Lord Ganesha Puja: ਹਿੰਦੂ ਧਰਮ ‘ਚ ਕੋਈ ਵੀ ਮੰਗਲ ਕਾਰਜ ਸ਼ੁਰੂ ਕਰਨ ਤੋਂ ਪਹਿਲਾਂ ਭਗਵਾਨ ਗਣੇਸ਼ ਨੂੰ ਯਾਦ ਕੀਤਾ ਜਾਂਦਾ ਹੈ, ਕਿਉਂਕਿ ਉਹ ਸਾਰੀਆਂ ਰੁਕਾਵਟਾਂ ਨੂੰ ਦੂਰ ਕਰਦੇ ਹਨ। ਭਾਦੋਂ ਮਹੀਨਾ ਸ਼ੁਰੂ ਹੋ ਗਿਆ ਹੈ। ਅਜਿਹੇ ‘ਚ ਲੋਕ ਭਗਵਾਨ ਗਣੇਸ਼ ਦਾ ਆਸ਼ੀਰਵਾਦ ਲੈਣ ਲਈ ਉਨ੍ਹਾਂ ਨੂੰ ਆਪਣੀ ਮਨਪਸੰਦ ਚੀਜ਼ ਚੜ੍ਹਾਉਂਦੇ ਹਨ। ਇਸ ਦੇ ਨਾਲ ਹੀ ਕੁਝ ਅਜਿਹੀਆਂ ਚੀਜ਼ਾਂ ਦਾ ਵੀ ਜ਼ਿਕਰ ਕੀਤਾ ਗਿਆ ਹੈ ਜਿਨ੍ਹਾਂ ਨੂੰ ਭਗਵਾਨ ਵਿਘਨਹਾਰਤਾ ਗਣੇਸ਼ ਨੂੰ ਨਹੀਂ ਚੜ੍ਹਾਉਣਾ ਚਾਹੀਦਾ, ਇਸ ਨਾਲ ਅਸ਼ੁੱਭ ਨਤੀਜੇ ਵੀ ਮਿਲ ਸਕਦੇ ਹਨ।
ਇਸ ਲਈ ਨਹੀਂ ਚੜ੍ਹਾਉਂਦੇ ਤੁਲਸੀ
ਹਿੰਦੂ ਧਰਮ ‘ਚ ਤੁਲਸੀ ਦਾ ਵਿਸ਼ੇਸ਼ ਮਹੱਤਵ ਹੈ। ਇਹ ਲਾਜ਼ਮੀ ਤੌਰ ‘ਤੇ ਭਗਵਾਨ ਵਿਸ਼ਨੂੰ ਦੀ ਪੂਜਾ ‘ਚ ਵਰਤਿਆ ਜਾਂਦਾ ਹੈ ਪਰ ਭਗਵਾਨ ਗਣੇਸ਼ ਨੂੰ ਤੁਲਸੀ ਦਲ ਚੜ੍ਹਾਉਣਾ ਵਰਜਿਤ ਮੰਨਿਆ ਜਾਂਦਾ ਹੈ। ਇਸ ਦੇ ਪਿੱਛੇ ਇਕ ਮਿਥਿਹਾਸਕ ਕਥਾ ਹੈ ਜਿਸ ਅਨੁਸਾਰ ਇਕ ਵਾਰ ਭਗਵਾਨ ਗਣੇਸ਼ ਨੇ ਤੁਲਸੀ ਵਿਆਹ ਦੇ ਪ੍ਰਸਤਾਵ ਨੂੰ ਠੁਕਰਾ ਦਿੱਤਾ ਸੀ, ਜਿਸ ਤੋਂ ਬਾਅਦ ਤੁਲਸੀ ਨੇ ਗਣੇਸ਼ ਜੀ ਨੂੰ ਦੋ ਵਿਆਹ ਹੋਣ ਦਾ ਸਰਾਪ ਦਿੱਤਾ ਸੀ।
ਨਾ ਚੜ੍ਹਾਓ ਚਿੱਟੀਆਂ ਚੀਜ਼ਾਂ
