਅਦਾਕਾਰਾ ਨੇ ਕਪਿਲ ਦੇ ਸ਼ੋਅ ‘ਚ ਸ਼ੇਅਰ ਕੀਤਾ ਸੀ।
ਕਿਵੇਂ ਮਿਲੀ ਸੀ ਰਵੀਨਾ ਨੂੰ ਪਹਿਲੀ ਫਿਲਮ ?
ਰਵੀਨਾ ਟੰਡਨ ਨੂੰ ਆਪਣੀ ਪਹਿਲੀ ਫਿਲਮ ਬਿਨਾਂ ਕਿਸੇ ਪਹੁੰਚ ਜਾਂ ਅਭਿਨੈ ਦੀ ਕੋਸ਼ਿਸ਼ ਕੀਤੇ ਮਿਲ ਗਈ ਸੀ। ਅਦਾਕਾਰਾ ਨੇ ਸ਼ੋਅ ‘ਚ ਕਿਹਾ ਸੀ ਕਿ ਉਹ ਉਨ੍ਹਾਂ ਦਿਨਾਂ ‘ਚ ਕਾਲਜ ਪੜ੍ਹਦੀ ਸੀ। ਇਕ ਦਿਨ ਉਹ ਤੇ ਉਸ ਦਾ ਦੋਸਤ ਪੀਜ਼ਾ ਖਾਣ ਗਏ। ਉਹ ਦੁਕਾਨ ਜਿੱਥੇ ਉਹ ਬੈਠੇ ਸੀ। ਵਿਵੇਕ ਵਾਸਵਾਨੀ ਤੇ ਅਨੰਤ ਬਲਾਨੀ ਵੀ ਉੱਥੇ ਹੀ ਬੈਠੇ ਸਨ। ਜਿਨ੍ਹਾਂ ਨੂੰ ਉਸ ਸਮੇਂ ਸਲਮਾਨ ਖਾਨ ਦੀ ਦੂਜੀ ਫਿਲਮ ਲਈ ਹੀਰੋਇਨ ਦੀ ਤਲਾਸ਼ ਸੀ।
ਅਜਿਹੇ ‘ਚ ਅਨੰਤ ਨੇ ਮੇਰੇ ਵੱਲ ਇਸ਼ਾਰਾ ਕੀਤਾ ਤੇ ਵਿਵੇਕ ਨੂੰ ਮੇਰੇ ਨਾਲ ਗੱਲ ਕਰਨ ਲਈ ਕਿਹਾ। ਵਿਵੇਕ ਨੇ ਮੈਨੂੰ ਪਛਾਣਿਆ ਨਹੀਂ ਪਰ ਮੈਂ ਉਨ੍ਹਾਂ ਨੂੰ ਪਛਾਣ ਲਿਆ ਕਿਉਂਕਿ ਉਹ ਮੇਰੇ ਭਰਾ ਦੇ ਦੋਸਤ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਮੇਰੇ ਨਾਲ ਗੱਲ ਕੀਤੀ ਤਾਂ ਮੈਂ ਦੱਸਿਆ ਕਿ ਮੈਂ ਰਵੀ ਜੀ ਦੀ ਬੇਟੀ ਹਾਂ। ਬਸ ਫਿਰ ਇਸ ਤਰ੍ਹਾਂ ਮੈਨੂੰ ਮੇਰੀ ਪਹਿਲੀ ਫਿਲਮ ਮਿਲ ਗਈ। ਅਦਾਕਾਰਾ ਨੇ ਅੱਗੇ ਕਿਹਾ ਕਿ ਇਸੇ ਦੌਰਾਨ ਸਲੀਮ ਖਾਨ ਜੀ ਨੇ ਮੇਰੇ ਪਿਤਾ ਨੂੰ ਬੁਲਾਇਆ ਸੀ ਤੇ ਇਸ ਤਰ੍ਹਾਂ ਮੈਨੂੰ ਇਕ ਹੋਰ ਮੌਕਾ ਮਿਲ ਗਿਆ।
31 ਸਾਲ ਦੇ ਕਰੀਅਰ ‘ਚ ਕਈ ਸੁਪਰਹਿੱਟ ਫਿਲਮਾਂ ਦਿੱਤੀਆਂ
ਰਵੀਨਾ ਨੂੰ ਇੰਡਸਟਰੀ ‘ਚ 31 ਸਾਲ ਹੋ ਗਏ ਹਨ। ਅਭਿਨੇਤਰੀ ਨੇ ਇੰਨੇ ਸਾਲਾਂ ਦੇ ਆਪਣੇ ਫਿਲਮੀ ਕਰੀਅਰ ‘ਚ ਲਗਪਗ 70 ਫਿਲਮਾਂ ‘ਚ ਕੰਮ ਕੀਤਾ ਹੈ, ਜਿਨ੍ਹਾਂ ਵਿੱਚ ਦਿਲਵਾਲੇ, ਮੋਹਰਾ, ਖਿਲਾੜੀਓਂ ਕਾ ਖਿਲਾੜੀ, ਜ਼ਿੱਦੀ, ਬੜੇ ਮੀਆਂ ਛੋਟੇ ਮੀਆਂ, ਆਂਟੀ ਨੰਬਰ 1 ਅਤੇ ਪਰਦੇਸੀ ਬਾਬੂ ਸਮੇਤ ਕਈ ਸੁਪਰਹਿੱਟ ਫਿਲਮਾਂ ਸ਼ਾਮਲ ਹਨ। ਵੱਡੇ ਪਰਦੇ ਤੋਂ ਬਾਅਦ ਰਵੀਨਾ ਨੇ OTT ‘ਤੇ ਵੀ ਹਲਚਲ ਮਚਾ ਦਿੱਤੀ ਹੈ।
ਪਦਮ ਸ਼੍ਰੀ ਪੁਰਸਕਾਰ ਨਾਲ ਸਨਮਾਨਿਤ
ਸਾਲ 2023 ‘ਚ ਰਾਸ਼ਟਰਪਤੀ ਦ੍ਰੋਪਦੀ ਮੁਰਮੂ ਨੇ ਅਭਿਨੇਤਰੀ ਰਵੀਨਾ ਟੰਡਨ ਨੂੰ ਪਦਮਸ਼੍ਰੀ ਪੁਰਸਕਾਰ ਨਾਲ ਸਨਮਾਨਿਤ ਕੀਤਾ। ਅਭਿਨੇਤਰੀ ਨੂੰ ਇਹ ਪੁਰਸਕਾਰ ਭਾਰਤੀ ਸਿਨੇਮਾ ਵਿੱਚ ਉਨ੍ਹਾਂ ਦੇ ਯੋਗਦਾਨ ਤੇ ਪਰਉਪਕਾਰੀ ਕੰਮਾਂ ਲਈ ਦਿੱਤਾ ਗਿਆ ਸੀ।
