Team Never Won Odi World Cup: ਵਨਡੇ ਵਿਸ਼ਵ ਕੱਪ 5 ਅਕਤੂਬਰ ਤੋਂ ਭਾਰਤ ‘ਚ ਸ਼ੁਰੂ ਹੋਣ ਜਾ ਰਿਹਾ ਹੈ। ਟੂਰਨਾਮੈਂਟ ਦਾ ਪਹਿਲਾ ਮੈਚ ਇੰਗਲੈਂਡ ਤੇ ਨਿਊਜ਼ੀਲੈਂਡ ਵਿਚਾਲੇ ਨਰਿੰਦਰ ਮੋਦੀ ਸਟੇਡੀਅਮ, ਅਹਿਮਦਾਬਾਦ ‘ਚ ਖੇਡਿਆ ਜਾਵੇਗਾ। ਇਹ ਦੋਵੇਂ ਟੀਮਾਂ ਪਿਛਲੇ ਵਿਸ਼ਵ ਕੱਪ ‘ਚ ਫਾਈਨਲਿਸਟ ਸਨ। ਜਿੱਥੇ ਇੰਗਲੈਂਡ ਨੇ ਆਪਣਾ ਪਹਿਲਾ ਖਿਤਾਬ ਜਿੱਤਿਆ। ਇਸ ਦੇ ਨਾਲ ਹੀ ਕੀਵੀ ਟੀਮ ਦਾ ਸੁਪਨਾ ਚਕਨਾਚੂਰ ਹੋ ਗਿਆ। ਨਿਊਜ਼ੀਲੈਂਡ ਸਮੇਤ ਕਈ ਟੀਮਾਂ ਅਜੇ ਤਕ ਵਿਸ਼ਵ ਕੱਪ ਦਾ ਖਿਤਾਬ ਹਾਸਲ ਨਹੀਂ ਕਰ ਸਕੀਆਂ ਹਨ।
ਆਸਟਰੇਲੀਆ ਨੇ ਸਭ ਤੋਂ ਜ਼ਿਆਦਾ ਵਾਰ ਜਿੱਤੀ ਵਿਸ਼ਵ ਕੱਪ ਟਰਾਫੀ
ਹੁਣ ਤਕ 19 ਟੀਮਾਂ ਵਨਡੇ ਵਿਸ਼ਵ ਕੱਪ ਖੇਡ ਚੁੱਕੀਆਂ ਹਨ। ਇਸ ‘ਚ 6 ਟੀਮਾਂ ਹਨ ਜਿਨ੍ਹਾਂ ਨੇ ਖਿਤਾਬ ਜਿੱਤਿਆ ਹੈ। ਵੈਸਟਇੰਡੀਜ਼ ਪਹਿਲੇ ਦੋ ਸੈਸ਼ਨਾਂ ‘ਚ ਚੈਂਪੀਅਨ ਸੀ, ਪਰ ਇਸ ਵਾਰ ਕੁਆਲੀਫਾਈ ਨਹੀਂ ਕਰ ਸਕੀ। ਇਤਿਹਾਸ ‘ਚ ਇਹ ਪਹਿਲੀ ਵਾਰ ਹੈ ਜਦੋਂ ਕੈਰੇਬੀਅਨ ਟੀਮ ਵਿਸ਼ਵ ਕੱਪ ਨਹੀਂ ਖੇਡ ਰਹੀ ਹੈ। ਭਾਰਤ ਨੇ ਆਪਣਾ ਪਹਿਲਾ ਖਿਤਾਬ 1983 ‘ਚ ਜਿੱਤਿਆ ਸੀ। ਫਿਰ 2011 ‘ਚ 28 ਸਾਲਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਦੂਜਾ ਵਿਸ਼ਵ ਕੱਪ ਜਿੱਤਿਆ। ਆਸਟ੍ਰੇਲੀਆ ਸਭ ਤੋਂ ਵੱਧ 5 ਵਾਰ ਚੈਂਪੀਅਨ ਬਣਿਆ ਹੈ।
ਇਹ 5 ਟੀਮਾਂ ਅਜੇ ਵੀ ਵਿਸ਼ਵ ਕੱਪ ਟਰਾਫੀ ਤੋਂ ਦੂਰ