ਚਿੱਟੇ ਫੁੱਲ, ਕੱਪੜੇ, ਸਫੈਦ ਪਵਿੱਤਰ ਧਾਗਾ, ਸਫੈਦ ਚੰਦਨ ਆਦਿ ਭਗਵਾਨ ਗਣੇਸ਼ ਨੂੰ ਨਹੀਂ ਚੜ੍ਹਾਉਣੇ ਚਾਹੀਦੇ ਕਿਉਂਕਿ ਸਫੈਦ ਚੀਜ਼ਾਂ ਦਾ ਸਬੰਧ ਚੰਦਰਮਾ ਨਾਲ ਮੰਨਿਆ ਜਾਂਦਾ ਹੈ। ਕਥਾ ਅਨੁਸਾਰ ਚੰਦਰਮਾ ਨੇ ਭਗਵਾਨ ਗਣੇਸ਼ ਦਾ ਮਜ਼ਾਕ ਉਡਾਇਆ ਜਿਸ ਕਾਰਨ ਭਗਵਾਨ ਗਣੇਸ਼ ਨੇ ਚੰਦਰਮਾ ਨੂੰ ਸਰਾਪ ਦਿੱਤਾ। ਇਹੀ ਕਾਰਨ ਹੈ ਕਿ ਭਗਵਾਨ ਗਣੇਸ਼ ਨੂੰ ਚਿੱਟੀਆਂ ਚੀਜ਼ਾਂ ਨਹੀਂ ਚੜ੍ਹਾਈਆਂ ਜਾਂਦੀਆਂ।
ਅਕਸ਼ਤ ਚੜ੍ਹਾਉਂਦੇ ਸਮੇਂ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ
ਭਗਵਾਨ ਗਣੇਸ਼ ਦੀ ਪੂਜਾ ‘ਚ ਕਦੇ ਵੀ ਟੁੱਟੇ ਜਾਂ ਸੁੱਕੇ ਚੌਲਾਂ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ। ਇਸ ਕਾਰਨ ਤੁਹਾਨੂੰ ਬੱਪਾ ਦੀ ਨਾਰਾਜ਼ਗੀ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਕਿਉਂਕਿ ਅਕਸ਼ਤ ਦਾ ਅਰਥ ਹੈ ਜਿਸ ਨੂੰ ਕੋਈ ਨੁਕਸਾਨ ਨਾ ਹੋਇਆ ਹੋਵੇ ਭਾਵ ਜੋ ਪੂਰਾ ਹੋਵੇ, ਬਿਨਾਂ ਕਿਸੇ ਟੁੱਟ-ਭੱਜ ਦੇ। ਇਸ ਲਈ ਪੂਜਾ ‘ਚ ਵਰਤੇ ਜਾਣ ਵਾਲੇ ਪੂਰੇ ਚੌਲਾਂ ਨੂੰ ਅਕਸ਼ਤ ਕਿਹਾ ਜਾਂਦਾ ਹੈ।
ਨਾ ਚੜ੍ਹਾਓ ਕੇਤਕੀ ਦਾ ਫੁੱਲ
ਜੇਕਰ ਤੁਸੀਂ ਗਣੇਸ਼ ਉਤਸਵ ਦੌਰਾਨ ਭਗਵਾਨ ਗਣੇਸ਼ ਦੀ ਪੂਜਾ ਕਰ ਰਹੇ ਹੋ ਤਾਂ ਧਿਆਨ ਰੱਖੋ ਕਿ ਉਨ੍ਹਾਂ ਦੀ ਪੂਜਾ ‘ਚ ਕੇਤਕੀ ਦੇ ਫੁੱਲਾਂ ਦੀ ਵੀ ਵਰਤੋਂ ਨਾ ਕੀਤੀ ਜਾਵੇ। ਮਾਨਤਾਵਾਂ ਅਨੁਸਾਰ, ਕੇਤਕੀ ਦੇ ਫੁੱਲ ਭਗਵਾਨ ਸ਼ਿਵ ਨੂੰ ਵੀ ਨਹੀਂ ਚੜ੍ਹਾਏ ਜਾਂਦੇ, ਇਸ ਲਈ ਭਗਵਾਨ ਗਣੇਸ਼ ਨੂੰ ਇਹ ਫੁੱਲ ਚੜ੍ਹਾਉਣ ਦੀ ਮਨਾਹੀ ਹੈ।