ਜਿਨ੍ਹਾਂ ਟੀਮਾਂ ਨੇ ਵਿਸ਼ਵ ਕੱਪ ‘ਚ ਖਿਤਾਬ ਨਹੀਂ ਜਿੱਤਿਆ ਹੈ। ਇਨ੍ਹਾਂ ‘ਚੋਂ 5 ਟੀਮਾਂ ਇਸ ਵਾਰ ਵਿਸ਼ਵ ਕੱਪ ਖੇਡ ਰਹੀਆਂ ਹਨ। ਦੱਖਣੀ ਅਫਰੀਕਾ, ਬੰਗਲਾਦੇਸ਼, ਅਫਗਾਨਿਸਤਾਨ, ਨੀਦਰਲੈਂਡ ਅਤੇ ਨਿਊਜ਼ੀਲੈਂਡ ਉਹ ਟੀਮਾਂ ਹਨ।
ਨਿਊਜ਼ੀਲੈਂਡ ਨੇ ਖੇਡੇ ਸਾਰੇ ਐਡੀਸ਼ਨ
ਨਿਊਜ਼ੀਲੈਂਡ ਦੀ ਕ੍ਰਿਕਟ ਟੀਮ ਨੇ ਸਾਰੇ ਵਿਸ਼ਵ ਕੱਪ ਖੇਡੇ ਹਨ। 5 ਵਾਰ ਸੈਮੀਫਾਈਨਲ ਤਕ ਪਹੁੰਚਿਆ ਤੇ ਦੋ ਵਾਰ ਫਾਈਨਲ ਖੇਡਿਆ। 2015 ਅਤੇ 2019 ‘ਚ ਨਿਊਜ਼ੀਲੈਂਡ ਨੇ ਲਗਾਤਾਰ ਵਿਸ਼ਵ ਕੱਪ ਦੇ ਫਾਈਨਲ ਵਿੱਚ ਥਾਂ ਬਣਾਈ, ਪਰ ਉਹ ਖਿਤਾਬ ਨਹੀਂ ਜਿੱਤ ਸਕੀ।
ਦੱਖਣੀ ਅਫਰੀਕਾ ਫਾਈਨਲ ‘ਚ ਹੁਣ ਤਕ ਨਹੀਂ ਪਹੁੰਚੀ
ਦੱਖਣੀ ਅਫਰੀਕਾ ਨੇ 1992 ਤੋਂ ਵਿਸ਼ਵ ਕੱਪ ਖੇਡਿਆ ਹੈ। ਉਹ 4 ਵਾਰ ਸੈਮੀਫਾਈਨਲ ‘ਚ ਪਹੁੰਚੀ ਹੈ। ਪਿਛਲੀ ਵਾਰ ਇਹ ਗਰੁੱਪ ਪੜਾਅ ਤੋਂ ਬਾਹਰ ਹੋ ਗਿਆ ਸੀ। ਟੀਮ ਅੱਜ ਤਕ ਫਾਈਨਲ ‘ਚ ਨਹੀਂ ਪਹੁੰਚ ਸਕੀ।
ਬੰਗਲਾਦੇਸ਼ ਤੇ ਅਫਗਾਨਿਸਤਾਨ ਵੀ ਖਿਤਾਬ ਤੋਂ ਦੂਰ
ਬੰਗਲਾਦੇਸ਼ ਨੇ ਆਪਣਾ ਪਹਿਲਾ ਵਿਸ਼ਵ ਕੱਪ 1999 ਵਿੱਚ ਖੇਡਿਆ ਸੀ। ਟੀਮ ਅਜੇ ਤਕ ਸੈਮੀਫਾਈਨਲ ਤਕ ਨਹੀਂ ਪਹੁੰਚ ਸਕੀ ਹੈ। ਇਸ ਦੇ ਨਾਲ ਹੀ ਅਫਗਾਨਿਸਤਾਨ ਨੇ ਆਪਣਾ ਪਹਿਲਾ ਵਿਸ਼ਵ ਕੱਪ 2015 ਵਿੱਚ ਖੇਡਿਆ ਸੀ। ਅਫਗਾਨਿਸਤਾਨ ਦੀ ਟੀਮ ਵੀ ਖਿਤਾਬ ਜਿੱਤਣ ਵਿੱਚ ਕਾਮਯਾਬ ਨਹੀਂ ਹੋ ਸਕੀ ਹੈ।
